Hiibru teeb 4:16 - Yennu Gbounpaauŋ Mɔɔr

¹⁶ Li paak, ŋaant man ki tii mɔk parcheenn ki baar Yennu nba tee burchindaanɔ na naangbouŋ boor ni, a tin la ninbatinu nan sommir ki lin sommit yoo nba ki ti loonn na.

Yennu Gbouŋ Mɔɔr

¹⁶ Li paak, ŋaant man ki tii mɔk parcheenn ki baar Yennu nba tee burchindaanɔ na naangbouŋ boor, ki la ninbatinu nan sommir ki lin sommit yoo nba ki ti loonir.

Hiibru teeb 4:16 ပူးပေါင်းရင်းမြစ်များ

Efesus teeb 2:18

Masia paake ki Juu teeb nan binba ki tee Juu teeb na kura fit baar ti Baa Yennu maŋ boor ni, u Seyeeŋ yenɔkɔɔ ni.

Efesus teeb 3:12

Ta teen Masia yada ki be u ni na, li paak, ki ti mɔk yuugontir ki sa baar Yennu boor nan parcheenn.

Hiibru teeb 13:6

Li paak, ŋaant ki tii mɔk parcheenn ki yet a “Ti Yomdaanɔ tee n sommtɔɔ, n kan tin jaŋmaanii, nisaarik sa teenin bee?”

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Hiibru teeb 7:19

kimaan Moses sennu maŋ din kan fit te ki siar be fanu. Ŋaan mɔtana ti ji mɔk linba turit dindann nba chee na, ki li nie ki ti chat nakin Yennu boor ni.

Hiibru teeb 7:25

Li paak, binba chat nakin Yennu, ŋɔɔ Yisa sann paak na, u sa fit tinnib mɔtana nan yoo nba kaa gbennu, kimaan u lek be u manfoor ni yoo kur, ki mei Yennu ki teemm.

Hiibru teeb 9:5

Bonsia nba ki bi yir cherubim din tɔɔ lakir maŋ paak, ki bi kpinkpant bakin siaminba din tee toonbiit nyikinchab boor ni na, ki li want nan Yennu be leŋ. Ŋaan mɔtana ji ki tee yoo nba ki ti sa pak bont maŋ po nan li barnɔɔk kuri.

1 Piita 2:10

Sianyoo i din ki tee Yennu niibi, ŋaan mɔtana i set tee u niibe; sianyoo u din ki tini ninbaauku, ŋaan mɔtana u tini ninbaauka.