Hiibru teeb 3:1 - Yennu Gbounpaauŋ Mɔɔr

¹ N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Yennu Gbouŋ Mɔɔr

¹ N naa waas nba tee Yennu niib ki u ganni na, ii dukii Yiisa po, wunba ki Yennu din tumɔ a wun teen manntɔyudaanɔ ti Yenjiantu sɔnu ni na.

Hiibru teeb 3:1 ပူးပေါင်းရင်းမြစ်များ

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 20:21

Ki Yisa bia ŋamm yetib a “Parmaasir-ii be i paak. N Baa nba tumin biaŋinba na, n mun yaa n tumi li biaŋe.”

Jɔɔnn 20:27

ŋaan bet Tomas a “Jiin a niibir ki tun n niipant ni, ŋaan bia tant a nuu ki tun n lokir ni, ki ji daa birisi, ŋaan teenin yada.”

Toona 1:15

Ŋanne ki daa ŋannlee nna tan gar, ki Yisaweira kaman nan kobik nan piinnlee na taan tikir kar, ki Piita tan fiir ki set

Rom Teeb 11:17

Juu teeb na tee kaman nan ŋaak ni tiik nba ŋan nee, ki Yennu kɔnn tiik na yiinsia, ki jii muuk ni tiik yiinii na ki tukin nan ŋaak ni yar na, ki li taan yomm. Yimm nba ki tee Juu teeb na tee kaman nan muuk ni tiik yiinu nee, ki gaan Yennu barŋanii nba nyii Juu teeb boor ni na, ki tee kaman nan muuk ni tiik yiinu nba gaan bonŋann nba nyii ŋaak ni tiik ni na.

Rom Teeb 15:27

Li tee mɔniie nan bi mɔŋ loomme ki bi turib piinii na. Li ŋan bin turib, kimaan Yennu barŋanii nba nyii Jerusalem niib boor ki baarib na paak. Ŋanne te ki li ŋan nan bin turib piinii maŋ.

Rom Teeb 15:8

Ma yeen linba na paak tee a Masia din kpint u mɔŋ ki tee Juu teeb na toontunnɔe, ki wann nan Yennu set tee mɔmɔmm daanɔe, ki gbeen Yennu mɔsona nba ki u din senn ki tur bi yejamm nba din tee nijaana na,

Rom Teeb 9:24

Li tee timm nba ki u gann nee; ki li ki tee Juu teeb kuukɔɔ kaa, ŋaan li tee binba ki tee Juu teeb na mun biake.

1 Korint teeb 1:2

Yisa Masia paake ki i tee Yennu niib, ki u yiini kii teen u niib nan binba kur yi ti Yomdaanɔ Yisa Masia sann siaminba kur; ŋɔɔe tee bi Yomdaanɔ ki mun bia tee ti Yomdaanɔ.

1 Korint teeb 10:17

La tee boroboro kunn na, timm ŋanin yaba ŋaan taan tee gbananyenn, kimaan ti kur lakin ŋman boroboro kunn nee.

1 Korint teeb 9:23

Barŋanii na paake ki n tee linba na kur a n tan la li nyɔɔt.

2 Korint teeb 1:7

Li paak ti mɔk dindann ki jii jiin i po a i sa saan tɔɔnn, kimaan ti mi nan ya di fara kaman nan ta di biaŋinba na, nnee ki i mun bia sii laat parmaann kaman nan ta laat biaŋinba na.

2 Korint teeb 9:13

Li-i tee ki i sommitib, ŋanne sa wannib nan i set gaar Masia barŋanii ki sakira, ki i nuu tian ki i chentir namm nan niib kur ya mɔk linba. Ŋanne sa te ki bin dont Yennu sann,

Efesus teeb 3:6

U woonin ni lor maŋ tee nee: barŋanii maŋ paak ki binba ki tee Juu teeb na ji fit taan la yiar Yendɔuŋ ni nan Juu teeb; ŋaan bia taan namm ki tee gbananyennkɔɔ ki fit mɔk namm wa din senn mɔsonn nba Yisa Masia ni na.

Efesus teeb 4:1

Min nba kɔɔ dansarik ti Yomdaanɔ toona paak na, n kpaaniie a yii ŋaan ki i binbeŋ-ii tee fanu kaman nan Yennu nba loon ki lii tee biaŋinba na.

Efesus teeb 4:4

Masia niib tee gbananyenn, ki Yennu Seyeeŋ yenɔkɔɔe be, ki Yennu tinni ki turi dindann yennkɔɔ. Yomdaan-yenɔkɔɔe be, ki ti taan teenɔ yada, ki Yennu nyunwuru mun tee yennkɔɔ.

Filipi teeb 3:14

Li paake te ki n tɔkin poot sɔnu maŋ ki tiin sunsonn saa nyannu bɔɔnu maŋ peŋ ma n sa gaar paauk nba tee sanpaapo manfoor ki Yennu din yiinin li paak Yisa Masia ni na.

Kolosa teeb 1:12

Yii teen ti Baa Yennu niipoouk man. Ŋɔɔe te ki ti jaŋ nan tin fit la yiar u boor, yentu ni, u niib sinsuuk ni,

Kolosa teeb 1:22

ŋaan mɔtana, u Bija gbanant kuun maŋ paak, u ji teeni u yɔɔsinbae a wun jii-i ki yii tee popeendamm, ki daa mɔk jakint nan biit, ki baar u boor ni,

Kolosa teeb 3:12

Li paak, ya tee Yennu nigannkab ki tee popeendamm ki bia tee u walonkai na, yii mɔk ninkpabauŋ, nan burchint, nan sikininmɔŋ, nan soonna binbeŋ, nan sukuru,

1 Tesalonika teeb 2:12

ki maant i para, ki lek tun kpaani a yii be binbensiak nba sa gboo Yennu numm. Ŋɔɔe yiini a wun kɔɔni u tiauŋ naan ni nan yentchiauŋ.

1 Tesalonika teeb 5:27

Ti Yomdaanɔ sann ni ki n kpaani, yi karin gbouŋ na tur Masiaweira kur.

2 Tesalonika teeb 1:11

Li paake ki ti mei Yennu yoo kur ki teeni. Ti meiɔ a wun te ki yin jaŋ nan manfoor nba ki u din ganni a i taŋŋi be leŋ na nie. Ti meiɔ a wun jii u paŋ ki te ki yii tuun toonŋana kur nba ki i loon a i tuun na, ki gbenn toona kur nba ki i tuun i yada paak na.

2 Tesalonika teeb 2:14

Ta din mɔɔnt barŋanii nba ki turi na, ki Yennu yiini ki tinni a yii be fanu kaman nan ti Yomdaanɔ Yisa Masia nba be biaŋinba na.

1 Timoti 6:12

Yabit a mɔŋ kii waa yada sɔnu nan nunmɔnn, kii mɔk manfoor nba kaa gbennu; ki Yennu din yiina ki a gaar manfoor maŋ yoo nba ki a din nyinn a mɔŋ siarŋann niib bonchiann numm ni na.

1 Timoti 6:2

Binba ki bi yomdamm tee Masiaweira na daa fiakit bi yomdamm maŋ, ba yib bi naa waas na paak, ŋaan li kpaa talas ki ŋamme-n mantik tun fanu, kimaan bi yomdamm nba gaan bi toona nyɔɔt na teen Masia yada, ki Yennu loonib. I wantib kii kpaamm toona na po.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

2 Timoti 2:7

I dukii linba ki n beera na po, kimaan ti Yomdaanɔ sa te ki fan fit bann li kura paak.

Hiibru teeb 10:19

N naa waas, Yisa kuun maŋ paak ti mɔk parcheenn nan ki tin kɔɔ boor nba tee Yennu yar nan barmɔnii na ni.

Hiibru teeb 10:21

Ti mantɔjaann nba yen Yennu ŋaak maŋ na paak,

Hiibru teeb 10:23

Yi ŋaan ki tii mɔk dindann nba ki ti fiit wann na fanu man, ki daa birisi, kimaan wunba din senn mɔsonn ki turit na tee barmɔnii daanɔe.

Hiibru teeb 13:22

N naa waas, n barimiie, yi di sukuru ki gbiint kpaanii na; kimaan ma sɔb gbouŋ nba turi na ki fɔki.

Hiibru teeb 2:11

Ŋɔɔ wunba te ki nisaarii teen Yennu niib, ki ŋɔɔ nan ŋamm kur ji taan ki mɔk Baa yenɔkɔɔ. Li paake ki Yisa ki tiin fei nan wun yiimm u naa waasi.

Hiibru teeb 2:17

Linba na want nan li din kpaa talase a wuu tee kaman nan u naa waas na u binbeŋ kur ni, ki teen bi mantɔyudaanɔ nba tee ninbatinu daanɔ ki bia tee barmɔnii daanɔ, ki jii u mɔŋ ki teen marouŋ ki tur nisaarii Yennu boor ni, a wun nyik chab bi biit.

Hiibru teeb 3:12

Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

Hiibru teeb 6:20

Leŋe ki Yisa poŋ din gaar ti paak ki gar ki tee ti sɔnliitɔɔ, ki teen ti mantɔyudaanɔ nan yoo nba kaa gbennu, ki bia tee Melkisedek paabu ni mantɔɔ.

Hiibru teeb 7:26

Li paak, Yisae tee ti mantɔɔ nba jaŋ nan ti sommir. Ŋɔɔe tee popeendaanɔ, ki ki mɔk bisiati; u be u kɔɔe nan biitdamm, ki Yennu donnɔ ki gar Yendɔuŋ ni teeb kura.

Hiibru teeb 7:28

Moses sennu na din tuu gann nisaarii ki teemm manteeb yudamm; ŋaan ki bi din tuu ki be fanu ki gbenni. Ŋaan sennu maŋ poorpoe ki Yennu din senn mɔsonn nan u Bija Yisa wunba sii yɔɔ be fanu ki jikit saa yoo nba kaa gbennu na, ki teenɔ mantɔɔ.

Hiibru teeb 9:11

Ŋaan Masia wunba tee sɔnŋanu nba na mantɔyudaanɔ na baar na. Wa kɔɔ jiantu lanbouŋ nba ni ki tuun na tee lanbonjaann nba be fanu nan barmɔniie; li ki tee nisaarik nba faa linba kaa, li bia ki tee tingbouŋ na ni yar kaa.

Hiibru teeb 9:15

Li paak, Masiae tee wunba ŋammii mɔsonpaann na, a Yennu nba din yiin binba na-n la yiar sanpaapo yoo nba kaa gbennu, kaman nan ŋɔɔ Yennu nba lor mɔlor na. Bi sa la yiar maŋ, kimaan Masia poŋ din kpowa; li paak, binba din tuun toonbiit yoo nba ki sinsinn mɔlor daa din senn na, u kuun maŋ nyinnib toonbiit maŋ tubdatu niwa.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

1 Piita 3:5

Yaayoo ni pooŋamm nba din teen Yennu yada na, nnee ki bi din faŋŋit bi mɔŋ, ki din saak bi sɔrib mɔi.

1 Piita 5:1

Yudamm nba be i sinsuuk ni, n kpaaniie, min wunba mun tee yudaanɔ, ki n ninbinn din la Masia nba din dii fara biaŋinba, ki n bia sa lakin di mant bonchiann nba tan sa nyi paanu ni na,

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.

1 Jɔɔnn 1:3

Linba ki ti la ki bia gbate, ki ti mɔɔntir ki teeni na, a yin fit lian taan nant mɔtaauk ni. Barmɔniie setik, ti mɔtaauk ni, ti taant nan ti Baa Yennu nan u Bija Yisa Masia,

Juud 1:1

Min Juud wunba tee Yisa Masia toontunnɔ, ki bia tee Jems naa bik nee sɔbin gbouŋ na ki teen niib nba ki ti Baa Yennu gannib ki loomm, ki Yisa Masia guub na.

Fiitu 17:14

ki bi tan sa kɔn nan Pebik na, ki Pebik na sa nyannib, kimaan u tee yomdamm kur Yomdaanɔ, nan kpanbara kur Kpanbar, ki u poorpoweiteeb mun tee binba ki u yiinib ki gannib, ki bi bia tee yadadamm.

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yisa toomiinba, i mɔk man parpeenn, kimaan Yennu bu dogbeŋŋir maŋ buut ki biirɔ ki turi.