Hiibru teeb 12:4 - Yennu Gbounpaauŋ Mɔɔr

⁴ Kimaan ya yabii ki kɔn nan biit na ŋaan i sɔɔ daa ki mi yabir teee ki li saa baar kuumi.

Yennu Gbouŋ Mɔɔr

⁴ Yaa yabii ki kɔn nan biit na, ŋaan i sɔɔ daa ki mi yabir ki li saa baar kuumi.

Hiibru teeb 12:4 ပူးပေါင်းရင်းမြစ်များ

Matiu 24:9

“Li yoo maŋ ki bi tan sa soori ki dinni fara biak, ki kpi-i, ki booru kur tan sii nami kimaan ya waan na paak.

1 Korint teeb 10:13

Bikinu nba kur baar i boor ni, li tee linba yɔɔ baat niib boore; ŋaan Yennu tee barmɔnii daanɔ ki kan te ki bikinu-n baar i boor ki gar i paŋ teriki; ŋaan yoo nba ki bikinu baar i boor, u sa turi paŋ nba ki i sa nyannir ki nyi leŋ.

Filipi teeb 2:8

U din sikin u mɔŋ, ki sak ki kpo dapunpunn paak gbaa.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 13:13

Li paak, ŋaant ki tin nyi ki saan u boor ni man, ki sak feidinu u paak.

Fiitu 12:11

a Pebik na sɔn nan u barŋanii nba ki bi mɔɔntir na paake ki bi nyann Sintanii na; ki bi ki tiin bi manfoor na ki sak nan kuum-i baarib, bi sa gaar.

Fiitu 17:6

Ki n la ki poo na nyuu popeendamm sɔn nan Yisaweira nba ki bi kpiib na sɔn ki yib. Ma lau nna maŋ ki li bakitin bonchiann.

Fiitu 18:24

a Yennu sɔkiniinba, nan u niib, nan binba ki niib kpiib tingbouŋ na kur ni na, a bi sɔn be Babilɔnn maŋ paak, li paak ki Yennu dat bi tuba.”

Fiitu 2:13

ŋɔɔe yet a ‘N mi nan siaminba ki i be na tee siaminba ki Sintaanii naangbouŋ na be, ki n mi nan i set dia n sann; yoo nba ki bi din tan kpii Antipas nba din tee n siara daanɔ nan barmɔnii, i mɔŋ doo nba ki Sintaanii be na, li yoo maŋ gbaa ki i ki yêt n sɔnu.