Hiibru teeb 3:12 - Yennu Gbounpaauŋ Mɔɔr

¹² Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

Yennu Gbouŋ Mɔɔr

¹² Tɔn, n yɔɔsnba, ii bann i yan ni ki sɔɔ daa tee biitdaanɔ ki kɔŋit yada ki tan mann ŋmat poor ki nyik manfodaanɔ Yennu na.

Hiibru teeb 3:12 ပူးပေါင်းရင်းမြစ်များ

Matiu 16:16

Ŋanne ki Simon Piita jiin yetɔ a “Fine tee manfodaanɔ Yennu Bija Masia, wunba ki u gannɔ na.”

Matiu 24:4

Ki u jiin ki betib a “I mi man ki sɔɔ-n tan kpanni,

Barŋanii nba ki MAK din sɔb nae na 13:23

N poŋ beti bonsiar kure sinsinna, ki yoo maŋ daa ki baari. I chek man fanu.

Barŋanii nba ki MAK din sɔb nae na 13:33

I gorii man, kii mi man, kimaan i ki mi yoo nba ki n sa jeni.

Barŋanii nba ki MAK din sɔb nae na 13:9

“I chek i mɔŋ paak man. Bi tan sa soori ki saan nani buutdamm boor ni, ki booi Yenjiantu diit ni. I tan sa set tinii yudamm nan kpanbara tɔɔnn ni, n sann paak, ki yin betib n barŋanii na.

Barŋanii nba ki LUK din sɔb nae na 21:8

Ki u yetib a “I mi man ki bi tan sa kpanni. Niib bonchiann tan sa baar nan n sann ni ki yeen a ‘Mii tee Masia,’ amii ‘Masia yent yoo pera.’ Li nibooru, i daa waabi.

Rom Teeb 11:21

Juu teeb nba tee kaman nan ŋaak ni tiik na, Yennu din dat bi tuba; li paak, i daa dukii nan u kan fit ki dat i tuba biaki.

1 Korint teeb 10:12

Li paak, wunba mi nan u be fanu, wun soor u mɔŋ ki daa baa.

Kolosa teeb 2:8

Li paak, i daa te ki sɔɔ dia nisaarik yan kpinkpann-yana ki kpanni; linba ki gaa nan Masia po, ŋaan tee tingbouŋ na yan nan nisaarik wannu,

1 Tesalonika teeb 1:9

Niib na kur piak jiint ya din gaarit biaŋinba ta din foonti yoonba na, bi piak biaŋinba ki i tunn nyik pata ŋaan baar Yennu boore, a yii jiantir ŋɔɔ Yennu nba tee manfodaanɔ na,

Hiibru teeb 10:31

Li tee bonbilankante ki sɔɔ-n tan kɔɔ manfodaanɔ Yennu wutoor ni.

Hiibru teeb 10:38

Ŋaan n niŋamm na ŋanin tan sa teenin yada kii waan; ŋaan bi yenɔ-i ŋmat poor, n tan kii mɔk parpeenn nanɔ.”

Hiibru teeb 12:15

Guut i mɔŋ man ki tan daa kɔŋŋit Yennu ninbatinu na. I sɔɔ daa mɔk tonu u par ni, ki u tonu na-n baar nan parbiir leeb paak, ki biir niburchiauŋi.

Hiibru teeb 12:22

Ŋaan yimm ŋanin baar jɔɔr nba yaa sann yi Sion, linba tee manfodaanɔ Yennu doo nba tee Yendɔuŋ ni Jerusalem, siaminba ki malakanba tusa tusa lakin nan parpeenn.

Hiibru teeb 12:25

Li paak, i mi man ki i yêt wunba kpaani na mɔb, kimaan Israel teeb nba din yêt wunba din kpaamm tingbouŋ na ni mɔb na, u din tan ki nyik bi tubdatu; ki ti-i yêt u kpaanii nba nyii Yendɔuŋ ni na, ti tan sa teen nlee ki nyi tubdatu ni?

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Hiibru teeb 3:10

Ŋanne din te ki n donn wutoor niib maŋ paak ki din yet a Bi para ni, bi bota ki ki mi n sɔnii.

Hiibru teeb 3:19

Li paak, bi din ki fit kɔɔ tiŋ maŋ ni, kimaan bi yadakaarin paak.

Hiibru teeb 9:14

Linba na-i ŋamm gbanant, ki Masia sɔn mantik sa nyinn biit ti para ni a tii waa manfodaanɔ Yennu, kimaan Seyeeŋ nba be yoo nba kaa gbennu paŋ ni ki ŋɔɔ Masia din jii u mɔŋ ki mann marouŋ nba be fanu fanu ki tur Yennu.