Jeems 2:19 - Yennu Gbounpaauŋ Mɔɔr

¹⁹ A teen yada nan Yen-yenɔkɔɔe be-ee? Li ŋan. Narinbiit mun teen yada nan Yen-yenɔkɔɔe be, ki bia jekir nan jaŋmaanii.

Yennu Gbouŋ Mɔɔr

¹⁹ A teen yada nan Yen-yenɔkɔɔe be-e? Li ŋan. Narinbiit mun teen yada nan Yen-yenɔkɔɔe be, ki bi jekir nan jaŋmaanii.

Jeems 2:19 ပူးပေါင်းရင်းမြစ်များ

Matiu 8:29

Ki bi din yikin sanpaapowa ki yeen a “Fin Yennu Bija, timm nan fin, nlee mantiki? A baar nna a a tan dinnit fara-aa? ŋaan ki li yoo na daa ki baari.”

Barŋanii nba ki MAK din sɔb nae na 1:24

ki yikin sanpaapo ki yeen a “Fin Yisa, Nasaret nirɔ na, timm nan fin nlee mantiki? A baar a a tan biiritee? N mi fa tee wunba; a tee Yennu Popeendaanɔ nae.”

Barŋanii nba ki MAK din sɔb nae na 12:29

Ki u jiinɔ a “Linba tee sennjaann tee nnee: ‘Israel teeb, gbiintir man, ti Yomdaanɔ Yennu tee Yen-yenɔkɔɔe;

Barŋanii nba ki MAK din sɔb nae na 5:7

ŋaan yikin sanpaapowa ki yet a “Yisa wunba tee Yabint Yennu Bija, min nan fin nlee mantiki? Yennu paak ki n barima, a daa mukisirimi.”

Barŋanii nba ki MAK din sɔb nae na 7:9

Yimm, i lek yêt Yennu sennu weiu a yin dia i mɔŋ mɔŋ kaare;

Barŋanii nba ki LUK din sɔb nae na 4:34

“Fin Yisa nba tee Nasaret nirɔ na, timm nan fin, nlee mantiki? A baar a a tan biiritee? N mi fa tee wunba; a tee Yennu popeendaanɔ nae.”

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Toona 16:17

Ki u din waa timm nan Pɔɔl ki tian sanpaapo a “Niib na tee Yabint Yennu daabae. Bi mɔɔntir ki teen yimm doo na teebe biaŋinba ki i sa la tinnu.”

Toona 19:15

Ba tan ya bin nyinn narinbiiuk jasɔɔ nna ni, ki narinbiiuk na yetib a “N mi Yisa po, ki bia mi Pɔɔl po, ŋaan ki yimm munii, i tee ŋmee?”

Toona 24:25

Tɔn, Pɔɔl nba piak ki want yentinu nan mɔŋdianu nan buut daar baaru po yoonba, ki jaŋmaanii ji soor Fiiliks, ki u yet a “Mɔtana, i daa kii saa, ŋaan li-i tee ki n la yaak, n bia sa ŋamm yiina.”

Rom Teeb 3:30

Yennu tee Yen-yenɔkɔɔe ki sa yet a Juu teeb nan binba ki tee Juu teeb na, ki bi kur-n teen niŋamm u tɔɔnn bi yada teenu paak.

1 Korint teeb 8:4

Tɔn, ki jikit saa nant nba ki bi jii mann pata na; ti mi nan patir tee bont nba ki fo, ki bia mi nan Yen-yenɔkɔɔe be.

1 Korint teeb 8:6

ŋaan timm yaa boor ni ŋanin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo; ki Yomdaan-yenɔkɔɔe be, wunba tee Yisa Masia. U paake ki bonsiar kur nan; u paake biak ki ti fo.

Galasia teeb 3:20

ŋaan Yennu tiauŋo din tur Abraham u mɔsonn maŋ, li din ki tee sɔkintɔɔ kaa turɔ.

1 Timoti 2:5

kimaan Yen-yenɔkɔɔe be, ki sindantinnɔ tee yenɔkɔɔ ki be Yennu nan nisaarik sinsuuk ni; li yɔɔe tee Yisa Masia

Jeems 2:8

Li sɔb Yennu gbouŋ ni a “I loon a lɔɔ kaman nan fa loon a mɔŋ biaŋinba na.” Li-i tee ki i waa Yennu naan sennu maŋ, li ŋan,

Juud 1:4

kimaan nisiab nba ki tiin Yennu na din kɔɔ i sinsuuk ni woonin nie, ki lebit ŋɔɔ Yennu ninbatinu labaar a bii tuun bi gbanant loonbiit; bi ki saak Yisa Masia mɔbi; ŋɔɔ kuukɔɔe tee ti yudaanɔ nan ti Yomdaanɔ. Li yukira ki biitdamm maŋ tubdatu poŋ sɔb Yennu gbouŋ ni na.

Juud 1:6

Nnee biak ki malakanba nba din ki dia yaak nba ki Yennu din turib na nan li sɔnu na, ki bia din ki biar be bi binbeboor sanpaapo, ki Yennu baamm bant ki lub sarik bootsunsuŋ nba bɔn ni, ki guu dagbeŋŋir nba ki u sa bu bi buut na.

Fiitu 20:10

Ki malakanba jii Sintaanii nba kpann tingbouŋ na niib na, ki lu-u bootsunsuŋ nba gbee nan muu ki sarwuutaa di nann na ni, siaminba ki bi dɔŋ lu bonkobuk na nan u faak sɔkinii na. Leŋe ki bi sa di fara yennu nan nyiɔk mɔkmɔk nan yoo nba kaa gbennu.