Hiibru teeb 5:1 - Yennu Gbounpaauŋ Mɔɔr

¹ Tɔn, mantɔyudaanɔ kur nba ki bi gannɔ niib sinsuuk ni na, bi sennɔ a wun gaar u leeb paake ki mann mannu ki tur Yennu bi biit paak.

Yennu Gbouŋ Mɔɔr

¹ Tɔn, mannteeb yudaanɔ kur nba ki bi gannɔ niib sinsuuk ni na, bi sennɔ a wun gaar u leeb paake, kii mann mannu bi biit paak, kii teen Yennu.

Hiibru teeb 5:1 ပူးပေါင်းရင်းမြစ်များ

Rom Teeb 15:17

Yisa Masia paake ki n mɔk yuugontir Yennu toonn ni;

1 Korint teeb 15:3

Kimaan n din beti labaar nba ki n mun din gaar na, ki li tee barjaann ki gar barii kura; a Masia din gaar timm biit damm paak ki kpo, kaman nan la sɔb Yennu gbouŋ ni biaŋinba na;

Hiibru teeb 10:11

Mannbooryeŋ nba ki Juu teeb mantɔɔ kur tuun daar-n tuu daar na kan fit nyinn biiti.

Hiibru teeb 10:12

Ŋaan Masia ŋanin din mann marouŋ yomkɔɔe, linba mɔk yikoo yoo kur biit paak, ŋaan ŋmat doo Yendɔuŋ ni ki kar Yennu nuudiitu po.

Hiibru teeb 11:4

Abel yada paake ki u din mann mannu tur Yennu ki li mannu ŋan ki gar Keenn yar. U yada paake ki Yennu din pakɔ ki purɔ yentinɔ, kimaan ŋɔɔ Yennu tiauŋ din gaar u piinii nawa. Abel din kpowa, ŋaan u yada paake ki u bia lek daa piak.

Hiibru teeb 2:17

Linba na want nan li din kpaa talase a wuu tee kaman nan u naa waas na u binbeŋ kur ni, ki teen bi mantɔyudaanɔ nba tee ninbatinu daanɔ ki bia tee barmɔnii daanɔ, ki jii u mɔŋ ki teen marouŋ ki tur nisaarii Yennu boor ni, a wun nyik chab bi biit.

Hiibru teeb 7:27

Manteyudaanleeb na din tuu mann marouŋ daar-n tuu daar bi tiauŋ biit paak sinsinn, ki bia mann marouŋ ki tur niib; ŋɔɔ Yisa ki tee nna kaa; u din jii u mɔŋ ki mann marouŋ yomkɔɔe, ŋaan ki li marouŋ gbenn ki tur sɔɔ kura.

Hiibru teeb 8:3

Mantɔɔ kur nba ki bi gannɔ na, li tuu kpaa talase a wun jii piinii ki bia mann marouŋ ki tur Yennu, nnee ki li mun kpaa talas ki ti mantɔyudaanɔ-n tur siar.

Hiibru teeb 8:4

Li-i bo-i tee ki u be tingbouŋ na ni, u bo kii tee mantɔɔ fabaa, kimaan manteeb nba teen Yennu piinii, Juu teeb sennu nba senn biaŋinba na, poŋ be.

Hiibru teeb 9:9

Linba na tee barjokit ki tur timm nba be mɔtana, ki want nan binba din jiantir Yennu na nba din tuu teenɔ bi piinii nan bi bonkobit sɔn na kan fit wuur bi para ni biit Yennu boor ni,