Hiibru teeb 13:21 - Yennu Gbounpaauŋ Mɔɔr

²¹ li Yennu-n ŋamm i binbeŋ fanu a yii tuun u loomm, kii tuun toonŋana kur; Yisa Masia paak wun te ki tii tee binba sii pent u par. Ŋɔɔe yen dontir nan yoo nba kaa gbennu. Mɔmɔmm.

Yennu Gbouŋ Mɔɔr

²¹ ŋɔɔ Yennu n ŋamm i binbeŋ fanu ki yii tuun u loomm, kii tuun toonŋana kur. Yiisa Masia paak wun te ki tii tee binba sii pent u par. Ŋɔɔe yen dontir mɔkmɔk nan mɔkmɔk. Mamɔmm.

Hiibru teeb 13:21 ပူးပေါင်းရင်းမြစ်များ

Filipi teeb 2:13

kimaan Yennu yɔɔ tuun nanie, a yii loon yii tuun u loomm kii biakii tuun u loomm maŋ.

2 Tesalonika teeb 2:17

bin kɔɔnni para ki turi paŋ ki yin fit tun linba ŋan kii bia piak barii nba ŋan yoo kur.

Filipi teeb 4:13

Masia nba teenin paŋ na paak, n sa fit set binbeŋ kur ni.

1 Piita 2:5

Ŋaant man ki Yennu-n jii-i ki yi teen kaman nan manfoor tana na ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna a yii tuun u toonn nan u Seyeeŋ paŋ, ki u sa gaar li toonn Yisa Masia paake;

2 Timoti 4:18

Ŋɔɔe bia sa nyinnin bonbiit kura ni, ki kunnin ki kɔɔnin u naan nba be sanpaapo nan laafia. Ŋɔɔe yen dontir nan yoo nba kaa gbennu. Mɔmɔmm.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

2 Korint teeb 9:8

Yennu sa fit turi bonsiar kur ki i kan kɔŋ bonsiari. I sa la ki lin gar ya loon biaŋinba, ki fit somm binba kur ki mɔk na,

1 Piita 4:2

La jii yoo na ki saa, i daa jikit i gbanant ki tuun nisaarik loonbiiti, ŋaan kii waa Yennu loomm.

Hiibru teeb 10:36

Li ŋan ki yii mɔk sukuru, ki fit tun Yennu lomm na, ki la wa din senn mɔsonn a u sa turit linba na.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan yoo nba kaa gbennu. Mɔmɔmm.

1 Jɔɔnn 2:17

Tingbouŋ na tan sa gbenn, ki tingbouŋ na ŋaateeb niauŋ na mun bia sa gbenn, ŋaan wunba tuun Yennu yanbɔɔtoona, ŋɔɔe tan sii be mɔkmɔk nan yoo nba kaa gbennu.

1 Timoti 1:17

Dont Yennu ki turɔ nibaakir yoo nba kaa gbennu. Ŋɔɔe tee kpanbar nba kan mi kpo ki sii be yoo nba kaa gbennu; ki sɔɔ ki laatɔ; ki u tee Yen-yemmir na. Mɔmɔmm.

Efesus teeb 2:10

Yisa Masia nie ki Yennu teent ta tee binba, ki turit toonŋana binbeŋ a tii tuun linba ki u din poŋ lor a ti tun na.

Fiitu 5:9

Ki bi yiin yanpaanii ki teen Pebik na ki yeen a, “A set jaŋ nan fan gaar gbanpɔɔbir na ki tabit li yiit ŋannlore na, kimaan a din kpoe ki jii a sɔn ki daa niib ki tur Yennu; niib maŋ nyii nibooru booru kur ni, nan mabooru kur ni, nan maaru kur ni, nan tingbouŋ na yent kur ni.

1 Jɔɔnn 3:22

Ki bia jenna, ti-i dia u sennii ki tuun linba pent u parie, ŋannii sa te ki u teent linba ki ti meiɔ na.

Hiibru teeb 13:16

I daa nyikit toonŋana tumu, kii chentir ya mɔk linba nan i leeb. Li mannboorue pent Yennu par ni.

1 Timoti 6:16

ŋɔɔ kuukɔɔe kan kpo; u be yentchiauŋ nba ki nirɔ kan fit nakin ni; ŋɔɔe ki nisɔɔ daa ki mi lau amii ki sa fit lau; ŋɔɔe yen paku nan paŋ yoo nba kaa gbennu. Mɔmɔmm.

1 Timoti 5:10

ki poŋ tuu mɔk sanŋann u toona paak, ki tee wunba poŋ tuu mi waas wubiru fanu, ki gaan saamm u ŋaak ni, ki tuun sikininmɔŋ toona ki teen u leeb nba waa Masia na, ki sommit niib fara ni, ki poŋ jii u mɔŋ kura teen toonŋana tumu ni.

1 Tesalonika teeb 3:13

Nnee ki u sa chee i para, ki i sii tee popeendamm nba ki mɔk biit ti Baa Yennu boor ni, nan yoo nba ki ti Yomdaanɔ Yisa tan sa jen nan u yab kura na.

Kolosa teeb 4:12

Epafras wunba mun bia tee i yenɔ nan Yisa Masia toontunnɔ na foonti. U mei Yennu nan nunmɔnn yoo kura ki teeni a ŋɔɔ Yennu-n te ki yin set kenken, kii tee nisubirteeb nba tuun Yennu loomm na,

Kolosa teeb 3:17

Li paak, ya tuun linba, amii ya yeen linba, yii tuun nan ti Yomdaanɔ Yisa sann ni, kii teen ti Baa Yennu niipoouk u sann ni.

Filipi teeb 4:18

N gaar i piinii na munna ki li jaŋŋima. Piinii nba ki i daan tun Epafrodaitus nann na te ki n gboowa. Li piinii naan nan mannu nba nubir mane ki teen Yennu, ki penn u par ni, ki u gaarir.

Efesus teeb 2:18

Masia paake ki Juu teeb nan binba ki tee Juu teeb na kura fit baar ti Baa Yennu maŋ boor ni, u Seyeeŋ yenɔkɔɔ ni.

Matiu 28:20

ki wannib ki bin sak linba ki n wanni na kura. Ŋaan yii tian man nan n sii be i boor ni yoo kura mɔkmɔk nan dunia gbennu.”

Matiu 6:13

A daa te ki ti kɔɔ jinjammii ni, ŋaan nyinnit bonbiir ni.’

Fiitu 5:13

Ki linba kur ki Yennu din nan na, linba be sanpaapo, nan linba be tingbouŋ na ni, nan linba be kpeentiŋ, nan linba be mɔkgbeŋŋa ni, n gbat bi kur yeen a, “Paku nan nibaakir nan dontir nan paŋ kur-ii be wunba kar naangbouŋ na paak na nan Pebik na paak ki jii saa yoo nba kaa gbennu.”

Fiitu 4:6

Ki siar naan nan mɔkgbeŋŋir ki dɔɔ naangbouŋ na tɔɔnn ki tee kaman nan mianu nba nyirii biaŋinba na. Ki bonfoa banna be leŋ ki lint naangbouŋ na, ki mɔk ninbina bonchiann bi numm po nan bi poorpo kur.

Hiibru teeb 12:23

Yimm tan baar niib nba ki Yennu teemm u waas na boore, ki bi sana sɔb Yendɔuŋ nie. I baar Yennu nba tee nisaarik kur barbuurɔ na boor ni, nan popeendamm nba ki Yennu te ki bi sei be fanu na boor nie.

1 Tesalonika teeb 4:3

Kimaan Yennu loon ki yii tee popeendamm ki daa tuun bonchonchonn toona.

Kolosa teeb 3:20

Waas, yii saak i damm mɔi yoo kura, kimaan ŋanne pent Yennu par ni.

Filipi teeb 2:11

ki sɔɔ kura tan sa yet a ŋɔɔ Yisa Masia tee Yomdaanɔ kii dont ti Baa Yennu sann.

Galasia teeb 1:5

Ŋɔɔ Yennu kuukɔɔe yen dontir nan yoo nba kaa gbennu. Mɔmɔmm.

Rom Teeb 11:36

Yennue din nan bonsiar kur, ki dia li kura, ki u paake ki li kur be. Ŋaant ki wun la paku yoo nba kaa gbennu. Mɔmɔmm.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

Rom Teeb 16:27

ŋɔɔ Yennu kuukɔɔe tee yandaanɔ na; niib kur-n pakɔ mɔkmɔk nan yoo nba kaa gbennu, Yisa Masia sann paak. Mɔmɔmm.

Jɔɔnn 17:23

N be bi ni, ki a mun be n ni, a bin fit lian taan mɔyomm chib. Ŋannii sa te ki tingbouŋ na ŋaateeb-n bann nan fine tumin, ki bi sa bann nan a loonib kaman nan fa loon min biaŋinba na.

Jɔɔnn 7:17

Wunba loon wun tun Yennu yanbɔɔtoona, ŋɔɔe sa bann linba ki n piak ki want na nan li nyii Yennu boor amii n boor.

Matiu 21:31

Yisa nba din yimm barjouk maŋ ki gbenn na, ki u ji boi niib na a “Waas bannlee na ni, ŋmee tun u baa loommu?” Ki bi jiin a “Saakɔɔ po na.” Ki Yisa betib a “Barmɔniie ki n beeri na, lampogaarteeb nan bonchonchona tan sa dɔŋi Yennu naan ni kɔɔnuwa,

Matiu 7:21

“Li ki tee binba yin ‘N Yomdaanɔ, n Yomdaanɔ’ na kur kaa tan sa kɔɔ Yennu naan ni, see binba sak n Baa Yennu nba be sanpaapo na mɔb.

Matiu 12:50

kimaan wunba kur tuun n Baa Yennu nba be sanpaapo na loommu, ŋɔɔe tee n ninja, nan n niipoo nan n naa.”

2 Timoti 3:17

a nisɔɔ nba jiantir Yennu binbeŋ-ii ŋan, ki wun teen siir kii tuun toonŋana booru kura.

Hiibru teeb 12:28

Li paak, ta gaar naan nba kan mi ki nik na paak, yi ŋaan ki tii teen Yennu niipoouk man, ki jiantɔ nan nibaakir nan jaŋmaanii ki u numm-n gboo,