Hiibru teeb 13:8 - Yennu Gbounpaauŋ Mɔɔr

⁸ Yisa Masia nba won tee biaŋinba wonn na, u bia tee nnee dinna na, u bia sii tun tee nnee nan yoo nba kaa gbennu.

Yennu Gbouŋ Mɔɔr

⁸ Yiisa Masia nba won tee biaŋinba wonn na, u bia tee nnae dinna, u bia sii tun tee nnae mɔkmɔk nan mɔkmɔk.

Hiibru teeb 13:8 ပူးပေါင်းရင်းမြစ်များ

2 Korint teeb 1:19

Kimaan Yisa Masia nba tee Yennu Bija na, wunba ki min nan Sailas nan Timoti din mɔɔnt u po ki turi na, u ki tee “Nn” nan “Aaii” kaa, ŋaan u mɔlora kur ni tee “Mme.”

2 Korint teeb 1:20

Kimaan ŋɔɔe tee “Nn” Yennu mɔsona kur ni. Linba na paake te ki ti yet a “Mɔmɔmm” Yisa Masia ni, ki li dont Yennu sann.

Hiibru teeb 1:12

ki fan pɔbimm kaman nan baauŋ na, ki bin lebit kaman nan chinchenn na. Ŋaan fin ŋanin kpan sii yɔɔ tee yomme ki a manfoor na kaa joontu.”

Jeems 1:17

Bonŋann kur nyii sanpaapoe ti Baa Yennu boor, wunba din nan sanpaapo yentu kura. Ŋɔɔ ŋanin ki lebitir kaman nan sanpaapo yentu nba tuu lebitir biaŋinba na; u bia daa tee ŋɔɔ Yennue.

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan yoo nba kaa gbennu. Mɔmɔmm.

Fiitu 1:11

ki betin a n sɔb linba ki n laat na ki teen gbouŋ ni ki nakin ki tur Masiaweira nba be digbana ŋannlore: binba be Efesus nan Simirna nan Pegamum nan Tiataira nan Saadis nan Filadelfia nan Laodisea na.

Fiitu 1:4

Min Jɔɔnn sɔbin gbouŋ na ki teen Masiaweira nba bɔkit ki be digbana ŋannlore, ki be Asia yent ni na. Yennu nba be, ki din be, ki bia tan sii be yoo nba kaa gbennu, ki sei ŋannlore be u naangbouŋ tɔɔnn na, nan Yisa Masia wunba mɔɔntir Yennu maan nan barmɔnii, ki tee sinsinn wunba din kpo ki fiir kuun ni ki bia tee tingbouŋ na kpanbara kur Kpanbar na, bin turi sommir nan parmaasir. U loont, ki din gaar ti paak ki kpo, ki nyinnit ti biit daabsin ni;

Fiitu 1:8

Ti Yomdaanɔ Yennu wunba mɔk paŋ kur, ki be, ki din be, ki bia tan sii be yoo nba kaa gbennu, ŋɔɔe yeen a “Mine tee bont kura pinpiik nan li gbennu.”