Hiibru teeb 4:12 - Yennu Gbounpaauŋ Mɔɔr

¹² Kimaan Yennu mɔmaan maŋ tee barii nba foe, ki mɔk paŋ, ki bia di ki gar jukbanjiak nba kur ŋma mɔi ŋannlee. Yennu mɔmaan fit ŋma ki kɔɔ baat nisaarik seek nan u manfoor boor ni, ki kɔɔ baat u tukita nan u kpaba beesin ni, ki kɔɔ bɔkitir u dudukit nan u par ni bibikit.

Yennu Gbouŋ Mɔɔr

¹² Yennu mɔmaan maŋ tee barii nba foe, ki mɔk paŋ, ki bia di ki gar jukbanjiak nba ŋma mɔi ŋanlee na. Yennu mɔmaan fit ŋma ki kɔɔ baat nisaarik seek nan u manfoor boor ni, ki kɔɔ baat u tukita nan u kpaba beesin ni, ki kɔɔ bɔkitir u dudukit nan u par ni bibikit.

Hiibru teeb 4:12 ပူးပေါင်းရင်းမြစ်များ

Barŋanii nba ki LUK din sɔb nae na 8:11

“Barjouk na paak tee nnee: Bonboorii nba nee tee Yennu maan.

Jɔɔnn 12:48

Ki wunba yêenin ki ki saak n maan na, bonte be ki sa bu u buut; maan nba ki n pak ki u ki sak nee tan sa bu nanɔ dunia gbennu daar.

Jɔɔnn 6:51

Mine tee manfoor jeet maŋ nba nyii Yendɔuŋ ni na. Wunba di jeet maŋ, u sii be nan yoo nba kaa gbennu, ki jeet nba ki n sa turɔ maŋ tee n gbanante, ki n tan sa jii n gbanant maŋ ki chab a bin kpin, ki tingbouŋ na ŋaateeb-n fit lian la manfoor maŋ.”

Toona 2:37

Niib na nba gbat nna maŋ, ki bi para ni biir bonchiann. Ki bi boi Piita nan u leeb na a “Ei! ti naa waas, ki ti sa teen nlee?”

Toona 4:31

Ba gbenn Yenmiaru na yoonba, ki siaminba po ki bi tikir na ji jek, ki bi kura gbee yent nan Yennu Seyeeŋ, ki ji piin piak Yennu maan nan parcheenn.

Toona 5:33

Yudamm maŋ nba gbat nna maŋ, ki bi wutoa fiir, ki bi ji yaa bin kpi toomiinba maŋ.

Toona 7:38

“Li bia din tee Moses maŋe din be nan ti niib Israel teeb lakinu ni, muuk ni na. Leŋe ki u din tan doo Sainai jɔɔr paak, ki saa be nan Yennu malaka, ki malaka maŋ din piak ki teen Moses, a Moses-n sɔkin tur ti yejamm Israel teeb. Li yooe ki Moses din gaar Yennu manfoor maan ki tur ti yejamm nan timm.

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

1 Korint teeb 1:24

Juu teeb nan binba ki tee Juu teeb ki Yennu gannib na ŋanin mi nan Masia kuun labaar na tee Yennu paŋ nan u yame.

2 Korint teeb 2:17

Ŋmee jaŋ nan toona maŋi? Tɔn, ti ki tee kaman nan binba dia Yennu mɔmaan maŋ ki li tee kpinkpouŋ turib na kaa, ŋaan ti mɔk barmɔnpaku, kimaan ŋɔɔ Yennu tunt; li paak ki ti be u tɔɔnn, ki mɔɔntir u mɔmaan Yisa sann ni.

2 Korint teeb 4:2

Li paake te ki ti yêt bunbɔnn ni toona, nan bontiteet nba baat nan fei, ti ki tuun ki dɔk niib na, ti ki lebit Yennu maan ki kpann niibi, ŋaan ti mɔŋ be Yennu tɔɔnn ki mɔɔntir u maan paanu ni nan barmɔnii, a sɔɔ daa mɔk dudukbiit ki jii jiin ti bontiteet po.

Efesus teeb 5:13

Ŋaan ba tan sa nyinn bonsiar kur yeenin ni yoonba, bi bunbɔnn ni binbeŋ maŋ kura sa fiite perrr.

Efesus teeb 5:26

U din tun linba na, ki bia jii Yennu barii nan nyun ki wurib, a wun ŋammib fanu

Efesus teeb 6:17

ki dia i tinnu nba tee kaman nan kut fokirik, ki bia dia Yennu barii nba tee kaman nan jukbanjiak nba ki u Seyeeŋ tuun nann na.

1 Tesalonika teeb 2:13

Linba yaa paak bia te ki ti piak Yennu yoo kura na tee nnee: ta din baar nan Yennu maan i boor ni, i din gbatir ki gaarir; i din ki gaarir kaman nan nisaarik yar na kaa, ŋaan i din gaarir kaman nan li tee Yennu yare. Ki li set tee ŋanne, kimaan yimm nba teenɔ yada na, maan maŋ tuun i para ni.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

Hiibru teeb 13:7

I tian man i yudamm nba din tuu piak Yennu maan ki teeni na po; ki yii dukii bi binbeŋ nyɔɔt nba tee biaŋinba ki yii tokii bi yada.

Hiibru teeb 6:5

ki din tuu mi Yennu mɔmaan na manu po, ki din mi dunia nba baat na paŋ po,

Jeems 1:18

U mɔŋ loommo ki u teent u waas, u maan nba tee barmɔnii na paak, a tii chee u bonninaant kura.

1 Piita 1:23

I la manfopaanna; li manfoor ki nyii bonboorik nba kpenn ni kaa, ŋaan li nyii bonboorik nba ki kpenn boore; Yennu maan nba mɔk manfoor ki sii be mɔkmɔk nan yoo nba kaa gbennu na turi manfoor maŋ.

Fiitu 1:16

Ki u kub ŋmaabira ŋannlore u nuudiitu ni, ki jukbanjiak nba di mɔleemii tant nyii u mɔb ni, ki u numm po yeen kaman nan yennu nba tuu yeen yensuuk ni na.

Fiitu 19:15

Ki jukbanjiak nba di bonchiann tant ki nyii u mɔb ni, ki u sa jiir ki kɔn nyann nibooru kur, ki yentib nan paŋ, ki sa ŋmakirib siaminba ki bi ŋmakii tilɔɔna na, ki li tee Yennu wunba mɔk paŋ kur wutochiauŋ na.

Fiitu 19:21

Ki wunba jak taamm ki jukbanjiak tant nyii u mɔb ni na, ki u jii jukbanjiak maŋ ki kpii binba biar na, ki nɔɔnii dii bi gbanant ki tan gboo.

Fiitu 2:16

Li paak, yi nyik i biit maŋ; li-i kii tee nnai kaa, n sa baar mɔtana nan jukbanjiak nba tantir ki nyi n mɔb ni na, ki kɔn biir li nibooru.

Fiitu 2:23

ki kpi u weira kura; ki n weira kur sa bann nan mine tee wunba mi niib dudukit nan bi loomm nba tee biaŋinba, ŋaan sa tur sɔɔ kur u toona nyɔɔt nba tee biaŋinba.

Fiitu 20:4

Ki n la naangbant, ki Yennu tur binba kar li paak na yaak a bin bu buut. Ki n bia la binba ki bi din pot bi yura na sei; ba din mɔɔntir Yisa barŋanii nan Yennu mɔmaan paak ki bi kpiib; bi din ki jiant bonkobuk na, amii li naauŋ na, amii bi bia din ki gaar bonkobuk maŋ dɔk bi yugbia paak amii bi nii ni. Bi fiir kuun nie ki lakin dii naan nan Masia bintusir. Nee tee sinsinn kpeemm fiiru.