Hiibru teeb 11:40 - Yennu Gbounpaauŋ Mɔɔr

⁴⁰ kimaan ti paake ki u din mantik dukii bonsiar nba chee na po, ŋanne tee a u sa te ki timm nan ŋamm-n tan lakin tee binba be fanu nan barmɔnii.

Yennu Gbouŋ Mɔɔr

⁴⁰ kimaan ti paake ki u din mantik dukii bonsiar nba chee na po, ŋanne ki u saa te ki timm nan ŋamm n tan lakin kii be fanu nan barmɔnii.

Hiibru teeb 11:40 ပူးပေါင်းရင်းမြစ်များ

Hiibru teeb 11:16

Ŋaan bi baka din be Yendɔuŋ ni digbann nba chee na poe. Ki li paak Yennu mɔk yuugontir nan bin yiinɔ bi Yennu, kimaan u poŋ din ŋamm dosaue ki guumm.

Hiibru teeb 5:9

ki din tan gbenn fara dinu maŋ, ki te ki binba kur saak u mɔb na la tinnu nba kaa gbennu.

Hiibru teeb 7:19

kimaan Moses sennu maŋ din kan fit te ki siar be fanu. Ŋaan mɔtana ti ji mɔk linba turit dindann nba chee na, ki li nie ki ti chat nakin Yennu boor ni.

Hiibru teeb 7:22

Li paak, nnee te ki Yisa tee wunba wann nan mɔsonn nba chee na kaa lotu.

Hiibru teeb 8:6

Ŋaan Yennu tur Yisa mannu toona nba chee bi mannu toona na, kaman nan u mɔlor nba chee ki be Yennu nan nisaarii sinsuuk ni biaŋinba na, kimaan u mɔlor maŋ gaa nan mɔsona nba chee nae.

Hiibru teeb 9:23

Li paak, li din tuu kpaa talase ki bin mann marouŋ ki ŋamm bona nba tee Yendɔuŋ ni bona ninnauŋ na; ŋaan marouŋ nba chee sa ŋamm Yendɔuŋ ni bona tiauŋ.

Fiitu 6:11

Ŋanne ki bi tur bi kur liatfopeenii, ŋaan yetib a “I toontunleeb nan i naa waas nba ki niib tan sa kpib kaman nan ba din kpii yimm biaŋinba na, yin foi waan kii guu yoo nba ki bi tan sa kpib ki gbenn.”