Hiibru teeb 12:2 - Yennu Gbounpaauŋ Mɔɔr

² Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Yennu Gbouŋ Mɔɔr

² Ŋaant ki tin kpan kpaa ti ninbina Yiisa paak; ŋɔɔe ki ti yada gaa u paak li pinpiik niwa nan li joontu na ni. Dapunpunn na din ki te ki u nyik yabiru. Parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak, u niidiitu po mɔtana.

Hiibru teeb 12:2 ပူးပေါင်းရင်းမြစ်များ

Matiu 16:21

La din nyii li yoo maŋ ki jii saa, ki Yisa piin ki beer u poorpoweiteeb a “See ki n fabir ki saan Jerusalem, ŋaan ti tiŋ ni saakab, nan Yennu jiantu yudamm, nan sennu wannteeb sa dinin fara bonchiann, ki bia tan sa kpima; ŋaan daa ŋanntaa daar ki Yennu sa fiinin kuun ni.”

Matiu 20:28

kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Barŋanii nba ki MAK din sɔb nae na 14:36

“N Baa, n Baa, siar ki paar a boor ni. Daa ŋaant ki n kɔɔ bonbiir nba baat n paak na ni; ŋaan daa te ki li tee ma loon biaŋinba kaa, ŋaan te ki lin teen fa loon biaŋinbae.”

Barŋanii nba ki MAK din sɔb nae na 15:28

Ki li gbeen linba sɔb Yennu gbouŋ ni a “Bi jiiu teen biitdamm sinsuuk ni.”

Barŋanii nba ki MAK din sɔb nae na 16:19

Tɔn, ti Yomdaanɔ Yisa nba pak barii na ki gbenn yoonba, ki Yennu te ki u doo sanpaapo ki saa kar ŋɔɔ Yennu nuudiitu po.

Barŋanii nba ki MAK din sɔb nae na 9:12

Ki Yisa betib a “Elaija set baar sinsinn na a wun tan ŋamm bonsiar kur fanu. Ŋaan li bia sɔb nlee Yennu gbouŋ ni? Li sɔb a see min nisaarik Bik lek tan dii fara bonchiann, ki niib bia tan sa siannin.

Barŋanii nba ki MAK din sɔb nae na 9:24

Ki jɔɔ na yikin sanpaapowa a “N teena yadawa, ŋaan sommitin ki n teena yada ki pukin.”

Barŋanii nba ki LUK din sɔb nae na 17:5

Li yoo maŋ ki ti Yomdaanɔ Yisa toomiinba yetɔ a “Pukint ti yada.”

Barŋanii nba ki LUK din sɔb nae na 23:11

Ki Herod nan u lanjimanba ji sian Yisa ki daanɔ nyatuk, ki gbabinɔ chinchenŋann ki jiinɔ Pailat boor.

Barŋanii nba ki LUK din sɔb nae na 24:26

Li teen talas nan Yennu Niganntɔɔ Masia-n di fara maŋ, ki tan la u baakir.”

Jɔɔnn 1:29

La yent sanyiɔk, ki Jɔɔnn maŋ la Yisa ki u baat, ki u bet niib na a “Gotir man! Yennu marouŋ pebikii na. Ŋɔɔe sa nyinn tingbouŋ na ŋaateeb biit.

Jɔɔnn 12:24

Barmɔniie ki n beeri na, li-i tee ki bi bur dibinn tiŋ ni, li tuu piae, ŋaan ki dibinn na-n kpo. Li poorpo dibinn na-n kpaat, ŋanne ji tuu te ki lin nan dii bonchiann. Ŋaan li-i tee ki bi ki bur dibinn maŋ, li kan kpo, ki bia kan nan; li sii tee dibinyenne.

Jɔɔnn 12:32

Bi-i taŋŋi jii-n ki donnin tiŋ sanpaapo yoonba, n sa dak niib kur ki bin baar n peŋ.”

Jɔɔnn 13:3

Ŋaan Yisa ŋarin din mi nan u Baa Yennu turɔ bont kur u nuu niwa, ki bia din mi nan u nyii u Baa Yennu peŋe, ki bia sa ŋmat u peŋa.

Jɔɔnn 6:40

Nnee ki n Baa Yennu loon, a sɔɔ kur nba bann min, u Bija, ki teenin yada, u sa la manfoor nba kaa gbennu; ki n tan sa fiimm kuun ni dunia gbennu daar.”

Jɔɔnn 8:56

I chanbaa Abraham din mɔk parpeenn bonchiann, kimaan u yaa wun tan la yoo nba ki n sa sik tingbouŋ na ni; ki u set tan la li yoo maŋa, ki li maŋŋɔ.”

Toona 2:36

Ki Piita bia yet a “Tɔn, li ŋan ki yimm Israel teeb kur-n bann nan li tee Yisa nee, wunba ki i daan te ki bi kpaau dapunpunn paak ki kpiiu na, ŋɔɔe ki Yennu wann nan u tee u Niganntɔɔ Masia, ki bia tee ti Yomdaanɔ biak.”

Toona 3:15

Li paak, yimme te ki bi kpii Manfoturtɔɔ maŋ; ŋaan ki Yennu fiinɔ kuun ni, ki timme tee linba na siara damm.

Toona 5:31

ki jiiu donnɔ ki kaanɔ u niidiitu po, ki teenɔ Yudaanɔ nan Tinntɔɔ, a Israel teeb-ii nyik bi biit, ki wun nyik bi toonbiit ki chabib.

Toona 5:41

Ŋann maŋe ki toomiinba maŋ nyii tituk kaanu na ni nan parpeenn, Yennu nba la ki bi jaŋ nan feidinu, Yisa sann paak na.

1 Korint teeb 1:18

Nisiab nba bot Yennu sɔnu ni na jii Masia kuun dapunpunn paak labaar na ki li tee yanne, ŋaan timm nba tinn na mi nan li tee Yennu paŋe.

1 Korint teeb 1:23

timm ŋanin mɔɔntir ki wantib biaŋinba ki Masia kpo dapunpunn paak nee, ki maan maŋ dont Juu teeb wutoa, ki bia tee jatmaan ki teen binba ki tee Juu teebi.

Efesus teeb 2:16

U dapunpunn paak kuun maŋ te ki u biir dataar maŋ bi sinsuuk ni, ki jiib ki taamm booru yenɔkɔɔ ki jen namm Yennu boor ni.

Efesus teeb 5:2

ki ŋaan ki loomm-ii dia-i kaman nan Masia nba din loont bonchiann ki gaar ti paak ki kpo ki teen mannu nba ki Yennu loon na.

Filipi teeb 1:6

Li paak, n ki mɔk birsuk nan Yennu nba din piin toonŋann i ni na, u sii diar nna mɔkmɔk nan yoo nba ki u tan sa gbenn toonŋann maŋ Yisa Masia daar maŋ.

Filipi teeb 3:20

Ŋaan timm ŋanin tee Yendɔuŋ ni waase, ki jekir ki guu ti Tinntɔɔ, wunba tee ti Yomdaanɔ Yisa Masia, a wun nyi Yendɔuŋ ni baar.

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Hiibru teeb 1:13

Tɔn, Yennu daa ki mi bet malakasɔɔ a “Karin n nuudiitu po nna na mɔkmɔk ki man tan jii a datai na ki teemm a taakpakta.”

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

Hiibru teeb 10:14

Li paak, ŋɔɔ din mann marunyemmire ki te ki binba ki u nyinnib biit ni na be fanu yoo nba kaa gbennu.

Hiibru teeb 10:33

Sianyoo ni bi din tuu sukii-i paanu ni, ki daamii bonbiir, ki sianyoo i din tuu tan teen siir nan yin pukin binba ki bi din tun nna maŋ paak ki di namm nan li farawa.

Hiibru teeb 11:36

Ki niib din daan siab nyatuk, ki bia boob kpaasir; ki bi baan bi siab nan jarit, ki jiib saan kɔɔmm dansarii ni.

Hiibru teeb 12:3

Yin lek bikin wa din gaar naŋ biaŋinba biitdamm boor ni ki jii u tiauŋ. Li paak, i daa te ki i gbanu baŋŋit ki i nyikit yabiru.

Hiibru teeb 13:13

Li paak, ŋaant ki tin nyi ki saan u boor ni man, ki sak feidinu u paak.

Hiibru teeb 5:9

ki din tan gbenn fara dinu maŋ, ki te ki binba kur saak u mɔb na la tinnu nba kaa gbennu.

Hiibru teeb 7:19

kimaan Moses sennu maŋ din kan fit te ki siar be fanu. Ŋaan mɔtana ti ji mɔk linba turit dindann nba chee na, ki li nie ki ti chat nakin Yennu boor ni.

Hiibru teeb 8:1

Barii na barnɔɔk want nan ti mɔk mantɔyudaanɔ nba tee nna mun, ki kar Yennu nba mɔk paŋ kur na naangbouŋ nuudiitu po Yendɔuŋ ni,

Hiibru teeb 9:28

Li paak, Masia nba din jii u mɔŋ mann marouŋ yomkɔɔ ki nyinn nifosaarii bonchiann biit na tan sa jena, ki ji tan kan boi biit po kaa, ŋaan u tan sa tinn binba guu-u nan bi para kur nee.

Jeems 2:1

N naa waas, ya teen ti Yomdaanɔ Yisa Masia wunba tee paŋ daanɔ na yada biaŋinba, i daa mɔk ningannii.

1 Piita 1:11

Masia Seyeeŋ nba din be bi ni din wannib a u tan sa la fara; ki li poorpo ki u bia tan sa la nibaakir bonchiann; ki bi koor ki loon bin bann yoo nba ki li tan sa tun, ki bia loon bin bann la tan sa tun biaŋinba.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

1 Piita 3:22

U saan Yendɔuŋ nie ki be Yennu nuudiitu po, ki malakanba nan yentdamm kur saak u mɔb.

Juud 1:21

kii tee niib nba ki Yennu loomm, kii guu yoo nba ki ti Yomdaanɔ Yisa Masia sa turi manfoor nba kaa gbennu, u ninbatinu paak.

Fiitu 1:11

ki betin a n sɔb linba ki n laat na ki teen gbouŋ ni ki nakin ki tur Masiaweira nba be digbana ŋannlore: binba be Efesus nan Simirna nan Pegamum nan Tiataira nan Saadis nan Filadelfia nan Laodisea na.

Fiitu 1:17

Ma lau yoonba ki n baa dɔɔr u tɔɔnn kaman nan kpeemɔ na. Ki u jii u nuudiitu ki yii n paak, ŋaan yet a “Daa tiin jaŋmaanii; mine tee bont kura pinpiik nan li gbennu;

Fiitu 1:8

Ti Yomdaanɔ Yennu wunba mɔk paŋ kur, ki be, ki din be, ki bia tan sii be yoo nba kaa gbennu, ŋɔɔe yeen a “Mine tee bont kura pinpiik nan li gbennu.”

Fiitu 2:8

Ki wunba ki n lau na bia betin a n sɔb labaar na ki tur u weira nba lakin be Simirna doo ni na malaka a “Labaar na nyii wunba tee bont kura pinpiik nan li gbennu na boor ni; ŋɔɔe din kpo ki tan bia fiir kuun ni na;