Hiibru teeb 13:9 - Yennu Gbounpaauŋ Mɔɔr

⁹ I daa ŋaant ki wannsaanbooru booru-n te ki i boti, ki i tan sa mann tut sɔnŋanu maŋ. Li ŋan ki Yennu sommir-n tur nirɔ paŋ u par ni; jeet sennii weiu kan turɔ paŋi. Nisiab nba dia jeet sennii poŋ ki laat sommsiar li ni.

Yennu Gbouŋ Mɔɔr

⁹ I daa ŋaant ki wannsaanbooru booru n boonini, ki i tan saa mann tut sɔnŋanu maŋ. Li ŋan ki Yennu sommir n tur nirɔ paŋ u par ni; jeet sennii nba jiin jeet dinu po weiu kan turɔ paŋi. Nisiab nba dia jeet sennii na poŋ ki laat sommsiar li ni.

Hiibru teeb 13:9 ပူးပေါင်းရင်းမြစ်များ

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Matiu 24:4

Ki u jiin ki betib a “I mi man ki sɔɔ-n tan kpanni,

Barŋanii nba ki LUK din sɔb nae na 5:38

See ki a jii dapaanin ki liak linlenpaann ni.

Toona 20:30

Ki yoo bia baat ki nisiab tan sa nyi i mɔŋ mɔŋ sinsuuk ni, ki fa fai Yennu barmɔnii wannu po, ki biir Yisaweira, ki tunnii bi yan ki te ki bii waa ŋamme.

Toona 20:32

“Mɔtana, n jikiti ki teei Yennu nuu ni, ki bia mi nan ya bann u maan nba want u ninbatinu po, li maan maŋ sa fit te ki i waau fanu, ki bia sa fit turi yiar sanpaapo, binba kur ki u teemm u niib na sinsuuk ni.

Rom Teeb 14:17

Kimaan Yennu naan labaar ki tee jeetdinu amii nyunu labaar kaa, ŋaan li tee popeenn nan parmaasir nan parpeenn yar nba ki Yennu Seyeeŋ turite.

Rom Teeb 14:2

Sɔɔ yadae te ki u di jeet kur, ki wunba yada ki paar na mun kɔɔ nant ŋmamu.

Rom Teeb 14:6

Wunba dukii a dayena ŋan ki gar dalia na, u tee nna ki teen ti Yomdaanɔ baakire; ki wunba mun di jeet kur na, u tee nnee ki teen ti Yomdaanɔ baakir mun, kimaan u teen Yennu niipoouk jeet na paak; ki wunba mun kɔɔ jesiat na mun tee nnee ki teen ti Yomdaanɔ baakir, ki mun bia teen Yennu niipoouk.

1 Korint teeb 6:13

I siab yeen a “Jeet tee poor yare, ki poor mun tee jeet yar.” Mɔniie; ŋaan Yennu sa gɔɔr li ŋannlee na kur. Yennu ki nan ti gbanant a ti jiir kii chommi, ŋaan a ti jiir ki lii tee ti Yomdaanɔ yar. Ti Yomdaanɔe yen ti gbanant na.

1 Korint teeb 8:8

Ŋaan nant kaa sa te ki ti ki fɔk nan Yennu; kimaan ti-i dii, li ki pukint siari; ti-i biakii kii dii, li bia ki jiintit poori.

2 Korint teeb 1:21

Yennue din gannit ki ti be ti kuukɔɔ, ki u senn timm nan yimm fanu Masia nie.

Galasia teeb 6:1

N naa waas, li-i tee ki i la ki sɔɔ tun toonbiit, yimm nba be nan Yennu Seyeeŋ na, li ŋan ki yin sommɔ nan loomm sɔnii kur ni, ki wun ŋamm set fanu, kii mi ki bikinu sa te ki i mun bot.

Efesus teeb 4:14

Ti ji kii tee waas kaa; nifobiit nan kpinkpannii damm ji kii diat laŋ lin kaman nan ba poŋ teen siab biaŋinba na.

Efesus teeb 5:6

Kimaan li toonbiit tumu paake te ki Yennu wutoor baat mɔyêtdamm paak. I daa te ki sɔɔ-n jii u jat wannu ki kpanniini.

Kolosa teeb 2:4

Li paak te ki n beeri, i daa te ki sɔɔ-n jii mɔmant ki kpanniini,

2 Tesalonika teeb 2:17

bin kɔɔnni para ki turi paŋ ki yin fit tun linba ŋan kii bia piak barii nba ŋan yoo kur.

2 Tesalonika teeb 2:2

n loon ki n beti ki i daa mɔk jijeet i para ni amii jekiruk nan nisiab nba yaa a daar maŋ poŋ baara na po. Li pasiar bi beeri a timm din yet nna sɔkinii mɔmaan wannu ni, amii barii ni, amii gbouŋ ni.

1 Timoti 6:20

Timoti, i guu barŋanii nba ki Yennu jii ki teen a nuu ni na. A nyik jat mɔniɔk nan labafaanu nba ki mɔk nyɔɔt ki bia ki tee Yennu yari, ki nisiab yir “bannu” na;

1 Jɔɔnn 4:1

N walonkai, i daa tee nisiab kur nba yaa a bi mɔk Yennu Seyeeŋ na maan yada, ŋaan bikintib man, ki got laan bi sei maŋ nyii Yennu boor ni amii lee, kimaan faak sɔkiniinba bonchiann nba kpann niib na poŋ baar na ki yat lin niib ni.

Juud 1:12

Bi tee baritee i mɔtaauk jaamm dinu ni, ki lakin di nan leeb, ki ki tiin Yennu, ki mɔk gɔrit ki dint bi mɔŋ kuukɔɔ. Bi tee kaman nan sanpagbant nba ki baat nan saak ŋaan ki wouŋ da nee; ki bia tee kaman nan tiinii nba ki loon li lomm yoo na, bi kpoe ki sa tɔr, kimaan bi jiina kur fikita ki bi koor.

Juud 1:3

N walonkai, n ninbinn daan mɔnn nan ki n sɔb gbouŋ ki turi ki saan gaan tinnu nba tee ti kur yar na po; ŋaan mɔtana li ji kpaa talas ki n sɔb ki kpaani ki yin yabir i mɔŋ ki dia yada labaar nba ki Yennu din tur u niib na fanu, ŋaan daa saak ki sɔɔ-n lebitir,