Jeems 3:13 - Yennu Gbounpaauŋ Mɔɔr

¹³ Ŋmee mɔk yan nan bannu i sinsuuk ni? Sɔɔ-i be, wuu be fanu ki sikin u mɔŋ kii tuun toonŋana, ki li sa wann nan u set mɔk yan.

Yennu Gbouŋ Mɔɔr

¹³ Ŋmee mɔk yan nan bannu i sinsuuk ni? Sɔɔ-i be, wuu be fanu ki sikin u mɔŋ kii tuun toonŋana, ki lin wann nan u set mɔk yan.

Jeems 3:13 ပူးပေါင်းရင်းမြစ်များ

Matiu 11:29

Yi sak n weiu man, kii tumii n wannu, ki i sa la foon ki tur i sei, kimaan n tee sikininmɔŋ daanɔe, ki n par mei.

Matiu 21:5

“Yetir Sion doo teeb a ‘Gotir man, i bat nee baat i boor ni na. U tee wunba sikint u mɔŋe ki jak boŋ nba set tee bonbik na paak.’ ”

Matiu 5:5

“Binba sikin bi mɔŋ, parpeenn tee bi yare, kimaan ŋamme tan sii yen tingbouŋ na.

Matiu 7:24

“Li paak, wunba kur gbia n maan na ki waa-r fanu, n sa nannɔ nan yandaansɔɔ nba din maa u ŋaak tanpiiuk paak nee;

1 Korint teeb 6:5

Na tee feie ki turi. Mɔniɔk-i baar yimm Masia niib sinsuuk ni, sɔɔ kaa i sinsuuk ni ki mɔk yan nba sa fit ŋamm maan maŋii?

2 Korint teeb 10:1

Tɔn, i siab yeen a ma din be i boor ni na, a n din ki mɔk par i boor ni; a ŋaan mi-i saan ki be siarpo, a n tuu mɔk pare, ki ji sɔbin gbant ki kpaani. Min Pɔɔl tiauŋ, n mɔk nibaakir ki be soonna kaman nan Masia nba be biaŋinba na, ki barimi a yin ŋamm i binbeŋ man,

2 Korint teeb 8:24

Yi wann ti naa waas maŋ nan Masiaweira kura ya loomm biaŋinba, a bin bann nan ta daan piaki biaŋinba bi boor ni na, li tee mɔniie.

Galasia teeb 5:23

nan sikininmɔŋ, nan mɔŋdianu. Sennsau ji kaa ki sa biir wunba diari.

Galasia teeb 6:1

N naa waas, li-i tee ki i la ki sɔɔ tun toonbiit, yimm nba be nan Yennu Seyeeŋ na, li ŋan ki yin sommɔ nan loomm sɔnii kur ni, ki wun ŋamm set fanu, kii mi ki bikinu sa te ki i mun bot.

Galasia teeb 6:4

Li ŋan ki sɔɔ kur-n bikin u mɔŋ binbeŋa, ki fit kii mɔk yuugontir u mɔŋ mɔŋ toonŋana paak, ki daa bikii wa tun linba nan u lɔɔ toona,

Efesus teeb 4:2

Yii sikint i mɔŋ, kii be soonna nan sukuru, kii mɔk yandiŋir nan i leeb, nan loomm.

Filipi teeb 1:27

Mɔtana, linba kpaa talas tee a yi ŋaan ki i binbeŋ sɔnu-ii tee nan Masia barŋanii nba loon lii tee biaŋinba na, ki mi-i lekii fit saan lai amii mi-i kii fit laini, ŋaan n sa gbat a i see fanu nan dudukyennkɔɔ, ki taan mɔtaauk ki yabii i mɔŋ ki barŋanii maŋ-ii saa tɔɔnn.

Kolosa teeb 3:12

Li paak, ya tee Yennu nigannkab ki tee popeendamm ki bia tee u walonkai na, yii mɔk ninkpabauŋ, nan burchint, nan sikininmɔŋ, nan soonna binbeŋ, nan sukuru,

1 Timoti 4:12

Daa te ki sɔɔ-n sianna kimaan fa pɔ na paaki. A te ki a pinpauk nan a binbenŋaŋ, nan a loomm, nan a yada, nan a binbenyeeŋ-n wann Masiaweira nba bo sii be biaŋinba.

1 Timoti 6:11

Ŋaan fin Timoti nba tee Yennu nirɔ na, li ŋan ki a dɔŋ nyi linba na nba kura ni, ŋaan kii loon fii be fanu, kii mɔk yentinu, ki teen Yennu yada, kii loon niib, kii mɔk sukuru, kii be soonna.

2 Timoti 2:25

kii tee wunba dia soonna binbeŋ kii kpaan binba nɔi nanɔ na, kimaan li pasiar Yennu-n tan turib yaak ki bin nyik bi dudukbiit ki bann barmɔnii wannu,

Taitus 3:2

Betirib ki bi daa piak barbiit sɔɔ paaki, ki daa kɔn nan leebi, kii be soonna, ki tur sɔɔ kur nibaakir;

Hiibru teeb 13:5

Yi nyinn i niauŋ nan liklommu, ŋaan te ki i numm-n gboo nan ya mɔk linba; kimaan Yennu yet a “N kan mi ki nyikani, n bia kan mi ki ŋaanani.”

Jeems 1:21

Li paak, n naa waas, yi nyik i yanbɔmm nan biit kur nba be i para ni na, ŋaan sikin i mɔŋ Yennu tɔɔnn, ki gaar u maan nba ki u kɔɔnt i para ni na, kimaan maan maŋe mɔk paŋ nba sa nyinni kuun ni.

Jeems 2:18

Li-i tee ki nirɔ yet a “Sɔɔe mɔk yada, ki lɔɔ mun tuun toonŋana,” n mun sa jiin a “Li-i tee ki a ki tuun toonŋana, lannpoe want nan a set mɔk yada? Ŋaan n toonŋana nee wanta nan min set mɔk yada.”

Jeems 3:1

N naa waas, i nisiab bonchiann daa loon bin teen wannteebi, kimaan i poŋ mi nan binba tee wannteeb na, bi buut tan sii paar ki gar binba ki tee wannteebi.

Jeems 3:17

Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

1 Piita 1:15

Yennu nba yiini na tee Popeendaanɔe, li paak, i mun-ii tee popeendamm man,

1 Piita 2:12

ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

1 Piita 3:4

Ŋaant man ki i fant-ii tee soonna nan ŋminŋminn i para ni; ŋanne tee fant nba kan biiri, ki bia ŋan bonchiann Yennu boor ni.