Hiibru teeb 11:26 - Yennu Gbounpaauŋ Mɔɔr

²⁶ U din dukin a bi-i sukiiɔ Masia paak, li mɔk nyɔɔt bonchiann ki chee Ijipt tiŋ ni mɔkint kura, kimaan u ninbinn din kpaa nyɔɔt nba baat na paake.

Yennu Gbouŋ Mɔɔr

²⁶ U din dukin a bi-i sukiiɔ Masia paak, li mɔk nyɔɔt bonchiann ki chee Ijipt tiŋ ni mɔkint kur, kimaan u ninbinn din kpaa nyɔɔt nba baat na paake.

Hiibru teeb 11:26 ပူးပေါင်းရင်းမြစ်များ

Matiu 10:41

Wunba gaar Yennu sɔkinii saauŋ nan wa tee Yennu sɔkinii na paaki, u tan sa gaar Yennu sɔkinii nyɔɔta; wunba gaar popeendaanɔ saauŋ nan wa tee popeendaanɔ na paaki, u tan sa gaar popeendaanɔ nyɔɔta.

Matiu 5:12

Bi-i taŋŋi teei nna, yii mɔk parpeenn man bonchiann, kimaan i nyɔɔt tan sii yab Yendɔuŋ ni; nnee ki bi poŋ din mukis Yennu sɔkiniinba nba din be yaayoo ni na.

Matiu 6:1

“I daa tuun i toonŋana a niib-n la ki pakiini, kimaan i-i tuun nna, i kan la nyɔɔt i Baa Yennu nba be sanpaapo na boor ni.

Barŋanii nba ki LUK din sɔb nae na 14:14

ki Yennu sa pukina li paak, kimaan bi kan fit jiina ba dii linba na paaki. Yennue tan sa jiina yoo nba ki niburchimm tan sa fiir kuunfiiru daar na.”

Barŋanii nba ki LUK din sɔb nae na 14:33

“Tɔn, nirɔ-i kii nyik u mɔkint kuri, u kan fit teen n poorpoweitɔɔ kaa.

Toona 5:41

Ŋann maŋe ki toomiinba maŋ nyii tituk kaanu na ni nan parpeenn, Yennu nba la ki bi jaŋ nan feidinu, Yisa sann paak na.

2 Korint teeb 12:10

Li-i tee Masia paak ki n di butuŋ, ki laat sukit, ki di fara nan muksuk, ki laat barii, n mɔk parpeenn, kimaan mi-i taŋŋi kii mɔk n tiauŋ paŋ yoonba na, li yooe ki n laat Masia paŋ.

2 Korint teeb 6:10

Ti mɔk parbiir ŋanin, ŋaan Yisa paak ti mɔk parpeenne yoo kura. Ti tee tariie, ŋaan timme te ki niib bonchiann tee mɔkita Yennu boor ni. Ti ki mɔk tingbouŋ na mɔkint siari, ŋaan ti mɔk linba gar mɔkita kura. Nanna kurae want nan ti set tee Yennu toontunnae.

Efesus teeb 1:18

N bia meiɔ ma wun yent i nummpo ki yin bann dindann nba paak ki u yiini na, ki bia bann nan bona nba ki u tan sa tur u niib nae ŋan bonchiann,

Efesus teeb 3:8

Yennu niib sinsuuk ni, mine tan joont wunba ki be kann ni, ŋaan Yennu tur mine yaak a man jii barŋanii mɔɔntii nba wantit Masia nba sii teent binba ki tee Juu teeb na bonŋana bonchiann biaŋinba,

Filipi teeb 3:7

Ki n din bo sa fit kan linba na kur kaman nan li mɔk nyɔɔte, ŋaan min yiin linba kaa nyɔɔte Masia paak.

Hiibru teeb 10:33

Sianyoo ni bi din tuu sukii-i paanu ni, ki daamii bonbiir, ki sianyoo i din tuu tan teen siir nan yin pukin binba ki bi din tun nna maŋ paak ki di namm nan li farawa.

Hiibru teeb 10:35

Li paak, i daa nyikit yabiru mani, kimaan i yabiru na baat nan nyɔchiauŋo.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu par ni, kimaan wunba kur baat Yennu boor ni, li kpaa talas ki li yɔɔ-n teen yada nan Yennu set be ki teen binba loonɔ na nyɔɔt.

Hiibru teeb 13:13

Li paak, ŋaant ki tin nyi ki saan u boor ni man, ki sak feidinu u paak.

Hiibru teeb 2:2

Labaar nba ki malakanba din mɔn ki tur ti yejamm na din tee barmɔniie, ki wunba din tuu ki sakir ki weir din tuu la tubdatu nba jaŋɔe.

1 Piita 1:11

Masia Seyeeŋ nba din be bi ni din wannib a u tan sa la fara; ki li poorpo ki u bia tan sa la nibaakir bonchiann; ki bi koor ki loon bin bann yoo nba ki li tan sa tun, ki bia loon bin bann la tan sa tun biaŋinba.

1 Piita 4:14

Bi-i sukii-i Masia sann paak, parpeenn tee i yare, kimaan Yennu Seyeeŋ nba mɔk paŋ bonchiann be i ni.

Fiitu 2:9

ŋɔɔe yet a ‘N mi i fara po, ki bia mi nan i tee nandamme, ŋaan mɔmɔmm, Yennu boor ni, i tee mɔkitae; ki n mi nan nisiab piak ki biir i sana, ki bia yaa a bi tee Juu teebe, ŋaan ki ki tee nna; bi tee Sintaanii niibe.

Fiitu 3:18

Li paak, n kpaaniie a yi daa sarima nba tee sarinmɔnna n boor ni ki set la mɔkint, ki bia daa tapeenii ki dɔkin i fei na, ki bia daa kpan ki baŋ i ninbina na kii laat.