Jeems 2:14 - Yennu Gbounpaauŋ Mɔɔr

¹⁴ N naa waas, daanɔ nba yaa a u teen Yisa Masia yada, ŋaan ji ki tuun popeenn toona, li mɔk nyɔɔtii? U yada maŋ booru sa fit tinnɔwa-aa?

Yennu Gbouŋ Mɔɔr

¹⁴ N naa waas, daanɔ nba yaa u teen Yiisa Masia yada, ŋaan ji ki tuun popeenn toona, li mɔk nyɔɔti-i? U yada maŋ booru saa fit tinnɔwa-a?

Jeems 2:14 ပူးပေါင်းရင်းမြစ်များ

Matiu 5:20

Kimaan mii beeri nan see ki i toonŋana yab ki gar sennu wannteeb nan Farisiinba yar, li-i kii tee nnai kaa, i kan mi ki kɔɔ Yennu naan ni.

Barŋanii nba ki LUK din sɔb nae na 3:11

Ki u jiin yetib a “Wunba mɔk liata ŋannlee, see ki wun paat yenn ki tur wunba ki mɔki, ŋaan wunba mɔk jeet, see ki wun wat tur wunba ki mɔki.”

Barŋanii nba ki LUK din sɔb nae na 6:49

Ŋaan wunba gbiintir n maan ŋaan yêt li weiu, u naan nan jɔɔ nba mun din maa u ŋaak tanbiinii ni, ŋaan ki gbiir fiakir nee, ki nyunmɔnn din tan gbee ki saa doo ki yir ŋaak maŋ, ki li baa yiama. Bee ninbɔŋe na jiaki!”

Toona 15:9

U ki mɔk lukitimi, kimaan ba teen Yisa yada na paak, ki u nyik bi biit ki chabib kaman nan wa din nyik chab timm na.

Toona 8:13

Simon mɔŋ mun din teen Filip maan yada, ki u wurɔ. Ki u teen Filip weinanlɔɔ, ki laat bakitnauŋ toonjaana nba ki u tuun na, ki li tuu yaar ŋaan litɔ.

Toona 8:21

Li paak na, a lek kan tun siar ti toonn na ni, kimaan a par ki be fanu nan Yennu.

Rom Teeb 2:25

Fi-i sak Yennu sennu, a punpotu mɔk nyɔɔt, ŋaan fi-i kii sak sennu na, li ŋman a ki poti.

1 Korint teeb 15:2

Li-i tee ki i diar fanu, i sa tinn, ŋaan nnee kaa, i yada na sii tee yanne.

1 Korint teeb 16:22

Wunba kur ki loon ti Yomdaanɔ, mɔpor-ii be u paak. Maranata; li paak tee “Ti Yomdaanɔ, baat.”

Galasia teeb 5:13

N naa waas, Yennu yiini yentinmɔŋ nie, ŋaan i daa te ki i yentinmɔŋ maŋ tan te ki i niauŋ-n tan mann nyanniini. Ŋaan yimm-n jii loomm ki somm i leeb man.

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

1 Tesalonika teeb 1:3

kimaan Yennu nba tee ti Baa na tɔɔnn po, ti tian biaŋinba ki i teenɔ yada ki tuun toonŋana, nan i loomm nba te ki i tuun nan nunmɔnn biaŋinba, ki i dindann be ti Yomdaanɔ Yisa Masia ni chib chib biaŋinba.

1 Timoti 1:5

Ŋaan n kpaanii maŋ paak tee a lin fiin loomm nan popeenn nan dudukŋant nan yada nan mɔnii.

1 Timoti 4:8

Toona tumiiu nba pukii gbanant paŋ mɔk nyɔɔt waaminnee, ŋaan yentinu tumiiu nyɔɔte yab gar bonsiar kur. Kimaan li mɔk nyɔɔt ki turit tingbouŋ na ni mɔtana, nan Yendɔuŋ ni yoo nba baat na.

Taitus 1:16

Bi yi bi mɔŋ Yenmiirae, ŋaan ki bi toona want nan bi ki sak bann Yennu. Bi tee mɔyêtdamme, ki ki pent Yennu par ni, ki kan fit tun toonŋansiari.

Taitus 3:8

Barii na tee barmɔniie. N loon ki a jii a dudukit kur kii wantib linba na, ki binba teen Yennu yada na-n jii bi yoo ki tun linba ŋan; ŋanne ŋan ki mɔk nyɔɔt ki tur sɔɔ kura.

Hiibru teeb 11:17

Yoo nba ki Yennu din bikin Abraham na, u yada paake biak ki u din jii u bija Aisak, a wun mann mannu ki tur Yennu. Gotir, ŋɔɔ Abraham nba din gaar Yennu mɔsona maŋ na, u tiauŋ bia din jii u bijayemmir a wun mann mannu tur Yennu.

Hiibru teeb 13:9

I daa ŋaant ki wannsaanbooru booru-n te ki i boti, ki i tan sa mann tut sɔnŋanu maŋ. Li ŋan ki Yennu sommir-n tur nirɔ paŋ u par ni; jeet sennii weiu kan turɔ paŋi. Nisiab nba dia jeet sennii poŋ ki laat sommsiar li ni.

Jeems 1:16

N naa walonkai, i daa te ki siar kpanniini.

Jeems 2:16

ki a ji beerɔ a “N naa bik, a kun maanua, kii gbab, kii bia di,” ŋaan kan sommɔ nan siari, li mɔk nyɔɔtii?

Jeems 2:18

Li-i tee ki nirɔ yet a “Sɔɔe mɔk yada, ki lɔɔ mun tuun toonŋana,” n mun sa jiin a “Li-i tee ki a ki tuun toonŋana, lannpoe want nan a set mɔk yada? Ŋaan n toonŋana nee wanta nan min set mɔk yada.”

Jeems 2:26

Li paak, gbanant nba kaa seek, li tee gbanankpeeuŋo, yada-i munii be ki toonŋana kaa, li mun tee yadakpeeuŋo.

2 Piita 1:5

Linba na paak, yii yabir i mɔŋ ki pukin binbenŋaŋ i yada paak man; ki bia pukin Yennu bannu i binbenŋaŋ maŋ paak;