Hiibru teeb 9:14 - Yennu Gbounpaauŋ Mɔɔr

¹⁴ Linba na-i ŋamm gbanant, ki Masia sɔn mantik sa nyinn biit ti para ni a tii waa manfodaanɔ Yennu, kimaan Seyeeŋ nba be yoo nba kaa gbennu paŋ ni ki ŋɔɔ Masia din jii u mɔŋ ki mann marouŋ nba be fanu fanu ki tur Yennu.

Yennu Gbouŋ Mɔɔr

¹⁴ Linba na-i ŋamm gbanant, ŋaan Masia sɔme mantik saa nyinn biit ti para ni ki tii waa manfodaanɔ Yennu, kimaan Seyeeŋ nba yɔɔ be na paŋ nie ki ŋɔɔ Masia jii u mɔŋ ki mann maruŋ nba be fanu fanu ki tur Yennu.

Hiibru teeb 9:14 ပူးပေါင်းရင်းမြစ်များ

Matiu 12:28

Ŋaan min ŋanin, Yennu Seyeeŋ paake ki n nyint narinbiit niib ni; ŋanne mun bia want nan Yennu naan baar i boor niwa.

Matiu 16:16

Ŋanne ki Simon Piita jiin yetɔ a “Fine tee manfodaanɔ Yennu Bija Masia, wunba ki u gannɔ na.”

Matiu 20:28

kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Matiu 7:11

Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa tur binba meiɔ na bonŋana.

Barŋanii nba ki LUK din sɔb nae na 1:74

U din senn a u sa nyinnit ti datai nii ni, ki tin fit jiantɔ ki jaŋmaansai sii kaa,

Barŋanii nba ki LUK din sɔb nae na 12:24

Gotir nɔɔnii, bi ki buur jeeti; bi bia ki jaami; bi bia ki mɔk dii naapaatii amii suka, ŋaan Yennu dintib; i ki mɔk nyɔɔt bonchiann ki gar nɔɔnii-ii?

Barŋanii nba ki LUK din sɔb nae na 12:28

Mɔɔt nba be dinna, ŋaan wonn ki bi joo muuwa, Yennu nba faŋŋitir biaŋinba na, ki u kan gbabin yimmii? Yimm yadakanpɔɔna damm na!

Barŋanii nba ki LUK din sɔb nae na 4:18

“Ti Yomdaanɔ Yennu Seek be n ni, ki u gannin a n mɔɔnt barŋanii ki tur tatimm na. U tumin a n tan bet yommii a n sa nyinnib yann, ki bia bet jɔɔnii ki bi sa nyɔɔnt, ki bia fat binba be fara ni ki lub yann,

Jɔɔnn 3:34

Yennu Bija nba ki u tumɔ na, wa piak maan nba na, li tee Yennu maame, kimaan Yennu tur u Bija maŋ Seyeeŋ nba yab ki kaa bikinu.

Toona 1:2

Ŋaan sinsinn daann, wa din daa ki doo na, Yennu Seyeeŋ yaak nie ki u din wann wa din gann binba ki teemm u toomiinba na, ba sii tuun biaŋinba.

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Toona 14:15

“Bee ki i tee nna? Ti mun tee nisaariie kaman nan yimm na, ki mɔɔntir Yisa barŋanii, a tin ŋmanti ki yi nyik bon-yana maŋ, ŋaan kii waa manfodaanɔ Yennu, wunba din nan sanpaak nan tiŋ nan mɔkgbeŋŋa nan linba kur be li ni.

Toona 15:9

U ki mɔk lukitimi, kimaan ba teen Yisa yada na paak, ki u nyik bi biit ki chabib kaman nan wa din nyik chab timm na.

Rom Teeb 1:20

Yoo nba ki Yennu din nan dunia mɔkmɔk nan mɔtana, u naamii maŋ ni ki bi bann u benu nba ki nifosaarik ninbinn ki fit laat na, ki bia mi nan u mɔk paŋ nba kaa gbennu, ki set tee Yennu. Li paak, ki bi ji ki mɔk leku Yennu tɔɔnn ki sa yet a bi ki mi bi biiti.

Rom Teeb 1:4

ki Yennu Seyeeŋ din wann nan paŋ nan u set tee Yennu Bija u kuunfiiru paake.

Rom Teeb 11:12

Ki Juu teeb biit paake te ki tingbouŋ na teeb la tinnu; ki ŋamm Juu teeb nba din ki tun Yennu lomm nae te ki binba ki tee Juu teeb na la tinnu, li paak, Juu teeb maŋ kur-i munii nyik bi biit ki la tinnu, tingbouŋ na teeb sa mantik la bonchiann ki gar nnawa.

Rom Teeb 11:24

Yimm nba ki tee Juu teeb na tee kaman nan muuk ni tiik yiinu nee, ki Yennu kɔnnir ki tukinir nan ŋaak ni tiik na. Li ki paar ki wun jii yiinii nba ki u kɔnn ŋaak ni tiik na ni, ki bia tukin nan li mɔŋ tiik na biaki.

Rom Teeb 6:13

Daa teen i gbanant siar po yaak ki li tuun toonbiit, ŋaan jii i mɔŋ ki tur Yennu, ŋaan kii tee kaman nan i nyii kuun nie ki kɔɔ manfoor ni na; jiin i mɔŋ kur ki tur Yennu ki wun jii-i ki tun yentinu toona.

Rom Teeb 6:22

Ŋaan mɔtana i ji nyii biit daabsin niwa ki ji tee Yennu daabae; li paak, ki i teen popeendamm, ki mɔk manfoor nba kaa gbennu; ŋanne tee i nyɔɔt.

1 Korint teeb 15:45

Kimaan li sɔb Yennu gbouŋ ni a “Sinsinn nirɔ Adam na din tee nifosaarike;” ŋaan nirɔ nba joont ki baar na tee Seyeeŋ nba teent manfoore.

2 Korint teeb 5:21

Kimaan ti paake ki Yennu din te ki Masia wunba ki mi tun biit na din set timm biitdamm seenu ni, a tin la yentinu binbeŋ ŋɔɔ Masia ni.

2 Korint teeb 6:16

Yennu diiuk nan pochianfeek tee yemmee? Aaii. Timme tee diiuk ki tur manfodaanɔ Yennu, kimaan ŋɔɔ Yennu din yet a “N sii be n niib para nie, kii somm bi sinsuuk ni. N sii tee bi Yennue, ki bi mun sii tee n niib.”

Galasia teeb 2:19

Ŋaan sennu na paak ki n kpo sennu maŋ boor, a mii mɔk manfoor Yennu boor. Li tee kaman nan bi din taan kpaa min nan Masia dapunpunn paak nee.

Efesus teeb 2:5

li paak, ta din yêt Yennu mɔb ki li want nan ti kpoe na yoonba, li yoo na, ki u din nyinnit kuun ni, ki kɔɔnit manfoor ni Masia paak; Yennu ninbatinu paak ki i tinn na.

Efesus teeb 5:2

ki ŋaan ki loomm-ii dia-i kaman nan Masia nba din loont bonchiann ki gaar ti paak ki kpo ki teen mannu nba ki Yennu loon na.

1 Tesalonika teeb 1:9

Niib na kur piak jiint ya din gaarit biaŋinba ta din foonti yoonba na, bi piak biaŋinba ki i tunn nyik pata ŋaan baar Yennu boore, a yii jiantir ŋɔɔ Yennu nba tee manfodaanɔ na,

1 Timoti 1:17

Dont Yennu ki turɔ nibaakir yoo nba kaa gbennu. Ŋɔɔe tee kpanbar nba kan mi kpo ki sii be yoo nba kaa gbennu; ki sɔɔ ki laatɔ; ki u tee Yen-yemmir na. Mɔmɔmm.

1 Timoti 3:15

ŋaan li-i yukir ki n ki baar, gbouŋ na sa te ki a bann ta sii be biaŋinba Yennu ŋaaniib sinsuuk ni, binba ki ŋɔɔ Manfodaanɔ Yennu gannib na. Ŋamme dia barŋanii nba tee barmɔnii na, ki bia set li paak.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

Hiibru teeb 10:10

Yisa Masia din tun linba ki Yennu loon wun tun na, ki jii u gbanant ki mann marouŋ yomkɔɔ ki te ki ti teen Yennu niib.

Hiibru teeb 10:12

Ŋaan Masia ŋanin din mann marouŋ yomkɔɔe, linba mɔk yikoo yoo kur biit paak, ŋaan ŋmat doo Yendɔuŋ ni ki kar Yennu nuudiitu po.

Hiibru teeb 10:2

Li marouŋ-i bo-i fit ŋamm bi para, bi din bo sa mann yomkɔɔe ŋaan ji nyik, ki biit ji kii waabi.

Hiibru teeb 10:22

yi ŋaan ki tin chat nakin Yennu boor ni man nan para nba be fanu, nan barmɔnii yada, ki daa mɔk birsuku, nan ti para nba ki Yisa sɔn nyinn dudukbiit li ni na, ki jii ti gbanant nba ki ti din wuur nan nyun nba kaa jakint na.

Hiibru teeb 11:21

Yoo nba ki Jakɔb din yaa wun kpo na, u yada paake din te ki u senn mɔsonŋann Josef bonjai na paak, ki din tan diin u patu ki jiant Yennu.

Hiibru teeb 13:12

Li paak, ki Yisa mun din kpo doo na kpiŋ po, a wun nyinn niib biit ni, u mɔŋ sɔn paak.

Hiibru teeb 3:12

Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

Hiibru teeb 6:1

Li paak, ŋaant man ki tii dia saakayan kii tumii Masia barii ki saan tɔɔnn po; ŋaan ŋamm ki tumii u barii bonchiann ki pukin pinpiik ni wannu po; li ji ki kpaa talas a bin ŋamm wanni a Nyikin toonbiit nan kuun sɔnu, ki teen Yennu yada,

Hiibru teeb 7:16

Ŋɔɔe tee mantɔɔ, ki nisaarik sennii ni kaa ki u teen li mantɔɔ, ŋaan li tee manfoor nba kaa gbennu na paŋ nie ki u teen mantɔɔ.

Hiibru teeb 7:27

Manteyudaanleeb na din tuu mann marouŋ daar-n tuu daar bi tiauŋ biit paak sinsinn, ki bia mann marouŋ ki tur niib; ŋɔɔ Yisa ki tee nna kaa; u din jii u mɔŋ ki mann marouŋ yomkɔɔe, ŋaan ki li marouŋ gbenn ki tur sɔɔ kura.

Hiibru teeb 9:12

Masia nba din saan kɔɔ jiantu lanbouŋ maŋ ni ki saa gar boor nba tee Yennu yar nan barmɔnii na ni yomkɔɔ yoonba, ŋaan ki li gbenn nna, u din ki dia buunii nan naajai sɔn kaa ki mann marouŋ, ŋaan u din jii u mɔŋ sɔme ki pa ki nyinnit daabsin ni yoo nba kaa gbennu.

Hiibru teeb 9:26

Li-i diŋŋi bo-i tee nnaie, ŋann la din nyii dunia namu pinpiik niwa u din bo sa di fara taar bonchiann. Ŋaan mɔtana, yoo nba ji tan per joontu na ki u din dɔkit a wun jii u mɔŋ ki mann marouŋ ki kpeen biit.

Hiibru teeb 9:7

Ŋaan manteeb yudaanɔ kuukɔɔe din tuu kɔɔ lanbouŋ na linn po yomkɔɔ binn nɔɔk ni. U din tuu dia sɔme ki mann marouŋ ki tur Yennu, u mɔŋ toonbiit paak, nan niib nba din tuu kpet tun toonbiit paak.

Hiibru teeb 9:9

Linba na tee barjokit ki tur timm nba be mɔtana, ki want nan binba din jiantir Yennu na nba din tuu teenɔ bi piinii nan bi bonkobit sɔn na kan fit wuur bi para ni biit Yennu boor ni,

1 Piita 1:19

ŋaan u jii Yisa Masia sɔn nba ŋan gar likirii kura; ki li tee kaman nan mannu pebik nba ki mɔk biit amii dɔk u paak nee.

1 Piita 2:22

U ki tun biit gbaa; sɔɔ bia ki mi gbat ki faak nyii u mɔb ni.

1 Piita 2:24

Ŋɔɔ Masia mɔŋ mɔŋe din jii ti toonbiit u gbanant ni, ki bi kpaau dapunpunn paak, a tin nyi biit ni ŋaan tee niŋamm. U daŋ paake ki i la laafia.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

1 Piita 4:2

La jii yoo na ki saa, i daa jikit i gbanant ki tuun nisaarik loonbiiti, ŋaan kii waa Yennu loomm.

1 Jɔɔnn 1:7

Ŋaan li-i tee ki ti waa yentu sɔnu yoo kur, kaman nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yisa sɔme yentir ti para ni biit kur.

1 Jɔɔnn 3:5

I mi nan Yisa Masia din sik baar tingbouŋ na ni a wun nyinn niib biite; ki biit kaa u ni.