Hiibru teeb 13:4 - Yennu Gbounpaauŋ Mɔɔr

⁴ Yii mɔk nibaakir nan i leeb nan i pookɔɔnt nan i jakunt ni ki daa chommi, kimaan Yennu tan sa dat bonchonchona nan joonbaarit nan sapaanwɔbira nan naasinwɔbira tuba.

Yennu Gbouŋ Mɔɔr

⁴ Ii mɔk baakir nan i leeb, i pookɔɔnt nan i jakunt ni, ki daa chommi, kimaan Yennu tan saa dat bonchonchona nan joonbaarit nan sapaanwɔbira nan naasinwɔbira tubawa.

Hiibru teeb 13:4 ပူးပေါင်းရင်းမြစ်များ

1 Korint teeb 5:13

Li poŋ sɔb Yennu gbouŋ ni a “I ber biitdaanɔ na ki nyinnɔ i sinsuuk ni.”

1 Korint teeb 6:18

Yi nyinn i mɔŋ man bonchonchonsin ni. Toonbiit kur nba biar, li ki tuun gbanant ni; ŋaan wunba chomm ŋanin biir u mɔŋ gbanante.

1 Korint teeb 6:9

I ki mi nan biitdamm tan kan kɔɔ Yennu naan ni-ii? I daa kpann i mɔŋ; binba tee joonbaarit amii bonchonchona amii patmannteeb amii jab nba mɔk niauŋ ki dɔɔ nan bi jaleeb

1 Korint teeb 7:38

Ŋaan wunba kɔɔn u sarkpeŋ, li ŋan; wunba mun ki kɔɔn u sarkpeŋ, u tun linba ŋan ki gar wunba kɔɔn nawa.

1 Korint teeb 9:5

Ti bia ki mɔk yaak nba ki sa jii poo kii lin nanɔ kaman nan toomiinba siab nan ti Yomdaanɔ naa waas nan Piita nba tee biaŋinba na-aa?

2 Korint teeb 5:10

Kimaan ti kur binbeŋ tan sa nyi paanu Masia tɔɔnn po barbuut daar, ki sɔɔ kur tan sa gaar piinii kaman nan u toona nba din tee biaŋinba tingbouŋ na ni na, la tan ŋanii, la bii, li fan nana.

Galasia teeb 5:19

Nisaarik binbeŋ nba want li mɔŋ linba ni tee bonchonchonn toonae, nan jakint toona, nan lanmiok toona,

Galasia teeb 5:21

nan punponn, nan dayibu, nan bandakir, ki bia jii bonlia nba naan nna ki pukin; n ji beeri kaman nan ma poŋ beti biaŋinba na, binba tuun linba na kan mi di Yennu naami.

Efesus teeb 5:5

Li ŋan yii mi nan wunba tee bonchonchonn amii jakint daanɔ amii nianchiauŋ daanɔ, ŋamme kan la yiar Masia nan Yennu naan ni; ki nianchiauŋ tee kaman nan patmannu nee.

1 Tesalonika teeb 4:6

Sɔɔ daa tuun biir u lɔɔ nba waa Masia nan li biitbooru ni, amii kii ŋmab u lɔɔ. Ti poŋ din beti li powa, ŋaan bia kpaani nan nunmɔnn a Yennu tan sa dat binba tuun nna tuba.

1 Timoti 3:12

Li kpaa talas ki Masiaweira sommtɔɔ-ii mɔk poo yenɔkɔɔ, ki bia fit dia u waas nan u ŋaak niib fanu.

1 Timoti 3:2

Li ki ŋan ki Masiaweira yudaanɔ-ii mɔk bisiati. Li kpaa talase ki wuu mɔk poo yenɔkɔɔ, kii tee subindaanɔ, kii dia u mɔŋ fanu, kii gaan saamm u ŋaak ni kii chantirib, kii tee wunba sa fit wann niib Yennu maan,

1 Timoti 3:4

Li kpaa talase ki u fit kii dia u mɔŋ ŋaak niib fanu, ki te ki u waas-n sak u mɔb kii mɔk nibaakir.

1 Timoti 4:3

Li nibooru want a jakunt nan pookɔɔnt ki ŋani, a ki jesiat bia ki ŋan nan dinu; ŋaan timm nba bann Masia barŋanii ki teenɔ yada na, ti mi nan Yennu din nan jebooru kura a niib-ii die, ki turɔ niipoouk li paak.

1 Timoti 5:14

Li paak, min bo sii loon ki pakɔi nba tee poobis na-n kun jabe ki mar waas, ki got bi ŋei fanu, ki ti datai daa laat yaak ki piak biit jiint ti po,

Taitus 1:6

li kpaa talas ki Masiaweira saakɔɔ daa mɔk biiti; li kpaa talas ki u mɔk poo yenɔkɔɔ; li kpaa talas ki u waas-n teen Masia yada, bi daa tee waabiit nan tubkangbata;

Hiibru teeb 12:16

I sɔɔ daa tuun bonchonchonn toona amii ki gorii Yennu barii yann kaman nan Esɔ wunba din jii u saakatuk ki daa jeet ki dii taar yomm na.

Fiitu 22:15

Ki nibiit, nan binba dia jabaat na ki bu ki kpann niib, nan binba tuun jakint toona na, nan nikpiira, nan patjiantdamm, nan binba tee fai damm ki kpann niib na, bi kur tan sii be doo maŋ nanyer poe.