Hiibru teeb 5:7 - Yennu Gbounpaauŋ Mɔɔr

⁷ Tɔn, Yisa nba din be tingbouŋ na ni yoonba na u din mei Yennu ki barimɔ, ki bui nan ninnyuut Yennu nba sa fit fatɔ kuun ni na boor ni. Ki wa din baakit Yennu na paak ki Yennu din gbat u miaruwa.

Yennu Gbouŋ Mɔɔr

⁷ Tɔn, Yiisa nba din be tingbouŋ na ni yoo nba na, u din mei Yennu ki barimɔ, ki bui nan ninnyuut, Yennu nba saa fit fatɔ kuun ni na boor. Waa din baakit Yennu na paak, ki Yennu gbat u miaru.

Hiibru teeb 5:7 ပူးပေါင်းရင်းမြစ်များ

Matiu 27:46

Kut munntaa maŋ yooe, ki Yisa yikin sanpaapowa a “Eli, Eli, lema sabaktani?” Li paak tee a “N Yennu, n Yennu, bee ki a nyikimi?”

Matiu 27:50

Ki Yisa ŋamm yikin sanpaapowa ŋaan ji kpo.

Barŋanii nba ki MAK din sɔb nae na 15:34

Kut munntaa yooe, ki Yisa yikin sanpaapowa nan kunkɔsaakar, ki yet a “Eloi, Eloi, lema sabaktani?” ki li paak tee a “N Yennu, n Yennu, bee ki a nyikimi?”

Barŋanii nba ki MAK din sɔb nae na 15:37

Ki Yisa ŋamm yikin nan kunkɔsaakar, ŋaan ji kpo li yoo.

Barŋanii nba ki LUK din sɔb nae na 23:46

Ki Yisa tan yikin sanpaapo ki yet a “N Baa Yennu, n jikit n seek ki tee a nuu ni.” Wa yet nna maŋ ŋaan ji kpo.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 11:35

Ki Yisa bui.

Jɔɔnn 11:42

N mi nan yoo kur a saak n miaru, ŋaan ma yet nna na, kimaan n loon ki nibur nba be nna na-n gbat ki teen yada nan fine tumin.”

Jɔɔnn 17:1

Yisa nba din pak nna maŋ, ŋaan gokit got sanpaapo, ki yet a “N Baa, yoo maŋ baar na. Ŋaant ki min a Bija-n la dontir, ki fit lian te ki a mun-n la dontir,

Rom Teeb 8:3

Yennue tun u mɔŋ Bija tingbouŋ na ni, a wun gaar gbanant nba naan nan timm biitdamm gbanant na, ki tan gaar ti paak ki kpo ti biit paak. Ki u kuun maŋ paak, Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

Galasia teeb 4:4

Ŋaan yoo nba din tan jaŋ na, ki Yennu tun u mɔŋ mɔŋ Bija, ki poo din marɔ, ki u din be Juu teeb sennu ni,

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Hiibru teeb 10:10

Yisa Masia din tun linba ki Yennu loon wun tun na, ki jii u gbanant ki mann marouŋ yomkɔɔ ki te ki ti teen Yennu niib.

Hiibru teeb 10:5

Li paak, Masia nba din yaa wun sik tingbouŋ na ni yoonba na, u din bet Yennu a “A ki loon marouŋ nan piinii kaa, ŋaan a ŋamm gbanansiare ki turin.

Hiibru teeb 11:7

Nowa yada paake din te ki u gbat Yennu kpaanii, barii nba ki u daa din kan fit lar nan u nunbinn na po. U din sak Yennu mɔb ki kpaa ŋarungbeŋŋir ki ŋɔɔ nan u ŋaateeb kɔɔ leŋ ki tinna. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinɔ.

Hiibru teeb 12:28

Li paak, ta gaar naan nba kan mi ki nik na paak, yi ŋaan ki tii teen Yennu niipoouk man, ki jiantɔ nan nibaakir nan jaŋmaanii ki u numm-n gboo,

Hiibru teeb 13:20

Yennu nba teent parmaasir nae din fiin ti Yomdaanɔ Yisa kuun ni. Ŋɔɔ Yisae tee ti guutɔjaann na, kimaan u din kpo, ki u sɔn ŋamm Yennu mɔlor nba sii see yoo nba kaa gbennu;

Hiibru teeb 2:14

Tɔn, Yennu waas nba tee nisaarii na paak, Yisa mun din tee nisaarike kaman nan ŋamm na, a u kuun ni wun tan biir Sintaanii nba mɔk kuun paŋ na,

1 Jɔɔnn 4:3

Ŋaan wunba ki seek piak u ni, ki u yaa a u ki teen yada nan bi mar Yisa nisaarike, ŋɔɔe ki mɔk Yennu Seyeeŋi. Li daanɔ seeke tee Yisa dataak seek na. Bi din poŋ beti nan Yisa dataak maŋ sa baar na, ki mɔtana u poŋ set baar tingbouŋ na niwa.

2 Jɔɔnn 1:7

Tɔn, kpinkpannii damm bonchiann poŋ baar ki yat saan siar po kur tingbouŋ na niwa, binba yaa a ŋamm ki teen yada a bi mar Yisa ki u tee nisaarik na. Li nibooru tee kpinkpannii damme, ki bia tee Yisa datai.