Hiibru teeb 8:5 - Yennu Gbounpaauŋ Mɔɔr

⁵ Ba tuun linba na tee Yendɔuŋ ni diiuk toona siara ninnauŋo; Moses nba din tun linba na din naan nnee; kimaan Moses nba din yaa wun faa Yenjiantu lanbouŋ yoonba na, Yennu din kpaanɔ ki yet a “A tun bonsiar kur kaman nan ma wanna jɔɔr na paak biaŋinba na.”

Yennu Gbouŋ Mɔɔr

⁵ Baa tuun linba na tee Yendɔuŋ ni diiuk toona ninnauŋo; Moses nba din tun linba na naan nnae; kimaan Moses nba din yaa wun faa Yenjiantu lanbouŋ yoo nba na, Yennu din kpaanɔ ki yet a, “A tun bonsiar kur nan maa wanna biaŋinba jɔɔr na paak na.”

Hiibru teeb 8:5 ပူးပေါင်းရင်းမြစ်များ

Matiu 2:12

Tɔn, ki Yennu din pak ki turib bi dammiit ni, a bi ji daa ŋmat Bat Herod boor ni; li paak, ki bi ji din tɔkin sanjogauŋ ki ŋmat kun bi doo ni.

Toona 7:44

Ŋanne ki Stiifen bia piak a “Ti yejamm din faa Yennu lanbouŋ muuk ni, ki li want a Yennu be namm. Yennue din wann Moses ba sii faa lanbouŋ maŋ biaŋinba, ki bi faa. Li din tee kaman nan Moses nba din lar biaŋinba yerintu ni nee.

Kolosa teeb 2:17

Li sennu booru din tee yunyuŋo ki want nan sɔɔe baat; li yɔɔe tee Masia.

Hiibru teeb 10:1

Juu teeb sennu na din tuu tee Yendɔuŋ ni bonŋana ninnauŋ nba din be sɔnu ki baat nee, ŋaan li din tuu ki tee li mɔŋ mɔŋ kaa. Li paak, binn kur marouŋ nba din ki gbent na kan fit teen binba baat nan marouŋ na fanu.

Hiibru teeb 11:7

Nowa yada paake din te ki u gbat Yennu kpaanii, barii nba ki u daa din kan fit lar nan u nunbinn na po. U din sak Yennu mɔb ki kpaa ŋarungbeŋŋir ki ŋɔɔ nan u ŋaateeb kɔɔ leŋ ki tinna. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinɔ.

Hiibru teeb 12:25

Li paak, i mi man ki i yêt wunba kpaani na mɔb, kimaan Israel teeb nba din yêt wunba din kpaamm tingbouŋ na ni mɔb na, u din tan ki nyik bi tubdatu; ki ti-i yêt u kpaanii nba nyii Yendɔuŋ ni na, ti tan sa teen nlee ki nyi tubdatu ni?

Hiibru teeb 13:10

Tɔn, binba mann mannu Juu teeb Yenjiantu boor ni na ki mɔk yaak a bii di linba be ti mannu binbintir na ni.

Hiibru teeb 9:9

Linba na tee barjokit ki tur timm nba be mɔtana, ki want nan binba din jiantir Yennu na nba din tuu teenɔ bi piinii nan bi bonkobit sɔn na kan fit wuur bi para ni biit Yennu boor ni,

Fiitu 15:5

Li poorpoe ki n bia la ki Yenjiantu diiuk nba be Yendɔuŋ ni na ki li loot, ki Yennu lanbouŋ na be leŋ.