Hiibru teeb 7:25 - Yennu Gbounpaauŋ Mɔɔr

²⁵ Li paak, binba chat nakin Yennu, ŋɔɔ Yisa sann paak na, u sa fit tinnib mɔtana nan yoo nba kaa gbennu, kimaan u lek be u manfoor ni yoo kur, ki mei Yennu ki teemm.

Yennu Gbouŋ Mɔɔr

²⁵ Li paak, binba chat nakin Yennu, ŋɔɔ Yiisa sann ni na, u saa fit tinnib mɔtana nan yaayoo siiyoo, kimaan u be u manfoor ni yoo kur, ki mei Yennu ki teemm.

Hiibru teeb 7:25 ပူးပေါင်းရင်းမြစ်များ

Jɔɔnn 14:13

Ki linba kur ki i sii meiɔ li po nan n sann ni, n sa tuma, ki ŋɔɔ Yennu-n la dontir n paak.

Jɔɔnn 14:16

ki n sa miar n Baa Yennu, ki u sa turi Sommtɔlɔɔ. Ŋɔɔe tee u Seyeeŋ nba want barmɔnii wannu, ki sii be nani yoo nba kaa gbennu.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Rom Teeb 5:10

Ti din tuu tee Yennu dataie, ŋaan mɔtana jik u teent u yɔɔsinbae kimaan u Bija nba din kpo na sɔn paak, ki ta tee u yɔɔs na, birsuk ji kaa nan u sa tinnit u manfoor paaki.

Rom Teeb 5:2

U paake ki Yennu tint ninbaauk ti yada maŋ paak; ki ti la u ninbatinu maŋ ki mɔk parpeenn, kimaan ti mɔk dindann nan ti tan sii mɔk binbenŋaŋ nba ki Yennu sa turit na.

Rom Teeb 8:34

Ŋmee be ki sa bu bi buut ki biiribi? Sɔɔ kaa. Yisa Masia wunba din kpo ki fiir kuun ni na amii? Yisa Masia wunba be Yennu niidiitu po ki tee ti sindantinnɔ na amii?

1 Korint teeb 1:21

Yennu nba mɔk yan na te ki tingbouŋ na teeb yan kan fit te ki niib-n bannɔ. Li paak, ki u te ki binba teen Yisa yada na tinn; jatii labaar nba ki ti mɔɔntir ki teen niib na paak ki bi tinn.

Efesus teeb 2:18

Masia paake ki Juu teeb nan binba ki tee Juu teeb na kura fit baar ti Baa Yennu maŋ boor ni, u Seyeeŋ yenɔkɔɔ ni.

Efesus teeb 3:12

Ta teen Masia yada ki be u ni na, li paak, ki ti mɔk yuugontir ki sa baar Yennu boor nan parcheenn.

Efesus teeb 3:20

Yennu paŋ nba tuun ti ni na paak, ki u sa fit tun bonsiar kur ki turit ki gar ta dukii linba po ki meiɔ;

Filipi teeb 3:21

U tan sa lebit ti gbananchɔkint nba sa kpo na ki lii naan kaman nan u Yendɔuŋ ni gbananpaann nee. U tan sa jii paŋ nba te ki u yen bonsiar kur nee ki tun nna.

1 Timoti 2:5

kimaan Yen-yenɔkɔɔe be, ki sindantinnɔ tee yenɔkɔɔ ki be Yennu nan nisaarik sinsuuk ni; li yɔɔe tee Yisa Masia

2 Timoti 1:12

Li paake te ki n di fara dansarik ni; ŋaan ki n ki tiin fei, kimaan n mi ma jii n mɔŋ ki teen wunba nuu ni, n mi ki birsuk kaa nan u sa fit dia linba ki n jii ki teen u nuu ni na fanu mɔkmɔk nan Daar maŋ daar.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu par ni, kimaan wunba kur baat Yennu boor ni, li kpaa talas ki li yɔɔ-n teen yada nan Yennu set be ki teen binba loonɔ na nyɔɔt.

Hiibru teeb 13:15

Li paak yi ŋaan ki tii dontir Yennu sann yoo kur Yisa sann ni; paku nba nyi ti mɔi ni nae tee mannu ki turɔ.

Hiibru teeb 2:18

Ki u sa fit somm binba yaa bin kɔɔ jinjammii ni, kimaan jinjammii din jamm u tiauŋo ki dinnɔ fara.

Hiibru teeb 2:9

Ŋaan ti laat Yisae. Ŋɔɔe ki Yennu din te ki u pɔ malakanba yoo waaminna, a wun gaar sɔɔ kur paak ki kpo, ŋɔɔ Yennu ninbatinu ni na. U kuun fara dinu maŋ paak ki Yennu te ki u la dontir nan paku.

Hiibru teeb 5:7

Tɔn, Yisa nba din be tingbouŋ na ni yoonba na u din mei Yennu ki barimɔ, ki bui nan ninnyuut Yennu nba sa fit fatɔ kuun ni na boor ni. Ki wa din baakit Yennu na paak ki Yennu din gbat u miaruwa.

Hiibru teeb 7:16

Ŋɔɔe tee mantɔɔ, ki nisaarik sennii ni kaa ki u teen li mantɔɔ, ŋaan li tee manfoor nba kaa gbennu na paŋ nie ki u teen mantɔɔ.

Hiibru teeb 7:19

kimaan Moses sennu maŋ din kan fit te ki siar be fanu. Ŋaan mɔtana ti ji mɔk linba turit dindann nba chee na, ki li nie ki ti chat nakin Yennu boor ni.

Hiibru teeb 7:24

Ŋaan Yisa ŋanin sii yɔɔ be ki tee mantɔɔ ki jikit saa yoo nba kaa gbennu, ki u toona na kan mi nyi u nuu ni ki sɔɔ-n gaariri.

Hiibru teeb 7:8

Manteeb nba din tuu gaan niib nba mɔk linba li bona piik ni yennkɔɔ na din tee nisaarii ki din tuu tan kpo; ŋaan Melkisedek wunba din gaar Abraham bona piik ni yennkɔɔ na ŋanin be, kaman nan Yennu gbouŋ nba wann biaŋinba na.

Hiibru teeb 9:24

Nifosaarik nba din ŋammir boor nba tee Yennu yar ki nannir kaman nan Yendɔuŋ ni bont nba tee li barmɔnii na, ki Masia din ki saan kɔɔ leŋ kaa, ŋaan u din saan kɔɔ Yendɔuŋ mɔŋ mɔŋ nie, siaminba ki u be Yennu tɔɔnn ti paak na.

Juud 1:24

Yennu sa fit guui ki i daa baa, ki sa baar nani u tɔɔnn yentsaakar ni, ki i ki mɔk biiti, ŋaan sii mɔk parpeenn bonchiann;