Hiibru teeb 2:17 - Yennu Gbounpaauŋ Mɔɔr

¹⁷ Linba na want nan li din kpaa talase a wuu tee kaman nan u naa waas na u binbeŋ kur ni, ki teen bi mantɔyudaanɔ nba tee ninbatinu daanɔ ki bia tee barmɔnii daanɔ, ki jii u mɔŋ ki teen marouŋ ki tur nisaarii Yennu boor ni, a wun nyik chab bi biit.

Yennu Gbouŋ Mɔɔr

¹⁷ Linba na want nan li din kpaa talase wuu tee nan u naa waas na u binbeŋ kur ni, ki teen bi manntɔyudaanɔ nba tee ninbatinu daanɔ, ki bia tee barmɔnii daanɔ, ki jii u mɔŋ ki teen maruŋ ki tur nisaarii Yennu boor, ki wun nyik chab bi biit.

Hiibru teeb 2:17 ပူးပေါင်းရင်းမြစ်များ

Rom Teeb 15:17

Yisa Masia paake ki n mɔk yuugontir Yennu toonn ni;

Rom Teeb 5:10

Ti din tuu tee Yennu dataie, ŋaan mɔtana jik u teent u yɔɔsinbae kimaan u Bija nba din kpo na sɔn paak, ki ta tee u yɔɔs na, birsuk ji kaa nan u sa tinnit u manfoor paaki.

Efesus teeb 2:16

U dapunpunn paak kuun maŋ te ki u biir dataar maŋ bi sinsuuk ni, ki jiib ki taamm booru yenɔkɔɔ ki jen namm Yennu boor ni.

Kolosa teeb 1:21

Sianyoo, i dudukbiit nan i toonbiit din te ki i tee Yennu dataie, ki fɔk nanɔ,

Hiibru teeb 10:21

Ti mantɔjaann nba yen Yennu ŋaak maŋ na paak,

Hiibru teeb 2:11

Ŋɔɔ wunba te ki nisaarii teen Yennu niib, ki ŋɔɔ nan ŋamm kur ji taan ki mɔk Baa yenɔkɔɔ. Li paake ki Yisa ki tiin fei nan wun yiimm u naa waasi.

Hiibru teeb 2:14

Tɔn, Yennu waas nba tee nisaarii na paak, Yisa mun din tee nisaarike kaman nan ŋamm na, a u kuun ni wun tan biir Sintaanii nba mɔk kuun paŋ na,

Hiibru teeb 2:16

Barmɔniie, li ki tee malakanba ki u sommit, ŋaan Abraham yaaboonae ki u sommit.

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Hiibru teeb 3:2

Moses nba din tee barmɔnii toontunnɔ Yennu ŋaateeb sinsuuk ni biaŋinba na, nnee ki Yisa mun din tee barmɔnii toontunnɔ Yennu nba din gannɔ na boor ni.

Hiibru teeb 3:5

Moses din tee barmɔnii toontunnɔ Yennu ŋaateeb sinsuuk ni ki din wann linba po ki Yennu din yaa wun tan pak sianyoo na.

Hiibru teeb 4:14

Li paak, ŋaant man ki tii dia ti yada nba ki ti fiit wann na kenken, kimaan ti mɔk mantɔyudaanjaann, ŋɔɔe tee Yennu Bija Yisa wunba poŋ gar saan Yennu tiauŋ boor ni na.

Hiibru teeb 4:15

Ti mantɔyudaanɔ maŋ ki tee wunba kan fit tint ninbaauk ti butuŋ paak kaa, ŋaan u mɔŋ din la bikinu sɔnii booru kur ni kaman nan ta mun laat biaŋinba na, ŋaan u lek din ki tun biiti.

Hiibru teeb 5:1

Tɔn, mantɔyudaanɔ kur nba ki bi gannɔ niib sinsuuk ni na, bi sennɔ a wun gaar u leeb paake ki mann mannu ki tur Yennu bi biit paak.

Hiibru teeb 5:10

Ŋanne ki Yennu yiinɔ manteeb yudaanɔ, Melkisedek paabu ni.

Hiibru teeb 5:2

Ŋaan u mɔŋ nba tee butundaanɔ na sɔnii bonchiann ni na paak, u sii fit be nan binba pɔɔr yan ki kpet sɔnu na soonna,

Hiibru teeb 5:5

Nnee mun, Masia din ki donn u mɔŋ ki gann u mɔŋ a wuu tee mantɔyudaanɔ, ŋaan Yennue din yetɔ a “A tee n Bijae; la nyii dinna ki n wann nan n tee a Baae.”

Hiibru teeb 6:20

Leŋe ki Yisa poŋ din gaar ti paak ki gar ki tee ti sɔnliitɔɔ, ki teen ti mantɔyudaanɔ nan yoo nba kaa gbennu, ki bia tee Melkisedek paabu ni mantɔɔ.

Hiibru teeb 7:26

Li paak, Yisae tee ti mantɔɔ nba jaŋ nan ti sommir. Ŋɔɔe tee popeendaanɔ, ki ki mɔk bisiati; u be u kɔɔe nan biitdamm, ki Yennu donnɔ ki gar Yendɔuŋ ni teeb kura.

Hiibru teeb 7:28

Moses sennu na din tuu gann nisaarii ki teemm manteeb yudamm; ŋaan ki bi din tuu ki be fanu ki gbenni. Ŋaan sennu maŋ poorpoe ki Yennu din senn mɔsonn nan u Bija Yisa wunba sii yɔɔ be fanu ki jikit saa yoo nba kaa gbennu na, ki teenɔ mantɔɔ.

Hiibru teeb 8:1

Barii na barnɔɔk want nan ti mɔk mantɔyudaanɔ nba tee nna mun, ki kar Yennu nba mɔk paŋ kur na naangbouŋ nuudiitu po Yendɔuŋ ni,

Hiibru teeb 8:3

Mantɔɔ kur nba ki bi gannɔ na, li tuu kpaa talase a wun jii piinii ki bia mann marouŋ ki tur Yennu, nnee ki li mun kpaa talas ki ti mantɔyudaanɔ-n tur siar.

Hiibru teeb 9:11

Ŋaan Masia wunba tee sɔnŋanu nba na mantɔyudaanɔ na baar na. Wa kɔɔ jiantu lanbouŋ nba ni ki tuun na tee lanbonjaann nba be fanu nan barmɔniie; li ki tee nisaarik nba faa linba kaa, li bia ki tee tingbouŋ na ni yar kaa.