Hiibru teeb 3:6 - Yennu Gbounpaauŋ Mɔɔr

⁶ Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Yennu Gbouŋ Mɔɔr

⁶ Masia ŋarin tee barmɔnii daanɔ nba yen Yennu ŋaak maŋe ki tee u Bija. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Hiibru teeb 3:6 ပူးပေါင်းရင်းမြစ်များ

Matiu 10:22

Ki sɔɔ kur tan sii nami kimaan ya waan na paak; ŋaan wunba tan gubin nan fara yoo na joontu tan sa la tinnuwa.

Matiu 16:18

Fin Piita, min ŋanin beerae, a tee tanne; ki tanpiiuk na paake ki n sa jii n niib ki senn; ki kuun kan mi fit nyannibi.

Matiu 24:13

Ŋaan wunba tan gubin nan fara yoo na joontu tan sa la tinnuwa.

Rom Teeb 11:22

Gotir Yennu nba mɔk ninbatinu ŋaan bia mɔk ninkoonii biaŋinba. U mɔk ninkoonii ki tur binba ki teen yada, ŋaan u tiina ninbaauk; fi-i kpaŋŋi teen yada, u mun sii tiina ninbaauk, ŋaan li-i kii tee nna, u mun bia sa kɔnnae ki lua.

Rom Teeb 12:12

ŋaan kii mɔk parpeenn i dindann paak, kii mɔk mintir i fardinu sinsuuk ni, ŋaan kii mei Yennu yoo kur;

Rom Teeb 15:13

Yennu nba turit dindann na, ya teenɔ yada na paak, ki u sa turi parmaasir nan parpeenn bonchiann, ki ŋɔɔ Yennu Seyeeŋ paŋ sa te ki i dindann na-n ŋamm yabit.

Rom Teeb 5:2

U paake ki Yennu tint ninbaauk ti yada maŋ paak; ki ti la u ninbatinu maŋ ki mɔk parpeenn, kimaan ti mɔk dindann nan ti tan sii mɔk binbenŋaŋ nba ki Yennu sa turit na.

1 Korint teeb 3:16

I tee Yennu diiuko, ki Yennu Seyeeŋ be i ni; i ki mi nna-aa?

1 Korint teeb 6:19

I gbanant na tee Seyeeŋ nba ki i gaar Yennu boor na diiuko, ki u be i ni. I ki mi nnee-ee? I ki yen i mɔŋi, Yennue yeni;

2 Korint teeb 6:16

Yennu diiuk nan pochianfeek tee yemmee? Aaii. Timme tee diiuk ki tur manfodaanɔ Yennu, kimaan ŋɔɔ Yennu din yet a “N sii be n niib para nie, kii somm bi sinsuuk ni. N sii tee bi Yennue, ki bi mun sii tee n niib.”

Galasia teeb 6:10

Li paak, ti-i la yaak, ŋaant ki tin tun linba ŋan ki tur sɔɔ kura; ŋaan mantik kii tuun kii teen binba teen Masia yada ki tee u weira na.

Galasia teeb 6:9

Li paak, ti daa bakit nan toonŋana tumu mani, kimaan ti-i kii nyik toonŋana, yoo nba jaŋ na ki ti tan sa gaar li nyɔɔt.

Efesus teeb 3:12

Ta teen Masia yada ki be u ni na, li paak, ki ti mɔk yuugontir ki sa baar Yennu boor nan parcheenn.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

1 Tesalonika teeb 5:16

Yii mɔk parpeenn yoo kur man,

2 Tesalonika teeb 2:16

Ti Baa Yennu nan ti Yomdaanɔ Yisa Masia binba loonit ki turit pardɔɔnn nba kaa gbennu nan dindann nba yab u ninbatinu paak na,

1 Timoti 3:15

ŋaan li-i yukir ki n ki baar, gbouŋ na sa te ki a bann ta sii be biaŋinba Yennu ŋaaniib sinsuuk ni, binba ki ŋɔɔ Manfodaanɔ Yennu gannib na. Ŋamme dia barŋanii nba tee barmɔnii na, ki bia set li paak.

Hiibru teeb 1:2

ŋaan mɔtana u te ki u Bija nba ki u gannɔ a wun yent bonsiar kur na poŋ pak nan timm; ki u din te ki u Bija maŋ nan dunia kur.

Hiibru teeb 10:19

N naa waas, Yisa kuun maŋ paak ti mɔk parcheenn nan ki tin kɔɔ boor nba tee Yennu yar nan barmɔnii na ni.

Hiibru teeb 10:21

Ti mantɔjaann nba yen Yennu ŋaak maŋ na paak,

Hiibru teeb 10:23

Yi ŋaan ki tii mɔk dindann nba ki ti fiit wann na fanu man, ki daa birisi, kimaan wunba din senn mɔsonn ki turit na tee barmɔnii daanɔe.

Hiibru teeb 10:35

Li paak, i daa nyikit yabiru mani, kimaan i yabiru na baat nan nyɔchiauŋo.

Hiibru teeb 11:1

Yada tee, ta ki mɔk birsuk nan bont nba ki ti mɔk dindann li paak na set be ŋaan daa ki lar nan ti ninbinn nee.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

Hiibru teeb 4:11

Li paak, ŋaant man ki tin yabir ti mɔŋ ki la foon maŋ, ŋaan ki ti sɔɔ tan daa kɔŋŋit kaman nan ba din yêt Yennu mɔb ki tan kɔŋŋir biaŋinba na.

Hiibru teeb 4:14

Li paak, ŋaant man ki tii dia ti yada nba ki ti fiit wann na kenken, kimaan ti mɔk mantɔyudaanjaann, ŋɔɔe tee Yennu Bija Yisa wunba poŋ gar saan Yennu tiauŋ boor ni na.

Hiibru teeb 4:16

Li paak, ŋaant man ki tii mɔk parcheenn ki baar Yennu nba tee burchindaanɔ na naangbouŋ boor ni, a tin la ninbatinu nan sommir ki lin sommit yoo nba ki ti loonn na.

Hiibru teeb 6:11

Ti loon ki i sɔɔ kur-n yabir u mɔŋ paake mɔkmɔk nan li joontu, ki ya mɔk dindann biaŋinba na, li set sa teen mɔnii ki turi.

Hiibru teeb 6:18

Li paak, bona ŋannlee nba kaa lebitu na be ki wann nan Yennu set sa gbeen u mɔsonn maŋ. Li paak, timm nba chiar saan u boor ni ki tinn na mɔk parcheenn ki gaar dindann nba be ti tɔɔnn po na chib.

Hiibru teeb 7:19

kimaan Moses sennu maŋ din kan fit te ki siar be fanu. Ŋaan mɔtana ti ji mɔk linba turit dindann nba chee na, ki li nie ki ti chat nakin Yennu boor ni.

1 Piita 1:8

I ki mi lau ŋaan loonɔ; i bia ki laatɔ mɔtana, ŋaan teenɔ yada ki mɔk parpeenn bonchiann nba ki nirɔ kan fit yet li manu nba tee biaŋinba.

1 Piita 2:5

Ŋaant man ki Yennu-n jii-i ki yi teen kaman nan manfoor tana na ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna a yii tuun u toonn nan u Seyeeŋ paŋ, ki u sa gaar li toonn Yisa Masia paake;

1 Piita 4:17

Yoo baara ki Yennu sa piin ki bu niib buut; ki u sa bu u tiauŋ niib buute sinsinn; ki li-i tee ki u bu timm nba tee u niib na buut sinsinn, ki binba ki sak u barŋanii na sa joont nlee?

Fiitu 2:18

Ki wunba ki n lau na bia betin a n sɔb labaar na ki tur u weira nba lakin ki be Tiataira doo ni na malaka a “Labaar na nyii Yennu Bija nba ki u ninbina naan nan mupeenu na, ki u taa bia nyirii kaman nan nabint nba tuu nyirii biaŋinba na boor nie;

Fiitu 2:25

Yii dia man linba ki i mɔk na fanu mɔkmɔk nan yoo nba ki n tan sa baar na.

Fiitu 2:26

Wunba nyann nyannu na, ki tuun n loomm ki kan nyik, n sa turɔ paŋ nba ki n gaar n Baa boor ni na booru, ki bia turɔ tingbouŋ na nibooru kur yikoo ki u sii diab nan paŋ ki sa fit biirib kaman nan fa tuu dia kut patu ki faa boba ki yee biaŋinba na.

Fiitu 3:11

N baate mɔtana. Yii dia man linba ki i mɔk na fanu ki sɔɔ tan kan fat i nyɔɔt maŋi.