Hiibru teeb 12:11 - Yennu Gbounpaauŋ Mɔɔr

¹¹ Tubdatu yoo tone, li ki mɔk parpeenni, ŋaan li poorpoewa ki binba dii tubdatu fara na ji tuu la nyɔɔt nba tee parmaasir nan yentinu binbeŋ.

Yennu Gbouŋ Mɔɔr

¹¹ Tubdatu yoo tone, li ki mɔk parpeenni, ŋaan li poorpoewa, ki binba dii tubdatu fara na ji tuu la nyɔɔt nba tee parmaasir nan yentinu binbeŋ.

Hiibru teeb 12:11 ပူးပေါင်းရင်းမြစ်များ

Rom Teeb 14:17

Kimaan Yennu naan labaar ki tee jeetdinu amii nyunu labaar kaa, ŋaan li tee popeenn nan parmaasir nan parpeenn yar nba ki Yennu Seyeeŋ turite.

2 Korint teeb 4:17

Li paak, farmintik nba ki ti di ki li kan yukiri, li tan sa baar nan parpeenn nba yab ki kaa gbennu ki turit, ki parpeenn maŋ tan sii yab ki gar ti fardinu na bonchiann,

2 Timoti 4:8

Li paak, ki nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ wunba bu niib buut nan barmɔnii na tan sa turin nyɔɔt maŋ Daar maŋ daar. U tan kan tur min kuukɔɔ kaa, ŋaan u tan sa tur binba kur mun loon ki wun jen na.

Hiibru teeb 12:10

Ti baanba nba be tingbouŋ na ni jikit yoo waaminna ki daar ti tuba ba loon biaŋinbae, ŋaan Yennu ŋanin daar ti tuba ti mɔŋ sommir paake, a ti binbeŋ-n ŋamm kii yeen kaman nan ŋɔɔ Yennu binbeŋ na.

Hiibru teeb 5:14

Ŋaan jeŋmankat tee saakab yare, ŋamm tuu tumii ki fit bann linba tee bonbiir nan linba tee bonŋann.

1 Piita 1:6

Li paak, i mɔk parpeenn; li-i lekii tee a i mɔk parbiir yoo waaminna mɔtana kimaan ya la farbooru booru na paak, i mɔk parpeenne.

2 Piita 2:14

Bi-i la poochonchonn, bi ki nyikit u bandakiri, ki bia kan nyik bi biiti. Bi kpann niib nba ki mi Yennu sɔnu fanue ki boontib. Bi para ni, bi tumii nianchiauŋo, ki te ki Yennu mɔtomm be bi paak.