Hiibru teeb 4:2 - Yennu Gbounpaauŋ Mɔɔr

² Kimaan ti gbat barŋanii kaman nan ba mun din gbatir biaŋinba, ŋaan li din ki turib nyɔɔti, kimaan ba din gbatir yoonba bi din ki gaarir nan yada.

Yennu Gbouŋ Mɔɔr

² Ti gbat barŋanii na nan baa mun din gbatir biaŋinba nae, ŋaan li din ki turib nyɔɔti, kimaan baa din gbatir, bi ki gaarir nan yada.

Hiibru teeb 4:2 ပူးပေါင်းရင်းမြစ်များ

Toona 13:46

Ŋaan ki Pɔɔl nan Banabas lek bia yeen nan parcheenn a “Li kpaa talase nan ki tin sint pak Yennu maan ki tur yimm Juu teeb. Ŋaan ya yêt maan maŋ, ki bia dukin nan i ki ŋan nan i la manfoor nba kaa gbennu na, li paake te ki ti nyikiti, ŋaan saa binba ki tee Juu teeb ni na,

Toona 3:26

Li paak ki Yennu gann u Toontunnɔ Masia maŋ ki tumɔ i boor ni sinsinn, a wun te ki i kur-n nyik i biit ki la mɔsonŋann maŋ.”

Rom Teeb 2:25

Fi-i sak Yennu sennu, a punpotu mɔk nyɔɔt, ŋaan fi-i kii sak sennu na, li ŋman a ki poti.

Rom Teeb 3:3

ki bi siab-i diŋŋi kii tee yadateenteeb, li want nan Yennu ki tee barmɔnii daanɔ amii?

1 Korint teeb 13:3

Mi-i jii n mɔkint kur ki tur tatimm, ki lek jii n gbanant chab ki bi joo muu gbaa Masia paak, ŋaan ki ki mɔk loommi, n ki mɔk nyɔɔti.

Galasia teeb 3:2

I betin bonyennkɔɔ man, ya din tuun sennu na toona paake din te ki i gaar Yennu Seyeeŋ amii ya din gbat barŋanii na ki teen yada na paake din te ki i gaarɔ?

Galasia teeb 3:8

Ki li bia sɔb Yennu gbouŋ ni a ŋɔɔ Yennu din poŋ mi nan u tan sa yet a binba ki tee Juu teeb mun tee niŋamm u boor bi yada paak. Ŋann paake ki u poŋ din yet Abraham barŋanii maŋ a “Fin paake ki n tan sa teen mɔsonŋann nisaarik booru kura paak.”

Galasia teeb 4:13

Ma din yiar na paake din te ki n mɔɔnt barŋanii sinsinn ki turi.

1 Tesalonika teeb 1:5

kimaan barŋanii na din ki tee ti mɔb ni mɔmaan kuukɔɔ kaa ki ti din baar nann turiini, ŋaan li bia din mɔk Seyeeŋ yikooe ki ti piakir ki birsuk kaa. Yoo nba ki ti din be i peŋ na, i mi ta din be biaŋinba; i sommir paake ki ti din be nna maŋ.

1 Tesalonika teeb 2:13

Linba yaa paak bia te ki ti piak Yennu yoo kura na tee nnee: ta din baar nan Yennu maan i boor ni, i din gbatir ki gaarir; i din ki gaarir kaman nan nisaarik yar na kaa, ŋaan i din gaarir kaman nan li tee Yennu yare. Ki li set tee ŋanne, kimaan yimm nba teenɔ yada na, maan maŋ tuun i para ni.

1 Timoti 4:8

Toona tumiiu nba pukii gbanant paŋ mɔk nyɔɔt waaminnee, ŋaan yentinu tumiiu nyɔɔte yab gar bonsiar kur. Kimaan li mɔk nyɔɔt ki turit tingbouŋ na ni mɔtana, nan Yendɔuŋ ni yoo nba baat na.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu par ni, kimaan wunba kur baat Yennu boor ni, li kpaa talas ki li yɔɔ-n teen yada nan Yennu set be ki teen binba loonɔ na nyɔɔt.

Hiibru teeb 3:12

Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

Hiibru teeb 4:6

Binba din gbat barŋanii na sinsinn na din ki la li foon, kimaan bi din yêt Yennu mɔb. Li paak, nisiab be ki tan sa la foon maŋ.

Jeems 1:21

Li paak, n naa waas, yi nyik i yanbɔmm nan biit kur nba be i para ni na, ŋaan sikin i mɔŋ Yennu tɔɔnn, ki gaar u maan nba ki u kɔɔnt i para ni na, kimaan maan maŋe mɔk paŋ nba sa nyinni kuun ni.

1 Piita 1:12

Ki Yennu fiit wannib a bi ki sɔkint bi mɔŋ yoo labaar kaa, ŋaan yimm poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nee mun te ki binba mɔɔntir barŋanii na beeri barii maŋ. Linba nee ki malakanba mun loon bin bann li paak.