Hiibru teeb 11:6 - Yennu Gbounpaauŋ Mɔɔr

⁶ Nirɔ-i kii teen Yennu yada, li yɔɔ kan fit penn ŋɔɔ Yennu par ni, kimaan wunba kur baat Yennu boor ni, li kpaa talas ki li yɔɔ-n teen yada nan Yennu set be ki teen binba loonɔ na nyɔɔt.

Yennu Gbouŋ Mɔɔr

⁶ Nirɔ-i kii teen Yennu yada, li yɔɔ kan fit penn ŋɔɔ Yennu pari, kimaan wunba kur baat Yennu boor, li kpaa talas ki li yɔɔ n teen yada nan Yennu set be, ki teen binba loonɔ na nyɔɔt.

Hiibru teeb 11:6 ပူးပေါင်းရင်းမြစ်များ

Matiu 11:26

kimaan nnee ki a tuun a toona ki li mana.

Matiu 5:12

Bi-i taŋŋi teei nna, yii mɔk parpeenn man bonchiann, kimaan i nyɔɔt tan sii yab Yendɔuŋ ni; nnee ki bi poŋ din mukis Yennu sɔkiniinba nba din be yaayoo ni na.

Matiu 6:16

“Li-i tee ki i yaa i lor mɔiie, ya daa biir i nunii po kaman nan kpinkpannii damm na, kimaan bi tuu biir bi nunii po, a sɔɔ kur-n la ki bann nan bi lor mɔiie. Barmɔniie ki n beeri na, bi poŋ gaar bi nyɔɔta.

Matiu 6:33

Ŋaant man ki i baka-ii be Yennu naan ni nan yentinu ni labaar, ki u sa jii bona nba na kur ki turi.

Matiu 6:5

“Li-i tee ki a yaa a miar Yennu, fa daa tuun kaman nan kpinkpannii damm na nba tuun biaŋinba na, kimaan bi loon bii see Yenjiantu diit nie, nan sɔnpaataa nba be doi ni, kii mei Yennu a niib-ii laatib. Barmɔniie ki n beeri na, bi poŋ gaar bi nyɔɔta.

Barŋanii nba ki MAK din sɔb nae na 16:17

Ŋaan binba teenin yada sa tun yaarlituk toona nee: bi sii taan n sann ki nyint narinbiit niib ni; ki bia pak barganii nba ki bi tuu ki mi piakii;

Barŋanii nba ki LUK din sɔb nae na 12:31

Li paak, ŋaant ki i baka-ii be Yennu naan ni, ki u sa jii bona nba na ki turi.

Barŋanii nba ki LUK din sɔb nae na 6:35

“Li paak, yii mɔk loomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, ya daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan biitdamm.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 8:24

Li paake te ki n yeti ma i sa kpo ŋaan kan poŋ la nyikinchabi; ki li-i tee ki i ki teen yada nan n tee ma tee wunba na, i set sa kpo ŋaan kan poŋ la nyikinchabi.”

Rom Teeb 10:14

Tɔn, niib-i kii teenɔ yada, bi sa teen nlee ki miarɔ sommir po? Ki bi-i kii gbat barŋanii maŋi, bi sa teen nlee ki teenɔ yada? ki bi-i kii mɔɔnt barŋanii maŋi, nlee ki niib sa gbat li po?

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

Hiibru teeb 11:26

U din dukin a bi-i sukiiɔ Masia paak, li mɔk nyɔɔt bonchiann ki chee Ijipt tiŋ ni mɔkint kura, kimaan u ninbinn din kpaa nyɔɔt nba baat na paake.

Hiibru teeb 3:12

Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

Hiibru teeb 4:2

Kimaan ti gbat barŋanii kaman nan ba mun din gbatir biaŋinba, ŋaan li din ki turib nyɔɔti, kimaan ba din gbatir yoonba bi din ki gaarir nan yada.

Hiibru teeb 4:6

Binba din gbat barŋanii na sinsinn na din ki la li foon, kimaan bi din yêt Yennu mɔb. Li paak, nisiab be ki tan sa la foon maŋ.

Hiibru teeb 7:19

kimaan Moses sennu maŋ din kan fit te ki siar be fanu. Ŋaan mɔtana ti ji mɔk linba turit dindann nba chee na, ki li nie ki ti chat nakin Yennu boor ni.

Hiibru teeb 7:25

Li paak, binba chat nakin Yennu, ŋɔɔ Yisa sann paak na, u sa fit tinnib mɔtana nan yoo nba kaa gbennu, kimaan u lek be u manfoor ni yoo kur, ki mei Yennu ki teemm.

2 Piita 1:10

N naa waas, Yennue yiini ki ganni, li paak, yi ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na i kan mi ki baa;

2 Piita 1:5

Linba na paak, yii yabir i mɔŋ ki pukin binbenŋaŋ i yada paak man; ki bia pukin Yennu bannu i binbenŋaŋ maŋ paak;

2 Piita 3:14

N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

Fiitu 21:8

Ŋaan jaŋmaanii damm, nan yadakanpɔɔna damm, nan biitdamm, nan nikpiirit, nan joonbaarit, nan jabaabura, nan patjiantdamm, nan fai damm kur, bi binbeboor tee bootuk nba gbee nan muu ki sarwuutaa di nann nee; ŋanne tee kuun munnlee na.”