Hiibru teeb 13:13 - Yennu Gbounpaauŋ Mɔɔr

¹³ Li paak, ŋaant ki tin nyi ki saan u boor ni man, ki sak feidinu u paak.

Yennu Gbouŋ Mɔɔr

¹³ Li paak, ŋaant ki tin nyi ki saan u boor man, ki sak di fei nanɔ.

Hiibru teeb 13:13 ပူးပေါင်းရင်းမြစ်များ

Matiu 16:24

ŋaan bet u poorpoweiteeb a “Wunba-i loon wun wein, see ki u likin u saaŋmaŋ ki jii u kuun dapunpunn kii waan,

Matiu 27:32

Ba din saa na, ki bi chet Sairene tiŋ ni jasɔɔ nba ki u sann yi Simon, ki soorɔ, ki miau jinnɔ Yisa kuun dapunpunn na.

Matiu 5:11

“Niib-i sukii-i, ki mukisi, ki fa faakboorii boorii kur ki biiri, kimaan ya tee n poorpoweiteeb na paak, parpeenn tee i yare.

Barŋanii nba ki LUK din sɔb nae na 6:22

“Niib-i nami ki bɔkitiri ki sukii-i ki biir i sana, kimaan ya waa min nisaarik Bik na paak, parpeenn tee i yare.

Barŋanii nba ki LUK din sɔb nae na 9:23

Ŋanne ki u yet bi kur a “Wunba-i loon wun wein, see ki u likin u saaŋmaŋ ki jii u kuun dapunpunn daar kur kii waan,

Toona 5:41

Ŋann maŋe ki toomiinba maŋ nyii tituk kaanu na ni nan parpeenn, Yennu nba la ki bi jaŋ nan feidinu, Yisa sann paak na.

2 Korint teeb 12:10

Li-i tee Masia paak ki n di butuŋ, ki laat sukit, ki di fara nan muksuk, ki laat barii, n mɔk parpeenn, kimaan mi-i taŋŋi kii mɔk n tiauŋ paŋ yoonba na, li yooe ki n laat Masia paŋ.

Hiibru teeb 11:26

U din dukin a bi-i sukiiɔ Masia paak, li mɔk nyɔɔt bonchiann ki chee Ijipt tiŋ ni mɔkint kura, kimaan u ninbinn din kpaa nyɔɔt nba baat na paake.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 12:3

Yin lek bikin wa din gaar naŋ biaŋinba biitdamm boor ni ki jii u tiauŋ. Li paak, i daa te ki i gbanu baŋŋit ki i nyikit yabiru.

Hiibru teeb 12:4

Kimaan ya yabii ki kɔn nan biit na ŋaan i sɔɔ daa ki mi yabir teee ki li saa baar kuumi.

1 Piita 4:4

Ŋaan mɔtana, ya ji ki waab ki tuun li toonbiit na, li bakitibe, ki bi ji biir i sana.