Jeems 3:15 - Yennu Gbounpaauŋ Mɔɔr

¹⁵ Li yan ki nyi Yennu boor ni kaa, li tee tingbouŋ na nan gbanant loomm nan Sintaanii yare,

Yennu Gbouŋ Mɔɔr

¹⁵ Li yan ki nyi Yennu boor kaa, li tee tingbouŋ na nan gbanant loomm nan Sintaanii yare,

Jeems 3:15 ပူးပေါင်းရင်းမြစ်များ

Barŋanii nba ki LUK din sɔb nae na 16:8

Tɔn, yoo nba ki chanbaa na gbat u karachi fobidiirɔ na nba tun biaŋinba na, ki u pakɔ, a u tun nan yame.” Ki Yisa ŋamm yetib a “Binba waa tingbouŋ na sɔnue mɔk yan bi mɔŋ niib sinsuuk ni ki gar binba waa yentu sɔnu nba mɔk biaŋinba.

Jɔɔnn 3:17

kimaan Yennu nba din tun u Bija tingbouŋ na ni, u din ki tumɔ a wun tan bu tingbouŋ na niib buut ki biirib kaa, ŋaan u din yaa wun tinnibe.

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Toona 13:10

ki tan yetɔ a “Fin, nibiiuk daanɔ nba gbee nan kpinkpannii na! Fine tee Sintaanii bik, ki bia tee toonŋana kur dataak. Fin ŋarin, yoo kur a jikit Yennu barmɔnii ki kpintir faake.

Rom Teeb 1:22

Ki bi yaa a bi mɔk yame, ŋaan tee jatit;

1 Korint teeb 1:27

Ŋaan Yennue gann binba tee jatit tingbouŋ na teeb boor ni, a wun te ki yandamm-n di fei; ki bia gann tatimm tingbouŋ na teeb boor ni, a wun te ki paŋ damm-n di fei.

1 Korint teeb 2:14

ŋaan wunba ki mɔk Yennu Seyeeŋ maŋ, li yɔɔ ki gaan Yennu Seyeeŋ na maami, kimaan li sii tee jatiie ki turɔ, ki u kan bann li paaki, kimaan li bannu nyi Seyeeŋ na boor nie.

1 Korint teeb 3:19

Linba ki tingbouŋ na teeb dukin ki li tee yan na, li tee jatiie Yennu boor, nan la sɔb Yennu gbouŋ ni a “Yennu biir yan damm bannu.”

1 Korint teeb 3:3

kimaan i binbeŋ bia daa be kaman nan tingbouŋ na niib binbeŋ nee; kimaan funfunn nan mɔniɔk-i be i sinsuuk ni, i ki waa tingbouŋ na teeb binbeŋ kaa-aa?

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

2 Korint teeb 11:3

N mɔk jijeet i paak ma n mi niib tan sa mann kpanni a i ji daa waa Masia fanu, kaman nan Sintaanii nba din kpann Adam ŋaapoo Iif biaŋinba na.

Filipi teeb 3:19

Bi tan sa joont nan tubdatu nba kaa gbennue, kimaan bi poore tee bi yennu. Bi mɔk yuugontir nan linba dintib fei nee. Bi dukii linba tee tingbouŋ na bona kuukɔɔ poe.

2 Tesalonika teeb 2:9

Nifobiiuk maŋ tan sa baar nan Sintaanii yaake ki tuun yaarlituk nan bakitnauŋ toonboori kur a wun kpann niib.

1 Timoti 4:1

Tɔn, Yennu Seyeeŋ set wantit yeenin ni nan yoo nba waa poorpo na ki nisiab tan sa nyik Masia labaar nawa, ŋaan sak narinbiit nba sa kpannib na, ki bia wei Sintaanii wannu na.

Jeems 1:17

Bonŋann kur nyii sanpaapoe ti Baa Yennu boor, wunba din nan sanpaapo yentu kura. Ŋɔɔ ŋanin ki lebitir kaman nan sanpaapo yentu nba tuu lebitir biaŋinba na; u bia daa tee ŋɔɔ Yennue.

Jeems 1:5

Li-i tee ki i sɔɔ pɔt yan, wun miar Yennu wunba pi sɔɔ kur piinii nan burchint, ki ki dint sɔɔ fei na, ki u sa turɔwa.

Jeems 3:17

Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

Juud 1:19

Li niboorue baat nan bɔkitu i sinsuuk ni; bi gbanant loomm kuukɔɔe diab, Yennu Seyeeŋ kaa bi ni.

Fiitu 12:9

bi jii waakperbiiuk na ki nyinnɔ; u poŋ tuu tee waauk nba tuu beewa, ki u sann yi Sanbiirtɔɔ amii Sintaanii, ki tuu kpann tingbouŋ na teeb kur na. Ki bi nyinn ŋɔɔ nan u malakanba ki lub tingbouŋ na ni.

Fiitu 2:24

“Ŋaan i siab nba be Tiataira ki ki waa poo maŋ sɔnii na, ki bia ki waa linba ki siab yir Sintaanii woonin ni labaar na, n yeen yimme a n kan jinni jikpiata.

Fiitu 9:11

Ki malaka nba guu bootsunsuŋ maŋ tee bi bat, ki Hiibru maan ni bi yiu Abadon, ki Griik maan ni bi mun yiu Apolion. (Sann maŋ paak tee “Biirtɔɔ.”)