Jeems 1:17 - Yennu Gbounpaauŋ Mɔɔr

¹⁷ Bonŋann kur nyii sanpaapoe ti Baa Yennu boor, wunba din nan sanpaapo yentu kura. Ŋɔɔ ŋanin ki lebitir kaman nan sanpaapo yentu nba tuu lebitir biaŋinba na; u bia daa tee ŋɔɔ Yennue.

Yennu Gbouŋ Mɔɔr

¹⁷ Bonŋann kur nyi sanpaapoe ti Baa Yennu boor, wunba din nan sanpaapo yentu kur na. Ŋɔɔ ŋarin ki lebitir nan yentu maŋ nba lebitir biaŋinba na; u bia daa tee ŋɔɔ Yennu-e.

Jeems 1:17 ပူးပေါင်းရင်းမြစ်များ

Matiu 7:11

Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa tur binba meiɔ na bonŋana.

Barŋanii nba ki LUK din sɔb nae na 11:13

Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa jii u Seyeeŋ ki tur binba meiɔ Seyeeŋ maŋ poe.”

Jɔɔnn 1:9

Yisae din tee barmɔnii yentu nba din baar tingbouŋ na ni, ki ji yentir niib kur ni.

Jɔɔnn 3:27

Ki Jɔɔnn maŋ betib a “Yennu nyint sɔɔ kur nan u toona. Nirɔ kan fit tun siar ki li ki tee Yennu nyinnɔ.

Jɔɔnn 3:3

Ki Yisa betɔ a “Barmɔniie ki n beera na, sɔɔ kan fit ki kɔɔ Yennu naan ni, ki li ki tee ki bi ŋamm marɔ kaa.”

Jɔɔnn 8:12

Ŋanne ki Yisa bia ŋamm piak nan niib Yennu jiantu ŋasaakak ni, a “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba sii yentir u binbeŋ, ki u kii turin bunbɔnn ni.”

Toona 11:18

Ba din gbat nna maŋ yoonba, ki bi ji nyik bi kpayakit na, ŋaan donn Yennu sann, ki yeen a “Yennu chab binba ki tee Juu teeb mun a bin nyik bi biit ki teen Yisaweira ki la manfoor nba kaa gbennu.”

Toona 5:31

ki jiiu donnɔ ki kaanɔ u niidiitu po, ki teenɔ Yudaanɔ nan Tinntɔɔ, a Israel teeb-ii nyik bi biit, ki wun nyik bi toonbiit ki chabib.

Rom Teeb 6:23

Kimaan biit nyɔɔt tee kuume, ŋaan Yennu piinii tee manfoor nba kaa gbennue, ti Yomdaanɔ Yisa Masia paak.

1 Korint teeb 4:7

Ŋmee tura saakatuk a leeb ni? Yennu kaa tura linba kur ki a mɔk na-aa? ki bee teen ki a dont a mɔŋ, ki li tee nan linba ki a mɔk maŋ ki tee piinii kaa na?

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

Efesus teeb 1:18

N bia meiɔ ma wun yent i nummpo ki yin bann dindann nba paak ki u yiini na, ki bia bann nan bona nba ki u tan sa tur u niib nae ŋan bonchiann,

Efesus teeb 2:8

Yennu ninbatinu na paake ki i tinn, kimaan i teen Masia yada.

Filipi teeb 1:29

Ya poŋ mɔk yaak nan yin tun ki tur Masia na paak, ki li ki tee ya teenɔ yada na paak kuukɔɔ kaa, ŋaan ya bia di fara u paak na,

1 Timoti 6:16

ŋɔɔ kuukɔɔe kan kpo; u be yentchiauŋ nba ki nirɔ kan fit nakin ni; ŋɔɔe ki nisɔɔ daa ki mi lau amii ki sa fit lau; ŋɔɔe yen paku nan paŋ yoo nba kaa gbennu. Mɔmɔmm.

Hiibru teeb 13:8

Yisa Masia nba won tee biaŋinba wonn na, u bia tee nnee dinna na, u bia sii tun tee nnee nan yoo nba kaa gbennu.

Jeems 1:5

Li-i tee ki i sɔɔ pɔt yan, wun miar Yennu wunba pi sɔɔ kur piinii nan burchint, ki ki dint sɔɔ fei na, ki u sa turɔwa.

Jeems 3:15

Li yan ki nyi Yennu boor ni kaa, li tee tingbouŋ na nan gbanant loomm nan Sintaanii yare,

Jeems 3:17

Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

1 Jɔɔnn 1:5

Tɔn, barii nba ki ti din gbat ŋɔɔ Yisa Masia boor ni ki mɔɔntir ki teeni na, li tee nnee: Yennu tee yentue, ki bunbɔnn kaa u ni.

1 Jɔɔnn 4:10

Loomm nba set tee loomm nan barmɔnii ki tee a timm din loon ŋɔɔ Yennu kaa, ŋaan li tee a ŋɔɔ Yennu din loon timm, ki din sikin u Bija tingbouŋ na ni ki u tan gaar ti paak ki kpo, ki teen ti marouŋ ŋɔɔ Yennu boor ni, a tin fit la nyikinchab ti biit paak na.

Fiitu 21:23

Ki doo maŋ ki loon ŋmaarik amii yennu yentu leŋi, kimaan Yennu yentsaakar nee tee li yentu, ki Pebik na mun tee li fitir.

Fiitu 22:5

Nyiɔk ji tan sii kaa, bi tan ji kii loon fitir nan yennu yentu leŋi, kimaan ti Yomdaanɔ Yennu sii tee bi yentu. Ki bi sa di naan kii be nan yoo nba kaa gbennu.