Hiibru teeb 13:5 - Yennu Gbounpaauŋ Mɔɔr

⁵ Yi nyinn i niauŋ nan liklommu, ŋaan te ki i numm-n gboo nan ya mɔk linba; kimaan Yennu yet a “N kan mi ki nyikani, n bia kan mi ki ŋaanani.”

Yennu Gbouŋ Mɔɔr

⁵ Ii nyinn i niɔŋ liklomm ni, ŋaan te ki i numm n gboo yaa mɔk linba; kimaan Yennu yet a, “N kan mi ki nyikani, n bia kan mi ki ŋaanani.”

Hiibru teeb 13:5 ပူးပေါင်းရင်းမြစ်များ

Matiu 6:19

“Daa bɔrii a mɔkint tingbouŋ na ni, siaminba ki bonŋmiŋmabit nan tintanii sa biiri; ki nanyukib bia sa kɔɔ ki jami;

Matiu 6:25

“Li paake te ki n beeri, i daa te ki li mukisi i binbeŋ po nan ya sa di linba amii ki nyu linba; ki bia daa te ki li mukisi i gbanant po nan ya sa lia linba. Manfoor ki gar jeetii? ki gbanant mun bia ki gar tiatii?

Matiu 6:34

Li paak, daa te ki wonn barii mukisiini, kimaan wonnee sa dukin u mɔŋ po; daar kur mɔk u fara ki li jaŋitɔe.

Barŋanii nba ki MAK din sɔb nae na 7:22

nan bonchonchonn toona, nan nianchiauŋ nan biitbooru booru nan faak faaru, nan toon-yana, nan funfunn, nan sanjaauŋ, nan karinbaanii, nan jat toona.

Barŋanii nba ki LUK din sɔb nae na 3:14

Ki lanjimanba mun baar ki tan boiɔ a “Ki timm muni, ti sa teen nlee?” Ki u betib, “I daa mukisir sɔɔ ki gaan siari amii ki fa faak niib po; yii mɔk parpeenn nan i paauk nba ki i gaan na paak.”

Barŋanii nba ki LUK din sɔb nae na 8:14

Ki linba mun baa kunkonii ni na naan nan binba gbat n maan maŋ, ŋaan binbeŋ na daamii nan mɔkint loomm nan nianbiiuk nba be tingbouŋ na ni tuu nyakin maan maŋ bi para ni, ki li ŋakit.

Rom Teeb 1:29

Ki biit kur din be bi ni, ki bi gbee nan biit nan nianchiauŋ nan yanbɔmm nan funfunbiit nan nikpinu nan kunkɔna nan fai nan dudukbiit, ki bia tee sanjanjanna;

1 Korint teeb 5:11

N sɔb ki yeeni a i daa tɔk nan daanɔ nba yaa a ŋɔɔ waa Masiae ŋaan tuun bonchonchonn toona, amii ki mɔk nianchiauŋ, amii ki mann pata, amii ki mɔk sanjaauŋ, amii ki tee danyuyuukpeen, amii ki tee nanyukɔɔ na; a poŋ daa kaar nan li nirɔ ki di jeeti.

1 Korint teeb 6:10

amii nanyukii amii nianchiauŋ damm amii danyuyuukpeena amii sanjanjanna amii fatiteeb, binba na kur nan yenɔkɔɔwa kan kɔɔ Yennu naan ni.

2 Korint teeb 4:9

bi dintit fara, ŋaan Yennu ki nyikititi; bi lut tiŋ ni, ŋaan kan fit kpiti;

Efesus teeb 5:3

Ya tee Yennu waas na paak, li poŋ ki ŋan niib-ii gbia bonchonchonn toona barii, amii jakint barii, amii nianchiauŋ barii i sinsuuk ni.

Efesus teeb 5:5

Li ŋan yii mi nan wunba tee bonchonchonn amii jakint daanɔ amii nianchiauŋ daanɔ, ŋamme kan la yiar Masia nan Yennu naan ni; ki nianchiauŋ tee kaman nan patmannu nee.

Kolosa teeb 3:5

Li paak, yi nyik tingbouŋ na ni niauŋ nba tuun toona i ni na; li yenninbae tee bonchonchonsin, nan linba tee jakint toona, nan kunkɔmaasu, nan nianbiiuk, nan nianchiauŋ, linba tee patmannu booru.

1 Timoti 3:3

ki daa nyu daan ki yibi, ki daa loon fuut nan kunkɔna, ŋaan kii be soonna nan parmaasir, ki daa loon likirii bonchianni.

2 Piita 2:14

Bi-i la poochonchonn, bi ki nyikit u bandakiri, ki bia kan nyik bi biiti. Bi kpann niib nba ki mi Yennu sɔnu fanue ki boontib. Bi para ni, bi tumii nianchiauŋo, ki te ki Yennu mɔtomm be bi paak.

2 Piita 2:3

Bi sii mɔk nianchiauŋ, ki sii kpanni ki ŋmabi. Yoo nba din gar na Yennu poŋ din yet a bi tee biitdamme, ŋaan li ji kan yukir ki u sa dat bi tuba.

Juud 1:11

Parbiir be bi paak; kimaan bi wei Keenn sɔnbiiuk nawa; bi bia tee kpinkpannii damm likirii paak kaman nan Balaam nba din tee biaŋinba na; ki bia tuun kaman nan Kora nba din tun ki ki sak Yennu mɔb ki tan kpo na; bi mun tan sa kpo nnee.