Hiibru teeb 4:11 - Yennu Gbounpaauŋ Mɔɔr

¹¹ Li paak, ŋaant man ki tin yabir ti mɔŋ ki la foon maŋ, ŋaan ki ti sɔɔ tan daa kɔŋŋit kaman nan ba din yêt Yennu mɔb ki tan kɔŋŋir biaŋinba na.

Yennu Gbouŋ Mɔɔr

¹¹ Li paak, ŋaant man ki tin yabir ti mɔŋ ki la foon maŋ, ki ti sɔɔ tan daa kɔŋit nan baa din yêt Yennu mɔb ki kɔŋir biaŋinba na.

Hiibru teeb 4:11 ပူးပေါင်းရင်းမြစ်များ

Matiu 11:12

La daan nyii Jɔɔnn maŋ yoo ki tan tuu mɔtana, binba ki bi ninbina mɔn nan bin tan kɔɔ Yennu naan ni dia nan ninmɔnn a bin tan kɔɔ nan paŋ.

Matiu 7:13

“Kɔɔn man tammɔyebik na ni; kimaan tammɔb nba kɔɔ muu nba kan mi kpeen na ni na yarin hei, ki li sɔnu bia man nan sommir; ki niib bonchianne kɔɔ tammɔb maŋ ni.

Barŋanii nba ki LUK din sɔb nae na 13:24

“See ki i mukis i mɔŋ ki yebin ki kɔɔ tammɔyebik na ni. N beerie, niib bonchiann tan sii loon bin kɔɔ leŋ, ŋaan tan gbar li kɔɔnu.

Barŋanii nba ki LUK din sɔb nae na 16:16

“Moses sennu nan Yennu sɔkiniinba sɔbu din mɔk yaak mɔkmɔk nan Jɔɔnn nba din tan baar. La nyii Jɔɔnn baaru yoo niewa ki bi mɔɔntir Yennu barŋanii ki jikit saa Yennu naan po, ki sɔɔ kur mukisir u mɔŋ a wun kɔɔ Yennu naan maŋ ni.

Jɔɔnn 6:27

I daa tuun toonn jeet nba sa fit biir paaki, ŋaan yii tuun toonn jeet nba mɔk manfoor nba kaa gbennu paak. Min nisaarik Bik sa turi li jebooru, kimaan n Baa Yennu turin yikoo na a mii teeni, kimaan u numm gboon.”

Toona 26:19

“Li paak, Chanbaa Agripa, n din ki yêt Yendɔuŋ ni yerintu maŋi.

Efesus teeb 2:2

I din waa tingbouŋ na narinbiit sɔnue ki sak tingbouŋ na bat Sintaanii nba dia niib nba ki saak Yennu mɔb na.

Efesus teeb 5:6

Kimaan li toonbiit tumu paake te ki Yennu wutoor baat mɔyêtdamm paak. I daa te ki sɔɔ-n jii u jat wannu ki kpanniini.

Filipi teeb 2:12

N naa walonkai, ma din be i boor ni ki i sak n mɔb biaŋinba na, ki mi-i lekii kaa i boor ni, li kpaa talas ki yin sak n mɔb. Yii biakii tuun i toona nan yentinu nan gbananjekint man, ki tont i tinnu,

Kolosa teeb 3:6

Nanna paake te ki Yennu wutoor tan sa do binba ki sak u mɔb na paak.

Taitus 1:16

Bi yi bi mɔŋ Yenmiirae, ŋaan ki bi toona want nan bi ki sak bann Yennu. Bi tee mɔyêtdamme, ki ki pent Yennu par ni, ki kan fit tun toonŋansiari.

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.

Hiibru teeb 3:12

Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

Hiibru teeb 3:18

Yennu daa din por lamme mɔb a “Bi kan mi baar ma bo yaa n turib foon tiŋ nba na ni.” Li din tee binba din yêt u mɔb nee.

Hiibru teeb 4:6

Binba din gbat barŋanii na sinsinn na din ki la li foon, kimaan bi din yêt Yennu mɔb. Li paak, nisiab be ki tan sa la foon maŋ.

Hiibru teeb 6:11

Ti loon ki i sɔɔ kur-n yabir u mɔŋ paake mɔkmɔk nan li joontu, ki ya mɔk dindann biaŋinba na, li set sa teen mɔnii ki turi.

2 Piita 2:6

Ŋɔɔ Yennu bia din biir doi nba yi Sodom nan Gomora, ki te ki bi dii muu ki kab kpant tanpent, ki kpii doi maŋ ni niib kura. Linba nee tee siara ki want biitdamm wa tan sa dat bi tuba biaŋinba.