Hiibru teeb 6:9 - Yennu Gbounpaauŋ Mɔɔr

⁹ Ti naa walonkai, ta lek piak linba na, ŋaan ti ki mɔk birsuk i po. Ti mi nan i yare tee linba chee ki bia tee tinnu yar.

Yennu Gbouŋ Mɔɔr

⁹ Ti naa walonkai, taa lek piak linba na, ŋaan ti ki mɔk birsuk i po. Ti mi nan i benu nae chee, ki i mɔk tinnu.

Hiibru teeb 6:9 ပူးပေါင်းရင်းမြစ်များ

Barŋanii nba ki MAK din sɔb nae na 16:16

Wunba kur teenin yada, ki bi wurɔ Yennu nyunwuru, u sa la tinnu; ŋaan wunba kur ki teenin yada, Yennu sa bu u buut ki biirɔwa.

Toona 11:18

Ba din gbat nna maŋ yoonba, ki bi ji nyik bi kpayakit na, ŋaan donn Yennu sann, ki yeen a “Yennu chab binba ki tee Juu teeb mun a bin nyik bi biit ki teen Yisaweira ki la manfoor nba kaa gbennu.”

Toona 20:21

ki bia kpaan Juu teeb nan binba ki tee Juu teeb kur a bin nyik bi biit kii waa Yennu sɔnu, ki teen ti Yomdaanɔ Yisa yada.

1 Korint teeb 10:14

N naa waas, li paak, yi nyinn i mɔŋ patmannu ni.

2 Korint teeb 12:19

I dukii a ta piak na, ti loon ki ti nyinn ti mɔŋ barii niee? Li ki tee nna kaa. Ti be Yennu tɔɔnn poe, ki piak Masia nba loon biaŋinba. Ti naa walonkai, ti loon ki ti sommie ki i wei Yennu sɔnu fanu. Ŋanne te ki ti beeri.

2 Korint teeb 7:1

N naa walonkai, Yennu nba senn mɔsona ki turit na paak, yi ŋaan ki ti nyik linba kur tee toonbiit, nan linba kur tee dudukbiit, ŋaan tiin Yennu, kii tee popeendamm nan barmɔnii.

2 Korint teeb 7:10

Kimaan Yennu-i te ki nisɔɔ la parbiir u biit paak, ŋanne sa te ki wun nyik u biit na ki la tinnu, ki li kan mi ki biir u par jikii; ŋaan tingbouŋ na parbiir ŋanin baat nan kuume.

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

Hiibru teeb 10:34

I din mɔk ninbatinu nan binba be dansarii ni; ki sianyoo bin din tan fat i yent, ŋaan ki i lek mɔk parpeenn, kimaan i mi nan ya bia mɔk yent nba chee ki ki mɔk gbennu yaayoo.

Hiibru teeb 10:39

Timm ki tee nisiab nba ŋmat poor ki baa yann kaa, ŋaan ti teen Masia yada ki u tinnit.

Hiibru teeb 2:3

Li paak, ti-i kii sak ki gbiint tinnjaann maŋ labaar fanu, ti sa teen nlee ki nyi tubdatu ni? Ti Yomdaanɔ tiauŋo din dɔŋ mɔn tinnu maŋ labaar na po, ki binba din gbat na din wannit a li set tee barmɔniie;

Hiibru teeb 5:9

ki din tan gbenn fara dinu maŋ, ki te ki binba kur saak u mɔb na la tinnu nba kaa gbennu.

Hiibru teeb 6:10

Kimaan Yennue ŋan, ki kan tamm ya tun linba ki turɔ amii ya loonɔ biaŋinba ki somm Masiaweira, ki bia daa sommitib na.

1 Piita 2:11

N naa walonkai, ya tee saamm tingbouŋ na ni na, n kpaaniie a yi nyik gbanant loonbiit nba kɔn nan i sei na,

2 Piita 3:1

N naa walonkai, ma sɔbin gbouŋ nba ki teeni na ji pukii gbant ŋannlee na. Li gbant ŋannlee na kur ni, n poŋ tiari bont na po, ma n fiin i dudukŋant.

1 Jɔɔnn 2:7

N walonkai, ma sɔbin loomm sennu nba ki teeni na, li ki tee sennpaanu kaa, ŋaan li tee sennu nba ki i din dɔŋ gbia ki li yukir na poe, ki sennkper maŋe tee Yisa maan nba ki i din gbia na.

Juud 1:3

N walonkai, n ninbinn daan mɔnn nan ki n sɔb gbouŋ ki turi ki saan gaan tinnu nba tee ti kur yar na po; ŋaan mɔtana li ji kpaa talas ki n sɔb ki kpaani ki yin yabir i mɔŋ ki dia yada labaar nba ki Yennu din tur u niib na fanu, ŋaan daa saak ki sɔɔ-n lebitir,