Hiibru teeb 6:11 - Yennu Gbounpaauŋ Mɔɔr

¹¹ Ti loon ki i sɔɔ kur-n yabir u mɔŋ paake mɔkmɔk nan li joontu, ki ya mɔk dindann biaŋinba na, li set sa teen mɔnii ki turi.

Yennu Gbouŋ Mɔɔr

¹¹ Ti loon ki i sɔɔ kur n yabir u mɔŋ paake mɔkmɔk nan li joontu, ki yaa mɔk dindann nba na n teen mɔnii ki turi.

Hiibru teeb 6:11 ပူးပေါင်းရင်းမြစ်များ

Matiu 24:13

Ŋaan wunba tan gubin nan fara yoo na joontu tan sa la tinnuwa.

Barŋanii nba ki LUK din sɔb nae na 1:1

Chanbaa Teofilus: N loon ki a bann nan maan nba ki bi poŋ daan wanna na, li tee barmɔnii mɔniie. Li piinu ni, nisiab din la linba piin ki teen maŋ ti leeb sinsuuk ni, nan bi ninbina. Ŋamme din tee binba din mɔɔntir maan maŋ po, ki niib bonchiann kot bi mɔŋ paak ki sɔb linba ki bi wannib na. Li paak, n mɔŋ mɔŋ boi ki fiitir bonŋann ki la nan li bonsiar kur nba tee biaŋinba li piinu ni, nan la saa biaŋinba, ki n dukin nan li ŋan n po nan ki n sɔb ki lii tɔɔk sɔnu, ki tura.

Rom Teeb 12:8

li-i tee ki a kpaan a leeb kpaanii, fan tun nna; fin nba mun pi piinii, i tuun nna kaman nan burchimɔ na; wunba mun mɔk yaak niib paak, li ŋan wun tun yaak toonn maŋ bonŋann; ki wunba mun mɔk ninbatinu nan niib, li ŋan wuu mɔk ninbatinu nan parpeenn.

Rom Teeb 15:13

Yennu nba turit dindann na, ya teenɔ yada na paak, ki u sa turi parmaasir nan parpeenn bonchiann, ki ŋɔɔ Yennu Seyeeŋ paŋ sa te ki i dindann na-n ŋamm yabit.

1 Korint teeb 13:13

Tɔn, yada nan dindann nan loomm, li bona ŋanntaa daa be mɔtana; ŋaan loomme gar li kur.

1 Korint teeb 15:58

Li paak, n naa waas, i be man fanu ki daa baa Masiaweiu ni. Yii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

Galasia teeb 5:5

Ŋaan timm teen Masia yada, ki u Seyeeŋ mun be ti ni; li paak, ti mɔk dindann ki guu yoo nba ki Yennu sa yet a ti tee niŋamm u boor.

Galasia teeb 6:9

Li paak, ti daa bakit nan toonŋana tumu mani, kimaan ti-i kii nyik toonŋana, yoo nba jaŋ na ki ti tan sa gaar li nyɔɔt.

Filipi teeb 3:15

Li kpaa talase ki timm nba kur tee subirteeb Seyeeŋ ni na-ii mɔk dudukit maŋ booru, ŋaan i siab-i mɔk dudukgantie, Yennu sa te lin yent li damm nunii powa.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

Kolosa teeb 1:5

kimaan pinpiik ni ya din gbat barmɔnii barŋanii yoonba, i din gbat bonŋana nba guui Yendɔuŋ ni na poe.

Kolosa teeb 2:2

N yaa bi para-n chee, ki bin lakin taan leeb nan loomm, ki bann Yisa barii paak, ki teenɔ yada nan barmɔnii, ki daa mɔk birsuku, ki bann Yennu woonin ni labaar maŋ, linba tee Masia po;

1 Tesalonika teeb 1:5

kimaan barŋanii na din ki tee ti mɔb ni mɔmaan kuukɔɔ kaa ki ti din baar nann turiini, ŋaan li bia din mɔk Seyeeŋ yikooe ki ti piakir ki birsuk kaa. Yoo nba ki ti din be i peŋ na, i mi ta din be biaŋinba; i sommir paake ki ti din be nna maŋ.

1 Tesalonika teeb 4:10

Ki i poŋ set tuun li biaŋe na, ki loon ti naa waas kur nba be Masedonia tiŋ ni na. Ti naa waas, ti barimiie a yii ŋammit kii tuun nna man,

2 Tesalonika teeb 3:13

Ti naa waas, yii mi ki i bak nan toonŋana tumu man.

Hiibru teeb 10:22

yi ŋaan ki tin chat nakin Yennu boor ni man nan para nba be fanu, nan barmɔnii yada, ki daa mɔk birsuku, nan ti para nba ki Yisa sɔn nyinn dudukbiit li ni na, ki jii ti gbanant nba ki ti din wuur nan nyun nba kaa jakint na.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

2 Piita 1:10

N naa waas, Yennue yiini ki ganni, li paak, yi ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na i kan mi ki baa;

2 Piita 3:14

N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

1 Jɔɔnn 3:14

Ta loon ti naa walees na, ŋannii want nan ti nyii kuun paŋ ni, ki be manfoor nba kaa gbennu ni. Ŋaan daanɔ nba ki mɔk li loonbooru, ŋɔɔ ŋarin biar be kuun paŋ nie.

1 Jɔɔnn 3:19

Li-i tee ki ti tuun nna, ŋanne ki ti sa bann nan ti waa barmɔnii wannu, ki bia sii mɔk parcheenn Yennu boor.

Fiitu 2:26

Wunba nyann nyannu na, ki tuun n loomm ki kan nyik, n sa turɔ paŋ nba ki n gaar n Baa boor ni na booru, ki bia turɔ tingbouŋ na nibooru kur yikoo ki u sii diab nan paŋ ki sa fit biirib kaman nan fa tuu dia kut patu ki faa boba ki yee biaŋinba na.