Hiibru teeb 13:20 - Yennu Gbounpaauŋ Mɔɔr

²⁰ Yennu nba teent parmaasir nae din fiin ti Yomdaanɔ Yisa kuun ni. Ŋɔɔ Yisae tee ti guutɔjaann na, kimaan u din kpo, ki u sɔn ŋamm Yennu mɔlor nba sii see yoo nba kaa gbennu;

Yennu Gbouŋ Mɔɔr

²⁰ Yennu nba teent parmaasir nae din fiin ti Yomdaanɔ Yiisa kuun ni. Ŋɔɔ Yiisa-e tee ti guutɔjaann, kimaan u din kpo, ki u sɔn ŋamm Yennu mɔlor nba sii see mɔkmɔk nan mɔkmɔk na;

Hiibru teeb 13:20 ပူးပေါင်းရင်းမြစ်များ

Matiu 26:28

Linba nee tee n sɔn nba sa te ki Yennu mɔsonn-n set nan barmɔnii, sɔn nba tan sa nyi n gbanant ni, nisaarii bonchiann paak, a Yennu-n nyik chab bi biite na.

Barŋanii nba ki MAK din sɔb nae na 14:24

Ki u yetib a “Linba nee tee n sɔn nyinn; ki n sɔn na sa nyi n gbanant ni nisaarii bonchiann paak, ki wann nan Yennu senn mɔsonpaann.

Barŋanii nba ki LUK din sɔb nae na 22:20

Ki dinu na poorpoe ki u bia jii nyunyuŋmaŋ na nan tilɔɔna nyun na, ŋaan yetib a “Tilɔɔna nyun na tee Yennu mɔsonn lorpaanne, linba ki n lor nan n sɔn, ki li luun i paak.

Jɔɔnn 10:11

“Mine tee pekpaaŋaŋ, ki pekpaaŋaŋe kpenn u pei paak.

Jɔɔnn 10:14

Mine tee pekpaaŋaŋ. N Baa Yennu nba min, ki n mun miu na, li mun bia tee nnee ki n mi n pei, ki bi mun min, ki n sa lu n miar bi paak.

Toona 13:30

ŋaan ki Yennu fiinɔ kuun ni.

Toona 17:31

kimaan ŋɔɔ Yennu poŋ senn daar nba ki u sa bu tingbouŋ na ŋaateeb kur buut chib chib. U sa te ki sɔɔ nba ki u gannɔ na-n bu buut maŋ, ki u set fiinɔ kuun ni, ki li tee nyinn ki tur sɔɔ kur a ŋɔɔe sii tee barbuurɔ.”

Toona 2:24

“Wa daan kpo ki daa be kuun nii ni na, ki Yennu fatɔ ki fiinɔ kuun ni, kimaan kuun ki fit diau.

Toona 2:32

Ki Piita bia ŋamm yet a “Yisa nba nee ki Yennu daan fiinɔ kuun ni, ki ti kura na mun tee u kuunfiiru maŋ siara damm.

Toona 3:15

Li paak, yimme te ki bi kpii Manfoturtɔɔ maŋ; ŋaan ki Yennu fiinɔ kuun ni, ki timme tee linba na siara damm.

Toona 4:10

ŋann li ŋan ki i kura-n bann, ki Israel teeb kur-n mun bann nan Nasaret nirɔ Yisa Masia sann paake ki jɔɔ maŋ la laafia ki see i numm ni na. Li Yisae ki i daan te ki bi kpaau dapunpunn paak ki kpiiu, ŋaan ki Yennu fiinɔ kuun ni na.

Toona 5:30

Yisa maŋe ki i daan poŋ kpaa tabinɔ dapunpunn paak ki kpiiu na, ŋaan Yennu nba tee ti yejamm Yennu na, ŋɔɔe fiin Yisa kuun ni,

Rom Teeb 1:4

ki Yennu Seyeeŋ din wann nan paŋ nan u set tee Yennu Bija u kuunfiiru paake.

Rom Teeb 10:7

“A bia daa boi a Ŋmee tan sa sik kpeenn tiŋ ni?” (Li paak tee a Ŋmee sa sik ki te ki Masia-n fiir kuun ni?)

Rom Teeb 15:33

Yennu nba teent parmaasir na sii be nani. Mɔmɔmm.

Rom Teeb 16:20

Li kan yukir ki Yennu nba teent parmaasir na sa te ki yin fiir ŋmaa Sintaanii yur paak. Ti Yomdaanɔ Yisa Masia-n sommi.

Rom Teeb 8:11

Ki ŋɔɔ Yennu nba fiin Yisa kuun ni na, u Seyeeŋ na-i be i ni, ŋɔɔ nba fiin Masia kuun ni na, ŋɔɔe bia sa tur i gbanant manfopaann u Seyeeŋ nba be i ni na paak.

1 Korint teeb 14:33

kimaan Yennu ki yiinit a tii tee kpir kpir; ŋaan kii tee soonna.

1 Korint teeb 15:15

Ki li-i tee nneeie, ŋann ŋanin ti teen fai siara damme na ki tur Yennu, kimaan ti poŋ teen Yennu siara damm a u din fiin Masia kuun ni; ŋaan kuun fiiru-i kaa, u set din ki fiinɔ kuun ni.

1 Korint teeb 6:14

Yennue din fiin ti Yomdaanɔ kuun ni, ki mun bia tan sa jii u paŋ ki fiint.

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

2 Korint teeb 4:14

Kimaan ti mi nan Yennu nba din fiin ti Yomdaanɔ Yisa kuun ni na, ŋɔɔe tan sa fiin timm nan yimm nba waa Yisa mun kuun ni, ki sa baar nant u mɔŋ boor ni.

Galasia teeb 1:1

Min Pɔɔl nba tee Masia toomii, nan ti naa waas nba be nna na kur foont Masiaweira nba be Galasia tiŋ ni. Nisaarik kaa teenin Masia toomii, nisaarii kaa bia tumin, ŋaan ti Baa Yennu nan Yisa Masia nba ki u din fiinɔ kuun ni nee din gannin.

Efesus teeb 1:20

U panchiauŋ toonbooru nba ki u din jii ki fiin Masia kuun ni ki kaanɔ Yendɔuŋ ni u niidiitu po nee, ki u bia tuun ti ni na.

Filipi teeb 4:9

Jiin linba ki i tumii ki gaar n boor ni nan n mɔbona nan n toona na kii tuun nann toona. Ki ti Yennu nba teent parmaasir na sii be nani.

Kolosa teeb 2:12

kimaan ba din wuri Yennu nyunwuru yoonba na i din pukin Masia poe ki bi pii-i, ki i bia fiir nanɔ nyunwuru maŋ ni, i yada nba be Yennu paŋ toona nba din fiin Masia kuun ni na paak.

1 Tesalonika teeb 1:10

ki guur u Bija Yisa, wunba tan sa nyi Yendɔuŋ ni ki baar na; wunba ki u din fiinɔ kuun ni, ki u fatit Yennu wutoor nba baat na ni na.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

2 Tesalonika teeb 3:16

Ti Yomdaanɔ wunba teent parmaasir na-n turi parmaasir yoo kur, siar kura ni. Ti Yomdaanɔ-ii be nan i kur.

Hiibru teeb 10:22

yi ŋaan ki tin chat nakin Yennu boor ni man nan para nba be fanu, nan barmɔnii yada, ki daa mɔk birsuku, nan ti para nba ki Yisa sɔn nyinn dudukbiit li ni na, ki jii ti gbanant nba ki ti din wuur nan nyun nba kaa jakint na.

Hiibru teeb 10:29

Li paak, nirɔ nba fiak Yennu Bija maŋ ki ki baakit sɔn nba ŋamm Yennu mɔlor ki nyinnɔ u biit ni na, ki sukii burchinseyeeŋ na, bikint li yɔɔ nba tan sa jaŋ nan tubdatbiiuk nba.

Hiibru teeb 9:20

ki beerib a “Mɔlor nba ki Yennu senn turi a yin sakir na sɔme na.”

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

1 Piita 2:25

I din tuu tee kaman nan pebotkai nee, ŋaan mɔtana i jen i kpaarik wunba guu i sei na boora.

1 Piita 5:4

Ki Masia wunba tee yudamm kur yudaanɔ na-i taŋŋi jen, i sa la piinii nba kan biiri.