Hiibru teeb 12:3 - Yennu Gbounpaauŋ Mɔɔr

³ Yin lek bikin wa din gaar naŋ biaŋinba biitdamm boor ni ki jii u tiauŋ. Li paak, i daa te ki i gbanu baŋŋit ki i nyikit yabiru.

Yennu Gbouŋ Mɔɔr

³ Ii lek bikin waa din gaar naŋ biitdamm boor biaŋinba. Li paak, i daa te ki i gbanu baŋit ki i nyikit yabiru.

Hiibru teeb 12:3 ပူးပေါင်းရင်းမြစ်များ

Matiu 11:19

ki min nisaarik Bik mun tan baar ki di ki nyu, ŋaan ki i bia yaa a ‘Gotir jɔɔ na! u tee podaanɔ nan danyuruko, u bia tee lampogaarteeb nan biitdamm yɔɔke.’ Tɔn, Yennu nba tuun biaŋinbae want nan u mɔk yan nba ŋan.”

Matiu 12:24

Ŋaan Farisiinba na nba din gbat nna maŋ, ki bi yaa a “Narinbiit bat Beelsebule teen jɔɔ maŋ yikoo a wuu nyint narinbiit niib ni.”

Matiu 15:2

“Bee ki a poorpoweiteeb ki waa ti yejamm kaari? Kimaan bi ki waa ti kaar nba yaa a ti tuu nit ti niiwa ŋaan di na.”

Matiu 21:23

Yisa nba din saan ki saa kɔɔ Yennu jiantu ŋasaakak ni ki want niib Yennu maan yoonba na, ki Yennu jiantu yudamm nan tiŋ maŋ ni saakab baar u boor ni, ki tan boiɔ a “Yikoo lannpoe ki a mɔk ki tuun linba na kuri? Ki ŋmee chaba li yikoo?”

Matiu 21:46

Ki bi ji din loon bin soorɔe, ŋaan tiin niburchiauŋ na jaŋmaanii, kimaan sɔɔ kur din teen yada nan u set tee Yennu sɔkiniie.

Matiu 22:15

Ki Farisiinba din saan ki saa lor soor ba sa teen biaŋinba ki la Yisa mɔbonkpetir.

Barŋanii nba ki LUK din sɔb nae na 14:1

Tɔn, foon dasiar ki Yisa din tan kɔɔ Farisiinba yudaansɔɔ ŋaak ni a wun di jeet; ki binba be ŋaak maŋ ni din diisirɔ.

Barŋanii nba ki LUK din sɔb nae na 15:2

ki Farisiinba nan sennu wannteeb din burin ki yeen a “Jɔɔ na gaar biitdamm ki bia di namm.”

Barŋanii nba ki LUK din sɔb nae na 16:14

Yoo nba ki Farisiinba din gbat linba na, ki bi ji din daan Yisa nyatuk, kimaan bi din tee liklonnae.

Barŋanii nba ki LUK din sɔb nae na 2:34

Ki Simeon din miar Yennu mɔsonŋann bi paak, ŋaan bet bik na naa Mari a “Nnara, Yennu nyinn bik na ki sennɔ a Israel teeb bonchiann-n baa yann u paak; ki leeb bonchiann mun bia tan sa tinn u paake. Ŋɔɔ tan sii tee nyinn nba ki niib bonchiann sa pak ki biir na;

Barŋanii nba ki LUK din sɔb nae na 5:21

Ki sennu wannteeb nan Farisiinba na ji din dukii bi para ni a “Nilanɔpoe mun piak nna ki jikit Yennu yikoo u yur paaki? Ŋmee daa sa fit nyik chab nirɔ biiti, ki li ki tee Yennu kuukɔɔ kaa?”

Jɔɔnn 10:20

ki bi siab bonchiann yaa a “Narinbiiuk be u ni, a ki waatuk bia mɔkɔ; ki bee teen ki i gbiintir u maami?”

Jɔɔnn 18:22

Yisa nba yet nna maŋ, ki lanjimanba na yenɔ pebɔ tanpak, ŋaan boiɔ a “Bi piak jiint ki teen Yennu jiantu yudaanɔ nnee-ee?”

Jɔɔnn 5:16

Li paak te ki yudamm maŋ ji piin Yisa muksuk, kimaan wa te ki jɔɔ na paak foon daar na paak.

Jɔɔnn 7:12

Ki niib bonchiann nba be leŋ na burin ki piak bonchiann ki jikit saa u po; ki siab yaa a “U tee niŋanɔe,” ki leeb yaa a “Aaii, a u kpann niib nae;”

Jɔɔnn 8:13

Ki Farisiinba na bia yetɔ a “Fa piak ki want a mɔŋ po na, ŋaan li tee yanne.”

Jɔɔnn 8:52

Ki Juu teeb na betɔ a “Mɔtana ti set bann nan narinbiiuk be a ni. Abraham din kpoa, ki Yennu sɔkiniinba mun din kpoa, ŋaan ki a yaa a daanɔ nba saak a maan kan mi ki kpo.

Jɔɔnn 8:59

Ŋanne ki bi ji tɔkii tana a bin jaatɔ ki kpiu; ki u lir ki nyii Yennu jiantu ŋasaakak ni.

Jɔɔnn 9:40

Ki Farisiinba siab nba be leŋ na gbat ki u yet nna, ki bi boiɔ “A yaa a ti mun ki mɔk ninyentiree?”

1 Korint teeb 15:58

Li paak, n naa waas, i be man fanu ki daa baa Masiaweiu ni. Yii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

2 Korint teeb 4:1

Yennu ninbatinu paake ki u jii toona na ki teen ti nii ni, li paake te ki ti ki mɔk kpinkpangbatuku.

2 Korint teeb 4:16

Li paake te ki ti ki mɔk kpinkpangbatuku; hali nan ti gbananchɔkint maŋ nɔɔk ni gbaa, ŋaan Yennu pantir ti seek daar-n tuu daar.

Galasia teeb 6:9

Li paak, ti daa bakit nan toonŋana tumu mani, kimaan ti-i kii nyik toonŋana, yoo nba jaŋ na ki ti tan sa gaar li nyɔɔt.

2 Tesalonika teeb 3:13

Ti naa waas, yii mi ki i bak nan toonŋana tumu man.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 12:5

I ki tian Yennu nba kpaani kaman nan baa nba tuu kpaan u waas biaŋinba na-aa? Li sɔb a “N bik, ti Yomdaanɔ-i kpaana kpaanii yoonba, fan gbiint, li-i tee ki u dat a tubir, fa daa nyikit a yabiru,

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

1 Piita 2:23

Ba din sukiiɔ, u din ki jiin sukiti; wa bia din be fara ni, u ki jeen sɔɔ, ŋaan din jii u mɔŋ ki teen Yennu wunba bu niib buut fanu na nuu ni.

Fiitu 2:3

N mi nan i mɔk sukuru ki la fara n paak, ŋaan i ki nyikimi.