Hiibru teeb 2:10 - Yennu Gbounpaauŋ Mɔɔr

¹⁰ Kimaan Yennu nba din nan bonsiar kur ki bia dia li kur na, wa jii u waas bonchiann ki kɔɔmm u naan ni na, li din tokin u boor ni a wun te ki bi tinnu daanɔ Yisa-n teen bi Tinntɔɔ nan barmɔnii u fara dinu ni.

Yennu Gbouŋ Mɔɔr

¹⁰ Yennu nba nan bonsiar kur ki bia dia li kur na, ŋɔɔe jii u waas bonchiann ki kɔɔmm u naan na ni, ki li took u boor a wun te ki bi tinnu daanɔ Yiisa-ii setiki tee bi Tinntɔɔ nan barmɔnii, u biak dinu paak.

Hiibru teeb 2:10 ပူးပေါင်းရင်းမြစ်များ

Barŋanii nba ki LUK din sɔb nae na 13:32

Ki Yisa betib a “Ŋɔɔ woŋ nanaat na, i saa man, ki saa yetɔ a ‘Gotir, dinna nan wonne ki n sii beer narinbiit niib ni ŋaan biakii te ki bi paak, ki daa ŋanntaa daar ki n sa gbenn n toonn.’

Barŋanii nba ki LUK din sɔb nae na 2:14

“Dont Yennu sann sanpaapo man; parmaasir-ii be u nigannkab paak, tingbouŋ ni.”

Barŋanii nba ki LUK din sɔb nae na 24:26

Li teen talas nan Yennu Niganntɔɔ Masia-n di fara maŋ, ki tan la u baakir.”

Barŋanii nba ki LUK din sɔb nae na 24:46

ki yetib a “Li sɔb a Yennu Niganntɔɔ Masia sa di fara ki kpo ki tan fiir kuun ni daa ŋanntaa daar;

Jɔɔnn 11:52

Ŋaan li ki tee Juu teeb kuukɔɔ kaa ki u tan sa gaar bi paak ki kpo, ŋaan nan binba kur tee Yennu niib ki yat be tingbouŋ na ni nae ki u sa gaar bi paak ki kpo, ki bin taan nan leeb mɔyomm.

Jɔɔnn 19:30

ki u fɔɔnt ki nak, ŋaan yet a “Li gbenna,” ŋaan tibin ki chab u seek ki tur Yennu, ki kpo.

Toona 3:15

Li paak, yimme te ki bi kpii Manfoturtɔɔ maŋ; ŋaan ki Yennu fiinɔ kuun ni, ki timme tee linba na siara damm.

Toona 5:31

ki jiiu donnɔ ki kaanɔ u niidiitu po, ki teenɔ Yudaanɔ nan Tinntɔɔ, a Israel teeb-ii nyik bi biit, ki wun nyik bi toonbiit ki chabib.

Rom Teeb 11:36

Yennue din nan bonsiar kur, ki dia li kura, ki u paake ki li kur be. Ŋaant ki wun la paku yoo nba kaa gbennu. Mɔmɔmm.

Rom Teeb 9:23

ki bia poŋ dɔŋ gann niib nba ki u tinib ninbaauk na a wun donnib ki wann wa mɔk burchint bonchiann biaŋinba.

1 Korint teeb 2:7

Yan nba ki ti piak na tee Yennu woonin ni yan nba woon ki nirɔ ki mi, linba ki Yennu poŋ dɔŋ gann a wun donnit, ki sɔɔ ki dunia daa din ki nan na.

1 Korint teeb 8:6

ŋaan timm yaa boor ni ŋanin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo; ki Yomdaan-yenɔkɔɔe be, wunba tee Yisa Masia. U paake ki bonsiar kur nan; u paake biak ki ti fo.

2 Korint teeb 3:18

Li paak, chinchenn maŋ ji ki dɔɔk ti kura nunii po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naan nanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boor nie.

2 Korint teeb 4:17

Li paak, farmintik nba ki ti di ki li kan yukiri, li tan sa baar nan parpeenn nba yab ki kaa gbennu ki turit, ki parpeenn maŋ tan sii yab ki gar ti fardinu na bonchiann,

2 Korint teeb 5:18

Linba na kur nyi Yennu boore. Ŋɔɔe ŋammitit Masia paak, a ti ji daa tee u datai kaa, a ŋaan ti ji sii tee u yɔɔsinbae, ki bia turit u yiini maŋ toona a ti te ki niib-n mun kpant u yɔɔsinba.

2 Korint teeb 6:18

N sii tee i Baae, ki yii tee n bonjabis nan n sapaanbis. Min, i Yomdaanɔ Yennu nba mɔk paŋ kur na beeri nna.”

Galasia teeb 3:26

Ya teen Yisa Masia yada ki be u ni na, ŋann paake ki i tee Yennu waas.

Efesus teeb 2:7

U din tun linba na a wun wann sɔɔ kura u ninbatinu nba yab biaŋinbae, ki tun burchint turit Yisa Masia paak.

Efesus teeb 3:10

a Masia niib paak malakanba yent damm nan Yendɔuŋ ni yikoo damm-n tan tumii mɔtana u subinbooru booru.

Kolosa teeb 3:4

Masia nba teent manfoor na nba tan sa dɔkit yoonba, i mun tan sa dɔkit nanɔe nan yentchiauŋ.

2 Timoti 2:10

Ŋaan Yennu nigannkab na paak ki n lek di sukuru fara kura ni, a bin mun la tinnu Yisa Masia paak, kii mɔk parpeenn nba kaa gbennu na.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 6:20

Leŋe ki Yisa poŋ din gaar ti paak ki gar ki tee ti sɔnliitɔɔ, ki teen ti mantɔyudaanɔ nan yoo nba kaa gbennu, ki bia tee Melkisedek paabu ni mantɔɔ.

Hiibru teeb 7:26

Li paak, Yisae tee ti mantɔɔ nba jaŋ nan ti sommir. Ŋɔɔe tee popeendaanɔ, ki ki mɔk bisiati; u be u kɔɔe nan biitdamm, ki Yennu donnɔ ki gar Yendɔuŋ ni teeb kura.

Hiibru teeb 7:28

Moses sennu na din tuu gann nisaarii ki teemm manteeb yudamm; ŋaan ki bi din tuu ki be fanu ki gbenni. Ŋaan sennu maŋ poorpoe ki Yennu din senn mɔsonn nan u Bija Yisa wunba sii yɔɔ be fanu ki jikit saa yoo nba kaa gbennu na, ki teenɔ mantɔɔ.

1 Piita 1:12

Ki Yennu fiit wannib a bi ki sɔkint bi mɔŋ yoo labaar kaa, ŋaan yimm poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nee mun te ki binba mɔɔntir barŋanii na beeri barii maŋ. Linba nee ki malakanba mun loon bin bann li paak.

1 Piita 5:1

Yudamm nba be i sinsuuk ni, n kpaaniie, min wunba mun tee yudaanɔ, ki n ninbinn din la Masia nba din dii fara biaŋinba, ki n bia sa lakin di mant bonchiann nba tan sa nyi paanu ni na,

1 Piita 5:10

Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.

Fiitu 4:11

“Ti Yomdaanɔ Yennu, li jaŋ nan tin jianta, ki tura nibaakir nan pakuwa, kimaan fine din nan bont kura. A loomm paake ki a naauŋ maŋ kur be, ki mɔk manfoor.”

Fiitu 7:9

Li poorpoe ki n got ki la niburchiauŋ ki bi kaa kanni, ki nyii tingbouŋ na yent kur ni, nan nibooru booru kur ni, nan maaru kur ni, nan mabooru kur ni, ki lia liatfopeenii ki see naangbouŋ na nan Pebik na tɔɔnn po, ki dia dia biabfaat bi nii ni, ki yikin nan kunkɔsaakara ki yeen a,