Hiibru teeb 13:7 - Yennu Gbounpaauŋ Mɔɔr

⁷ I tian man i yudamm nba din tuu piak Yennu maan ki teeni na po; ki yii dukii bi binbeŋ nyɔɔt nba tee biaŋinba ki yii tokii bi yada.

Yennu Gbouŋ Mɔɔr

⁷ Ii tian man i yudamm nba din tuu piak Yennu maan ki teeni na po; kii dukii bi binbeŋ nyɔɔt nba tee biaŋinba, kii tokii bi yada.

Hiibru teeb 13:7 ပူးပေါင်းရင်းမြစ်များ

Matiu 24:45

“Daabilannɔe tee yandaanɔ ki tuun u yomdaanɔ nba wantɔ biaŋinba? Ŋɔɔe tee wunba ki u yomdaanɔ sa teenɔ daabiyudaanɔ a wuu gorii u daabileeb, kii teemm mann nan li sɔnu.

Barŋanii nba ki LUK din sɔb nae na 12:42

Ki ti Yomdaanɔ Yisa jiin ki yetɔ a “Daabilannɔe tee yandaanɔ ki tuun u chanbaa nba wantɔ biaŋinba? ŋɔɔe tee wunba ki u chanbaa sa teenɔ daabiyudaanɔ a wuu gorii daaba kur nba be u ŋaak ni, kii teemm mann yoo kur nba jaŋ.

Barŋanii nba ki LUK din sɔb nae na 5:1

Dasiar ki Yisa din saan saa see mɔkgbeŋŋir nba ki bi yi Genesaret na mɔb paak ki want niib Yennu maan; ki niburchiauŋ din tut gbin a bin gbiint u maan maŋ.

Barŋanii nba ki LUK din sɔb nae na 8:11

“Barjouk na paak tee nnee: Bonboorii nba nee tee Yennu maan.

Toona 13:46

Ŋaan ki Pɔɔl nan Banabas lek bia yeen nan parcheenn a “Li kpaa talase nan ki tin sint pak Yennu maan ki tur yimm Juu teeb. Ŋaan ya yêt maan maŋ, ki bia dukin nan i ki ŋan nan i la manfoor nba kaa gbennu na, li paake te ki ti nyikiti, ŋaan saa binba ki tee Juu teeb ni na,

Toona 14:23

Ki doi kur ni ki bi tuu gann Yisaweira saakab, ki din mei Yennu ki lorin mɔi, ki jikit Yisaweira nan bi saakab na ki kubintib bi Yomdaanɔ Yisa nuu ni, wunba ki bi poŋ teenɔ yada na.

Toona 4:31

Ba gbenn Yenmiaru na yoonba, ki siaminba po ki bi tikir na ji jek, ki bi kura gbee yent nan Yennu Seyeeŋ, ki ji piin piak Yennu maan nan parcheenn.

Rom Teeb 10:17

Li paak, nirɔ-i gbia barŋanii, ŋanne sa te ki wun teen Masia yada; ki niib-i mɔɔntir Masia barŋanii na, li mun sa te ki u gbiar.

1 Korint teeb 10:13

Bikinu nba kur baar i boor ni, li tee linba yɔɔ baat niib boore; ŋaan Yennu tee barmɔnii daanɔ ki kan te ki bikinu-n baar i boor ki gar i paŋ teriki; ŋaan yoo nba ki bikinu baar i boor, u sa turi paŋ nba ki i sa nyannir ki nyi leŋ.

1 Korint teeb 11:1

Li paak, i waa n binbeŋ kaman nan ma waa Masia binbeŋ biaŋinba na.

1 Korint teeb 4:16

N barimiie, yii waa n binbeŋ man.

Filipi teeb 3:17

N naa waas, yii biakii tokii min man. Yi jii i dudukit teen damm nba waa siarŋana nba ki ti din senn turi na ni.

1 Tesalonika teeb 1:6

I din tokii biaŋinba ki ti din waa ti Yomdaanɔ, ki din gaar barŋanii maŋ i farchiauŋ ni nan parpeenn nba nyi Seyeeŋ boor ni na.

1 Tesalonika teeb 2:13

Linba yaa paak bia te ki ti piak Yennu yoo kura na tee nnee: ta din baar nan Yennu maan i boor ni, i din gbatir ki gaarir; i din ki gaarir kaman nan nisaarik yar na kaa, ŋaan i din gaarir kaman nan li tee Yennu yare. Ki li set tee ŋanne, kimaan yimm nba teenɔ yada na, maan maŋ tuun i para ni.

2 Tesalonika teeb 3:7

I mɔŋ poŋ mi fanu nan li kpaa talase ki yii tuun kaman nan ta din tuun biaŋinba na. Ta din be i boor ni na, ti din ki tiin gbannyakiri.

2 Tesalonika teeb 3:9

Ta din tuun nna maŋ na, li ki want nan ti ki mɔk yikoo nba sa boi sommir po kaa; ti din tun nna a ti teen nyinne ki turi ki yin weir.

1 Timoti 3:5

Ŋaadaanɔ-i kii mi wa sa dia u ŋaak niib biaŋinba, nlee ki u sa fit dia Yennu niibi?

Hiibru teeb 13:17

Yii saak i yudamm mɔi ki sikin i mɔŋ ki turib, kimaan bi baka be i benu ni, kimaan bi tan sa wann Yennu bi toona nba ki bi din tuun. Ŋaant ki bin tan wannɔ nan parpeenn, ŋaan tan daa wantɔ nan parbiiri. Nna tan kii mɔk nyɔɔt ki turiini.

Hiibru teeb 13:24

Yi foont i yudamm kura nan Yennu niib na kura ki turit. Ti naa waas nba nyii Itali tiŋ ni na foonti.

Hiibru teeb 6:12

Ti ki loon ki yii tee gbannyakdammi, ŋaan ti loon ki yii tee binba teen Masia yadae, kii mɔk sukuru, ki tan gaar linba ki Yennu din senn mɔsonn li po na.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nee; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu-n la paku bonsiar kur ni Yisa Masia paak; ŋɔɔ Yennu yen paku nan paŋ kur yoo nba kaa gbennu. Mɔmɔmm.

Fiitu 1:9

Tɔn, min Jɔɔnn wunba tee i naa bik ki taan nani ki di fara nan sukuru Yisa paak, ma din lin ki mɔɔntir Yennu maan, nan Yisa barŋanii, ki bi din jiin ki saan nanin Patmos tiŋ nba ki nyun lintir na ni.

Fiitu 20:4

Ki n la naangbant, ki Yennu tur binba kar li paak na yaak a bin bu buut. Ki n bia la binba ki bi din pot bi yura na sei; ba din mɔɔntir Yisa barŋanii nan Yennu mɔmaan paak ki bi kpiib; bi din ki jiant bonkobuk na, amii li naauŋ na, amii bi bia din ki gaar bonkobuk maŋ dɔk bi yugbia paak amii bi nii ni. Bi fiir kuun nie ki lakin dii naan nan Masia bintusir. Nee tee sinsinn kpeemm fiiru.

Fiitu 6:9

Ki Pebik na bia tabit yiit nba pukin ŋaŋŋmu na, ki n la ki binba ki niib din kpiib kimaan ba din dia Yennu maan, nan barŋanii nba ki bi din mɔk na paak, ki bi be binbintir na nyakir ni,