Hiibru teeb 4:10 - Yennu Gbounpaauŋ Mɔɔr

¹⁰ Kimaan wunba la Yennu foon maŋ, u nyik u toona nee na kaman nan Yennu nba din nyik u naamii toona ni biaŋinba na.

Yennu Gbouŋ Mɔɔr

¹⁰ Kimaan wunba la Yennu foon maŋ, u nyik u toonae nan Yennu nba din nyik u naamii toona biaŋinba na.

Hiibru teeb 4:10 ပူးပေါင်းရင်းမြစ်များ

Jɔɔnn 19:30

ki u fɔɔnt ki nak, ŋaan yet a “Li gbenna,” ŋaan tibin ki chab u seek ki tur Yennu, ki kpo.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

Hiibru teeb 10:12

Ŋaan Masia ŋanin din mann marouŋ yomkɔɔe, linba mɔk yikoo yoo kur biit paak, ŋaan ŋmat doo Yendɔuŋ ni ki kar Yennu nuudiitu po.

Hiibru teeb 4:9

Li paak, foon dasiar bia daa be ki tee Yennu niib yar, kaman nan wa din foi daaŋannlore daar biaŋinba na.

Fiitu 14:13

Ki n bia gbat kunkɔr ki li nyii Yendɔuŋ ni ki yeen a n sɔb maan na, a “Mɔtana ki jikit saa, parpeenn be damm nba kpo ti Yomdaanɔ sɔnu ni na paak.” Ki Yennu Seyeeŋ na sak a “Mɔmɔmm, bi sa la foon bi toongbeŋŋa paak, kimaan bi toona nyɔɔt nee waab.”

Fiitu 6:11

Ŋanne ki bi tur bi kur liatfopeenii, ŋaan yetib a “I toontunleeb nan i naa waas nba ki niib tan sa kpib kaman nan ba din kpii yimm biaŋinba na, yin foi waan kii guu yoo nba ki bi tan sa kpib ki gbenn.”