Hiibru teeb 9:11 - Yennu Gbounpaauŋ Mɔɔr

¹¹ Ŋaan Masia wunba tee sɔnŋanu nba na mantɔyudaanɔ na baar na. Wa kɔɔ jiantu lanbouŋ nba ni ki tuun na tee lanbonjaann nba be fanu nan barmɔniie; li ki tee nisaarik nba faa linba kaa, li bia ki tee tingbouŋ na ni yar kaa.

Yennu Gbouŋ Mɔɔr

¹¹ Ŋaan Masia, wunba tee sɔnŋanu na manntɔyudaanɔ baara. Waa kɔɔ jiantu lanbouŋ nba ni ki tuun na tee lanbonjaann nba be fanu nan barmɔniie; li ki tee nisaarik nba faa linba kaa, li bia ki tee tingbouŋ na ni yar kaa.

Hiibru teeb 9:11 ပူးပေါင်းရင်းမြစ်များ

Matiu 11:3

a bin saa boiɔ a “Fine tee wunba yaa wun tan baar na amii tii daa kii guu lɔɔ-ɔɔ?”

Matiu 2:6

‘Fin Betlehem nba be Juda tingbouŋ ni na, a ki tee tinbik kaa Juda yiar ni, kimaan batsɔɔ tan sa nyi a nie, ki ŋɔɔe tan sii yen n niib Israel teeb.’ ”

Barŋanii nba ki MAK din sɔb nae na 14:58

“Ti gbat ki u yet a u sa bet Yennu jiantu ŋasaakak nba ki niib din maa nan bi nii na, ŋaan li daa ŋanntaa sinsuuk ni ki u sa jii ki maar, ki li tan kii tee nirɔ nii kaa maa nanni.”

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 4:25

Ki poo na yetɔ, “N mi nan Yennu Niganntɔɔ Masia nba ki bi yiu Kristo na tan sa baar na. U-i taŋŋi baar yoonba, u sa betit barii kura.”

Toona 7:48

“Ti lek mi nan Yabint Yennu ki kaar ŋei nba ki niib maa ni kaa. Li tee kaman nan Yennu sɔkinii nba din yet a

2 Korint teeb 4:18

kimaan ti baka kaa linba ki ti laat na po kaa, ŋaan ti baka be linba ki ti ki laat na poe; kimaan linba ki ti laat na, li kan yukiri ki li tan sa gar, ŋaan linba ki ti ki laat na ŋanin tan sii be nan yoo nba kaa gbennu.

2 Korint teeb 5:1

Kimaan ti mi nan gbanant nba ki ti mɔk mɔtana na-i taŋŋi kpo, ti mɔk ŋei nba ki Yennu sa turit sanpaapo, ki li ki tee nifosaarik kaa maa ŋei maŋi, ki li bia tan sii be nan yoo nba kaa gbennu.

Kolosa teeb 2:11

Yimm nan u benu nie ki i gaar punpotu; ŋaan li ki tee nisaarik nuu pot i gbananti; Masia punpotu na nee nyinnit biit ni,

Hiibru teeb 10:1

Juu teeb sennu na din tuu tee Yendɔuŋ ni bonŋana ninnauŋ nba din be sɔnu ki baat nee, ŋaan li din tuu ki tee li mɔŋ mɔŋ kaa. Li paak, binn kur marouŋ nba din ki gbent na kan fit teen binba baat nan marouŋ na fanu.

Hiibru teeb 12:27

Mɔbona nba yet a, “N ji tan” na, li fiit want nan bonnankaa kur tan sa nik ki yaat bot li binbeboore, ŋaan ki linba tan kan fit nik na ŋanin-n tan sa biar li boae.

Hiibru teeb 13:14

Kimaan doo nba sa biar kaa tingbouŋ na ni; dosau nba baat nee ki ti guur.

Hiibru teeb 2:17

Linba na want nan li din kpaa talase a wuu tee kaman nan u naa waas na u binbeŋ kur ni, ki teen bi mantɔyudaanɔ nba tee ninbatinu daanɔ ki bia tee barmɔnii daanɔ, ki jii u mɔŋ ki teen marouŋ ki tur nisaarii Yennu boor ni, a wun nyik chab bi biit.

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Hiibru teeb 4:15

Ti mantɔyudaanɔ maŋ ki tee wunba kan fit tint ninbaauk ti butuŋ paak kaa, ŋaan u mɔŋ din la bikinu sɔnii booru kur ni kaman nan ta mun laat biaŋinba na, ŋaan u lek din ki tun biiti.

Hiibru teeb 7:1

Melkisedek maŋ din tee Salem tiŋ bate ki bia din tee yabint Yennu mantɔɔ. Abraham nba din tan nyii tɔb nba ki u din kɔn nyann batnba banna na, Melkisedek din chetɔ ki senn mɔsonŋann u paak;

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

2 Jɔɔnn 1:7

Tɔn, kpinkpannii damm bonchiann poŋ baar ki yat saan siar po kur tingbouŋ na niwa, binba yaa a ŋamm ki teen yada a bi mar Yisa ki u tee nisaarik na. Li nibooru tee kpinkpannii damme, ki bia tee Yisa datai.