Hiibru teeb 6:20 - Yennu Gbounpaauŋ Mɔɔr

²⁰ Leŋe ki Yisa poŋ din gaar ti paak ki gar ki tee ti sɔnliitɔɔ, ki teen ti mantɔyudaanɔ nan yoo nba kaa gbennu, ki bia tee Melkisedek paabu ni mantɔɔ.

Yennu Gbouŋ Mɔɔr

²⁰ Yiisa din gaar ti paak ki teen sɔnliitɔɔ, ki gar saan diiuk maŋ ni, ki teen ti manntɔyudaanɔ mɔkmɔk nan mɔkmɔk, ki tee Melkisedek paabu ni manntɔɔ.

Hiibru teeb 6:20 ပူးပေါင်းရင်းမြစ်များ

Rom Teeb 8:34

Ŋmee be ki sa bu bi buut ki biiribi? Sɔɔ kaa. Yisa Masia wunba din kpo ki fiir kuun ni na amii? Yisa Masia wunba be Yennu niidiitu po ki tee ti sindantinnɔ na amii?

Efesus teeb 1:3

Ŋaant ki ti tur Yennu wunba tee ti Yomdaanɔ Yisa Masia Baa na niipoouk man, kimaan ta be Yisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 2:10

Kimaan Yennu nba din nan bonsiar kur ki bia dia li kur na, wa jii u waas bonchiann ki kɔɔmm u naan ni na, li din tokin u boor ni a wun te ki bi tinnu daanɔ Yisa-n teen bi Tinntɔɔ nan barmɔnii u fara dinu ni.

Hiibru teeb 2:17

Linba na want nan li din kpaa talase a wuu tee kaman nan u naa waas na u binbeŋ kur ni, ki teen bi mantɔyudaanɔ nba tee ninbatinu daanɔ ki bia tee barmɔnii daanɔ, ki jii u mɔŋ ki teen marouŋ ki tur nisaarii Yennu boor ni, a wun nyik chab bi biit.

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Hiibru teeb 4:14

Li paak, ŋaant man ki tii dia ti yada nba ki ti fiit wann na kenken, kimaan ti mɔk mantɔyudaanjaann, ŋɔɔe tee Yennu Bija Yisa wunba poŋ gar saan Yennu tiauŋ boor ni na.

Hiibru teeb 5:10

Ŋanne ki Yennu yiinɔ manteeb yudaanɔ, Melkisedek paabu ni.

Hiibru teeb 5:6

Ki siar po u bia yet a “A tan sii tee mantɔɔ ki jikit saa yoo nba kaa gbennu, kii tee Melkisedek paabu ni mantɔɔ.”

Hiibru teeb 8:1

Barii na barnɔɔk want nan ti mɔk mantɔyudaanɔ nba tee nna mun, ki kar Yennu nba mɔk paŋ kur na naangbouŋ nuudiitu po Yendɔuŋ ni,

Hiibru teeb 9:12

Masia nba din saan kɔɔ jiantu lanbouŋ maŋ ni ki saa gar boor nba tee Yennu yar nan barmɔnii na ni yomkɔɔ yoonba, ŋaan ki li gbenn nna, u din ki dia buunii nan naajai sɔn kaa ki mann marouŋ, ŋaan u din jii u mɔŋ sɔme ki pa ki nyinnit daabsin ni yoo nba kaa gbennu.

Hiibru teeb 9:24

Nifosaarik nba din ŋammir boor nba tee Yennu yar ki nannir kaman nan Yendɔuŋ ni bont nba tee li barmɔnii na, ki Masia din ki saan kɔɔ leŋ kaa, ŋaan u din saan kɔɔ Yendɔuŋ mɔŋ mɔŋ nie, siaminba ki u be Yennu tɔɔnn ti paak na.

1 Piita 3:22

U saan Yendɔuŋ nie ki be Yennu nuudiitu po, ki malakanba nan yentdamm kur saak u mɔb.

1 Jɔɔnn 2:12

N waas, Yennu nyik chabi i biita, kimaan Yisa Masia sann ni; li paake te ki n sɔbin ki teeni na.