Hiibru teeb 11:7 - Yennu Gbounpaauŋ Mɔɔr

⁷ Nowa yada paake din te ki u gbat Yennu kpaanii, barii nba ki u daa din kan fit lar nan u nunbinn na po. U din sak Yennu mɔb ki kpaa ŋarungbeŋŋir ki ŋɔɔ nan u ŋaateeb kɔɔ leŋ ki tinna. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinɔ.

Yennu Gbouŋ Mɔɔr

⁷ Nowa yada paake din te ki u gbat Yennu kpaanii ki jiin bona nba ki u daa kan fit lar nan u ninbinn na po. U din sak Yennu mɔb ki kpaa ŋaringbeŋir, ki ŋɔɔ nan u ŋaateeb kɔɔ leŋ ki tinn. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinnɔ.

Hiibru teeb 11:7 ပူးပေါင်းရင်းမြစ်များ

Matiu 2:12

Tɔn, ki Yennu din pak ki turib bi dammiit ni, a bi ji daa ŋmat Bat Herod boor ni; li paak, ki bi ji din tɔkin sanjogauŋ ki ŋmat kun bi doo ni.

Matiu 24:15

“I tan sa la bonbiirkar nba ki Yennu sɔkinii Daniel din yet li po na, a linba ki Yennu kɔɔ na, ki li tan sii see Yennu jiantu ŋasaakak ni.” (Wunba kur tan karin sɔbu na, wun bann la want linba.)

Matiu 24:25

Gbiintir man, n poŋ dɔŋ betiewa, ki yoo maŋ daa ki baari.

Matiu 24:38

Nowa yoo maŋ, yoo nba ki nyunchiauŋ din daa ki baari, ki niib din di jeet ki nyu, ki kɔɔnt poob, ki jikit bi waas ki teemm jab, ki tan tuu daar nba ki Nowa din kɔɔ ŋarungbeŋŋir ni.

Matiu 3:7

Wa din tan la ki Farisiinba nan Sajusiinba bonchiann ki bi mun baat u boor ni a wun wurib Yennu nyunwuru na, ki u betib a “Yimm walabirii na! Ŋmee kpaani a yii tin ki nyi Yennu wutoor nba yaa lin baar i paak na ni?

Barŋanii nba ki LUK din sɔb nae na 17:26

Nowa yoo nba din tee biaŋinba na, li mun bia tan sii tee nnee min nisaarik Bik baaru yoo.

Rom Teeb 1:17

Barŋanii maŋ want nan Yennu yet a nirɔ tee niŋanɔ u tɔɔnn, yada teenu paake; nee nyii paanu ki tur binba teen Yisa yada, kaman nan la sɔb u gbouŋ ni biaŋinba na a “Wunba teen niŋanɔ Yennu boor u yada na paak, li daanɔ sii mɔk manfoor nba kaa gbennu.”

Rom Teeb 10:6

Ŋaan binbenŋaŋ nba waa yada teenu na paake, Yennu gbouŋ yet nnee a “A daa dukii a par ni a Ŋmee tan sa do Yendɔuŋ ni?” (Li paak tee a Ŋmee sa do Yendɔuŋ ni ki te ki Masia-n siki?)

Rom Teeb 3:22

Yennu te ki nisaarii kur nba teen Yisa Masia yada nee tee niŋamm u tɔɔnn, li nyii ba teen Yisa Masia yada nie, ki lukitin kaa,

Rom Teeb 4:11

U din pota, ŋaan u potu maŋ tee siara nba want nan u yada maŋ paake ki Yennu poŋ din jiiu ki u tee niŋanɔ, li poorpoewa ki u ji tan pot. Li paak, binba kur tee Yennu yada ŋaan ki pot na, Abraham tee bi baae; ba tee Yennu yada paake, ki Yennu yib niŋamm.

Rom Teeb 4:13

Yennu din senn mɔsonn ki tur Abraham nan u yaaboona a tingbouŋ na tan sii tee bi yare, li din ki tee nan Abraham nba waa sennu na paak kaa ki Yennu senn li mɔsonni, ŋaan li din tee u yada paake nan Yennu nba din jiiu ki u tee niŋanɔ u tɔɔnn na.

Rom Teeb 9:30

Tɔn, ti sa yet nlee? Binba ki tee Juu teeb na din ki kor a bin teen niŋamm Yennu boori, ŋaan ki Yennu yet a bi tee niŋamm u tɔɔnn, bi yada na paak.

Galasia teeb 5:5

Ŋaan timm teen Masia yada, ki u Seyeeŋ mun be ti ni; li paak, ti mɔk dindann ki guu yoo nba ki Yennu sa yet a ti tee niŋamm u boor.

Filipi teeb 3:9

kii set kii be nanɔ nan barmɔnii. N ji ki mɔk n tiauŋ yentinu booru nba tee sennu weiu na kaa. Mɔtana, ma teen Yisa Masia yada nee ki n gaar yentinu booru nba na, li yentinu tee yada paake, ki nyi Yennu boor ni na.

Hiibru teeb 11:1

Yada tee, ta ki mɔk birsuk nan bont nba ki ti mɔk dindann li paak na set be ŋaan daa ki lar nan ti ninbinn nee.

Hiibru teeb 12:25

Li paak, i mi man ki i yêt wunba kpaani na mɔb, kimaan Israel teeb nba din yêt wunba din kpaamm tingbouŋ na ni mɔb na, u din tan ki nyik bi tubdatu; ki ti-i yêt u kpaanii nba nyii Yendɔuŋ ni na, ti tan sa teen nlee ki nyi tubdatu ni?

Hiibru teeb 5:7

Tɔn, Yisa nba din be tingbouŋ na ni yoonba na u din mei Yennu ki barimɔ, ki bui nan ninnyuut Yennu nba sa fit fatɔ kuun ni na boor ni. Ki wa din baakit Yennu na paak ki Yennu din gbat u miaruwa.

Hiibru teeb 8:5

Ba tuun linba na tee Yendɔuŋ ni diiuk toona siara ninnauŋo; Moses nba din tun linba na din naan nnee; kimaan Moses nba din yaa wun faa Yenjiantu lanbouŋ yoonba na, Yennu din kpaanɔ ki yet a “A tun bonsiar kur kaman nan ma wanna jɔɔr na paak biaŋinba na.”

1 Piita 3:20

ŋamm din tee niib nba din ki sak Yennu mɔb yoo nba ki u din dii sukuru Nowa yoo na, yoo nba ki ŋɔɔ Nowa din ŋamm ŋarungbeŋŋir; ki niib banniin kuukɔɔ din kɔɔ ŋaruŋ maŋ ni ki tinn nyun ni na.

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

2 Piita 2:5

Nnee biak, u din ki nyik yaayoo ni tingbouŋ niib na. U din te ki nyume dii tingbouŋ maŋ, ki kpii binba kur ki tiinɔ na, ŋaan tinn Nowa, wunba din mɔɔntir Yenweiu po, ki din tinn u ŋaateeb bannlore ki pukin u paak.

2 Piita 3:6

ki bia din te ki nyun dii tingbouŋ maŋ ki li biir.