Jeems 1:19 - Yennu Gbounpaauŋ Mɔɔr

¹⁹ N naa waas, n loon yin bann nee; yii gbiintir yian, ŋaan kii mi biaŋinba ki i piak, ki bia daa dont wutoor yian yiami,

Yennu Gbouŋ Mɔɔr

¹⁹ N naa waas, n loon yin bann linba nae; ii gbiintir yian yian ŋaan kii mi biaŋinba ki i piak, ki bia daa dont wutoor yian yian,

Jeems 1:19 ပူးပေါင်းရင်းမြစ်များ

Matiu 5:22

ŋaan min ŋanin beerie la, nan wunba dont wutoor u naa bik paak yann yann, ki li kaa paaki, u tan sii be barii ni barbudaar; ki wunba sukir u naa bik a ‘Bon-yann na,’ u tan sii be barii ni; ki wunba mun bia sukir u naa bik a ‘Bonjatir na,’ u tan sii be barii ni ki kɔɔ muu nba kan mi kpeen na ni.

Barŋanii nba ki MAK din sɔb nae na 12:37

David mɔŋ mɔŋ nba din yiin Masia na a ‘Yomdaanɔ,’ ki nlee ki Masia na tee ŋɔɔ David yaaboonni?” Nibur bonchiann din gbiint Yisa wannu maŋ nan parpeenn.

Barŋanii nba ki MAK din sɔb nae na 2:2

Ki niib bonchiann din tikir hali nan yiar bonmintik nnawa tan kaa ŋaak maŋ ni ki sɔɔ sa fit baar tammɔb boor ni; ki u mɔɔntir Yennu maan ki teemm.

Barŋanii nba ki LUK din sɔb nae na 15:1

Sianyoo ki lampogaarteeb nan biitdamm bonchiann din baat Yisa boor ni ki gbiintir u maan;

Barŋanii nba ki LUK din sɔb nae na 19:48

ŋaan ki fit la sɔnu nba ki bi sa kpiu, kimaan niib na kur din chaan bi tuba ki gbiintir u maan.

Toona 1:15

Ŋanne ki daa ŋannlee nna tan gar, ki Yisaweira kaman nan kobik nan piinnlee na taan tikir kar, ki Piita tan fiir ki set

Toona 10:33

Ki li paake ki n daan tun a po yiama na, ki a mun teen bonŋann ki baar na. Tɔn, ti kura be Yennu tɔɔnn, ki ji guu a ti gbat linba ki ti Yomdaanɔ Yennu tura mɔb a a pak turit na.”

Toona 13:48

Tɔn, binba ki tee Juu teeb maŋ nba din gbat nna maŋ, ki bi ji mɔk parpeenn, ki piak Yennu maan. Ki binba ki Yennu gannib a bin la manfoor nba kaa gbennu na teen Yisa Masia yada.

Toona 17:11

Leŋ niib yan din kɔɔ Yisa maan maŋ ni ki gar Tesalonika teeb, ki bi set din sak maan na nan bi para kura, ki daa kur ki bi karin Yennu gbouŋ, ki gorii, a bin laan Pɔɔl nba piak linba maŋ, a li set tee mɔnii amii nlee.

Toona 2:42

Ki bi ŋammit ki lek tumii ki bant toomiinba maŋ wannu, ki bi jii bi yoo ki taan dia leeb nan mɔtaauk, ki lakint ki di jeet, ki bia tikii mei Yennu.

Efesus teeb 4:26

Li-i tee ki a donn wutoor ŋaan fa daa tuun toonbiiti, ki bia daa diar a par ni ki yennu baa,

Efesus teeb 4:31

Yi nyik tonu binbeŋ kur, nan wutoor. Sɔɔ ji daa mɔk kunkɔnchiauŋ nan u lɔɔ, sɔɔ daa sukii u lɔɔ, ki bia nyik naŋ dudukit kura i ni.

Kolosa teeb 3:15

Yi ŋaan ki Masia parmaasir nba na-ii dia ya dukii linba; Yennu lakin yiini gbananyennkɔɔ ni a yii mɔk parmaasir maŋe. Li paak, yii teen Yennu niipoouk man.

Kolosa teeb 3:8

Ŋaan mɔtana yi fian linba na nba munna ki lu; ki linba tee naŋ, nan wutoor, nan nifobiisin, nan niib sanbiiruk, nan barbiit, i daa te ki li nyi i mɔi ni.

1 Tesalonika teeb 2:13

Linba yaa paak bia te ki ti piak Yennu yoo kura na tee nnee: ta din baar nan Yennu maan i boor ni, i din gbatir ki gaarir; i din ki gaarir kaman nan nisaarik yar na kaa, ŋaan i din gaarir kaman nan li tee Yennu yare. Ki li set tee ŋanne, kimaan yimm nba teenɔ yada na, maan maŋ tuun i para ni.

Jeems 1:16

N naa walonkai, i daa te ki siar kpanniini.

Jeems 1:2

N naa waas, yii mɔk man parpeenn yoo nba ki i di fara booru booru na,

Jeems 1:26

Wunba mi nan u tee Yisaweirɔ ŋaan ki ki so u mɔbi, li daanɔ kpann u mɔŋe. Li want nan u waanu na tee yanne.

Jeems 2:1

N naa waas, ya teen ti Yomdaanɔ Yisa Masia wunba tee paŋ daanɔ na yada biaŋinba, i daa mɔk ningannii.

Jeems 2:5

N naa walonkai, gbiintir man, Yennue gann binba tee nandamm tingbouŋ na niib boor, a bin teen mɔkita u boor, kimaan bi teenɔ yada, ki teen u waas nba sa di naan nba ki u din senn mɔsonn a u sa tur binba loonɔ na.

Jeems 3:10

Mɔb nba ki maŋamm nyi na ni, li mɔb maŋe ki mabiit mun nyi. N naa waas, li-i tee nnaie, li ki ŋani.

Jeems 4:11

N naa waas, i daa piak mabiit leeb paaki. Wunba piak mabiit u naa bik paak ki biirɔ, li tee Yennu sennue ki u piak mabiit li paak ki biir. Li-i tee ki a biir sennu na, a ki tee wunba waa-r kaa, ŋaan a tee li biirtɔɔe.

Jeems 5:12

N naa waas, linba kpaa talase tee nee: i daa poor mɔpora. I daa yi sanpaapo amii tiŋ ni bonsiar sann ki poor mɔpora. Ŋaant ki i nn-ii tee i nn, ki i aaii-ii tee aaii, ki Yennu tan daa dar i tuba.

Jeems 5:19

N naa waas, sɔɔ-i kpet ki nyii mɔmɔmm sɔnu ni, ki sɔɔ jennɔ mɔmɔmm sɔnu maŋ ni,

1 Jɔɔnn 2:21

Tɔn, li ki tee a i ki mi wannu nba took kaa te ki n sɔbin ki teeni na, ŋaan li tee ya poŋ mi wannu maŋ na paak, ki bia mun mi nan faak wannu fɔk nan barmɔnii wannu.