Hiibru teeb 7:28 - Yennu Gbounpaauŋ Mɔɔr

²⁸ Moses sennu na din tuu gann nisaarii ki teemm manteeb yudamm; ŋaan ki bi din tuu ki be fanu ki gbenni. Ŋaan sennu maŋ poorpoe ki Yennu din senn mɔsonn nan u Bija Yisa wunba sii yɔɔ be fanu ki jikit saa yoo nba kaa gbennu na, ki teenɔ mantɔɔ.

Yennu Gbouŋ Mɔɔr

²⁸ Moses sennu na tuu gann nisaariie ki teemm mannteeb yudamm, ki bi lek ki be fanu. Sennu maŋ poorpoe ki Yennu din sat mɔb nan u Bija Yiisa, wunba sii yɔɔ be fanu mɔkmɔk nan mɔkmɔk, ki teenɔ manntɔyudaanɔ.

Hiibru teeb 7:28 ပူးပေါင်းရင်းမြစ်များ

Barŋanii nba ki LUK din sɔb nae na 13:32

Ki Yisa betib a “Ŋɔɔ woŋ nanaat na, i saa man, ki saa yetɔ a ‘Gotir, dinna nan wonne ki n sii beer narinbiit niib ni ŋaan biakii te ki bi paak, ki daa ŋanntaa daar ki n sa gbenn n toonn.’

Jɔɔnn 19:30

ki u fɔɔnt ki nak, ŋaan yet a “Li gbenna,” ŋaan tibin ki chab u seek ki tur Yennu, ki kpo.

Hiibru teeb 1:2

ŋaan mɔtana u te ki u Bija nba ki u gannɔ a wun yent bonsiar kur na poŋ pak nan timm; ki u din te ki u Bija maŋ nan dunia kur.

Hiibru teeb 2:10

Kimaan Yennu nba din nan bonsiar kur ki bia dia li kur na, wa jii u waas bonchiann ki kɔɔmm u naan ni na, li din tokin u boor ni a wun te ki bi tinnu daanɔ Yisa-n teen bi Tinntɔɔ nan barmɔnii u fara dinu ni.

Hiibru teeb 2:17

Linba na want nan li din kpaa talase a wuu tee kaman nan u naa waas na u binbeŋ kur ni, ki teen bi mantɔyudaanɔ nba tee ninbatinu daanɔ ki bia tee barmɔnii daanɔ, ki jii u mɔŋ ki teen marouŋ ki tur nisaarii Yennu boor ni, a wun nyik chab bi biit.

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Hiibru teeb 4:14

Li paak, ŋaant man ki tii dia ti yada nba ki ti fiit wann na kenken, kimaan ti mɔk mantɔyudaanjaann, ŋɔɔe tee Yennu Bija Yisa wunba poŋ gar saan Yennu tiauŋ boor ni na.

Hiibru teeb 5:5

Nnee mun, Masia din ki donn u mɔŋ ki gann u mɔŋ a wuu tee mantɔyudaanɔ, ŋaan Yennue din yetɔ a “A tee n Bijae; la nyii dinna ki n wann nan n tee a Baae.”

Hiibru teeb 7:21

Yennu din tuu ki teen manteleeb na li mɔsonn booru. Ŋaan Yisa din teen mantɔɔ yoo nba ki Yennu din tan tur mɔsonn ki betɔ a “Min Yennu senn mɔsonn ki ji kan lebit n dudukit, ki yet a ‘Fine sii tee mantɔɔ ki jikit saa yoo nba kaa gbennu.’ ”

Hiibru teeb 7:24

Ŋaan Yisa ŋanin sii yɔɔ be ki tee mantɔɔ ki jikit saa yoo nba kaa gbennu, ki u toona na kan mi nyi u nuu ni ki sɔɔ-n gaariri.

Hiibru teeb 7:3

Labasiar ki be ki want Melkisedek baa po amii u naa po amii u yejamm po. Labasiar kaa ki want u maru po amii u kuun po. U naan nan Yennu Bija nee. U lek bia yɔɔ tee Yennu mantɔɔe nan yoo nba kaa gbennu.