Jeems 1:25 - Yennu Gbounpaauŋ Mɔɔr

²⁵ Ŋaan wunba dukii sennŋann nba sa fit nyint niib biit daabsin ni, ŋaan ki tammir, ŋaan mɔk gbankur ki tuun biaŋinba ki li wann na, parpeenn sii tee li daanɔ yare, kimaan u tumu na paak.

Yennu Gbouŋ Mɔɔr

²⁵ Ŋaan wunba dukii sennŋann nba fit nyint niib biit daabisin ni, ki ki tammir, ŋaan mɔk gbankur ki tuun biaŋinba ki li wann na, parpeenn tee li daanɔ yare, kimaan u toonn na paak.

Jeems 1:25 ပူးပေါင်းရင်းမြစ်များ

Barŋanii nba ki LUK din sɔb nae na 11:28

Ki Yisa jiin yetɔ a “Binba gbia Yennu maan ki saakir, ŋamme ki parpeenn tee bi yar.”

Jɔɔnn 13:17

Mɔtana i ji mi linba na, ki li-i tee ki i tuun nna, parpeenn tee i yare.

Jɔɔnn 8:36

Li-i tee min Yennu Bija nyinti yiar nie, i set sa nyi yiar ni nan barmɔniiwa.

Toona 13:43

Ki Juu teeb bonchiann, nan boorganu bonchiann, binba din lebit bi jiantu ki waa Juu teeb jiantu na, ki bi kura ji din waa Pɔɔl nan Banabas. Ki bi piak namm ki kpaamm a “I kpaŋŋii dia nna man, kii waa Yennu ki yabir la Yennu ninbatinu.”

Toona 2:42

Ki bi ŋammit ki lek tumii ki bant toomiinba maŋ wannu, ki bi jii bi yoo ki taan dia leeb nan mɔtaauk, ki lakint ki di jeet, ki bia tikii mei Yennu.

Toona 26:22

ŋaan la jii ki tan tuu dinna, ki Yennu guun, ki n ji be ki see ki mɔɔntir u maan ki teen tatimm nan paarib kura na. Ma piak linba na, ŋaan ŋann nan Moses nan Yennu sɔkiniinba nba din tuu piak linba kur na, li ki mɔk bɔkitu. Ŋamm din piak linba tan sii tee,

Rom Teeb 11:22

Gotir Yennu nba mɔk ninbatinu ŋaan bia mɔk ninkoonii biaŋinba. U mɔk ninkoonii ki tur binba ki teen yada, ŋaan u tiina ninbaauk; fi-i kpaŋŋi teen yada, u mun sii tiina ninbaauk, ŋaan li-i kii tee nna, u mun bia sa kɔnnae ki lua.

Rom Teeb 2:13

Li ki tee a binba gbia sennu nee tee niŋamm Yennu boori, ŋaan li tee binba tuun biaŋinba ki sennu na wann na, ŋamme tee niŋamm u boor.

Rom Teeb 7:12

Sennu na tiauŋ ŋanin yeene, ki bia tee barmɔnii nan linba fan.

Rom Teeb 8:15

U Seyeeŋ nba ki u turi na, u ki te ki i tee daaba nan jaŋmaandamm kaa, ŋaan u te ki i tee Yennu waase ki yi Yennu a “Ti Baa.”

Rom Teeb 8:2

kimaan ma tee Yisa Masia yɔɔ na paake, ki Seyeeŋ nba teent manfoor na fatin biit nba baat nan kuun na nuu ni ki lun.

1 Korint teeb 15:58

Li paak, n naa waas, i be man fanu ki daa baa Masiaweiu ni. Yii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

2 Korint teeb 13:5

Gotir i mɔŋ mɔŋ binbeŋ ni ki laan i set teen Yisa Masia yada amii i ki teeni; li kpaa talas ki yii gorii i mɔŋ binbeŋ nba tee biaŋinba. I ki mi nan Yisa Masia be i niee? U set be i ni, kimaan li-i tee ki u ki be i ni, ŋann i ki tee u niib nan barmɔnii.

Galasia teeb 2:4

Binba be ki fa faak bi mɔŋ paak a bi mun tee Masiaweira na ŋanin din loon ki Taitus-n tun nnawa. Li niib din kɔɔ ti sinsuuk ni woonin ni, a bin bann ta mɔk yentinmɔŋ nba Yisa Masia ni na. Bi loon tii tee Moses sennu daabae,

Galasia teeb 5:1

Yisa Masia poŋ fat timma, ki ti be ti yama nie. Li paak, i daa te ki siar ji dia-i ki i tee li daabir.

Galasia teeb 6:2

Yi jii i leeb jikpiata man, ki sak Masia sennu.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

1 Timoti 2:15

Ŋaan poo-i teen Yisa yada, kii loon niib, kii tee popeendaanɔ, kii be soonna, Yennu sa tinnɔ u maaru niwa.

1 Timoti 4:16

I mi a mɔŋ nan a wannu po. I dia wannu nba na, kimaan li-i tee ki a diar, a sa tinn a mɔŋ nan binba ki a wantib na.

Hiibru teeb 12:15

Guut i mɔŋ man ki tan daa kɔŋŋit Yennu ninbatinu na. I sɔɔ daa mɔk tonu u par ni, ki u tonu na-n baar nan parbiir leeb paak, ki biir niburchiauŋi.

Jeems 2:12

Yii piak ŋaan kii tuun kii mi nan Yennu tan sa jii sennu nba nyint niib biit daabsin ni nee, ki bu i buut.

1 Piita 2:16

I be nan yentinmɔŋ binbeŋ; ŋaan i daa dia i yentinmɔŋ binbeŋ na ki li teeni yaak ki i tuun toonbiiti, ŋaan kii mɔk Yennu daaba binbeŋ.

1 Jɔɔnn 2:24

Ya din sint gbat Yisa maan nba pinpiik ni na, yii dia nna man fanu. Li-i tee ki i dia maan maŋ, i sii gaa ti Baa Yennu nan u Bija Yisa paake,

Fiitu 14:13

Ki n bia gbat kunkɔr ki li nyii Yendɔuŋ ni ki yeen a n sɔb maan na, a “Mɔtana ki jikit saa, parpeenn be damm nba kpo ti Yomdaanɔ sɔnu ni na paak.” Ki Yennu Seyeeŋ na sak a “Mɔmɔmm, bi sa la foon bi toongbeŋŋa paak, kimaan bi toona nyɔɔt nee waab.”

Fiitu 22:14

Damm nba wuur bi para nan Yisa sɔn na, parpeenn tee bi yare; ki li paak ki bi mɔk sɔnu nba ki bi sa di tilɔɔna nba teen manfoor na, ki sa kɔɔ tammɔb na ni ki saan doo na ni.