Hiibru teeb 11:13 - Yennu Gbounpaauŋ Mɔɔr

¹³ Niib nba na kur din tuu tan kpo nan bi yada ŋaan daa ki gaar Yennu nba din senn mɔsonn linba a u sa turib na, ŋaan bi yada maŋ paak, bi din dɔŋ lar banfɔkirewa, kimaan bi din bann ki sak nan bi tee saamme ki tee nitintaaka tingbouŋ na ni.

Yennu Gbouŋ Mɔɔr

¹³ Niib nba na kur din tuu tan kpo nan bi yadae, ŋaan daa ki gaar Yennu nba senn mɔsonn a u saa turib linba na, ŋaan bi yada maŋ paak, bi din dɔŋ lar banfɔkirewa, kimaan bi din bann ki sak nan bi tee saamme, ki bia tee nitintaaka tingbouŋ na ni.

Hiibru teeb 11:13 ပူးပေါင်းရင်းမြစ်များ

Matiu 13:17

Ŋaan barmɔniie ki n beeri, Yennu sɔkiniinba nan yentina bonchiann din loon bin la linba ki i laat na, ŋaan din ki laati; ki bia din loon bin gbat labaar nba ki i gbia na, ŋaan din ki gbati.”

Jɔɔnn 12:41

Aisaya din yet nna, kimaan u din la u yentchiauŋ, ki din bunt buntir ki jikit saa u po.

Jɔɔnn 8:56

I chanbaa Abraham din mɔk parpeenn bonchiann, kimaan u yaa wun tan la yoo nba ki n sa sik tingbouŋ na ni; ki u set tan la li yoo maŋa, ki li maŋŋɔ.”

Rom Teeb 4:21

U mantik din teen Yennu yada ki ki birisi, ki mi nan Yennu nba senn biaŋinba, u set sa fit tuma.

Rom Teeb 8:24

Ta la tinnu nee ki ti mɔk dindann na. Tɔn, nirɔ-i la linba ki u bo mɔk dindann li paak na, ŋann ŋanin, li ji ki tee dindann. Ki ŋmee jin sii mɔk dindann nan linba ki u poŋ lar paaki?

2 Korint teeb 4:18

kimaan ti baka kaa linba ki ti laat na po kaa, ŋaan ti baka be linba ki ti ki laat na poe; kimaan linba ki ti laat na, li kan yukiri ki li tan sa gar, ŋaan linba ki ti ki laat na ŋanin tan sii be nan yoo nba kaa gbennu.

2 Korint teeb 5:6

Li paak, ti mɔk parcheenn yoo kura, ki bann nan ti sei-i be tingbouŋ na gbanant na ni, ti kaa sanpaapo ti Yomdaanɔ boor ni;

Efesus teeb 2:19

Mɔtana, yimm nba ki tee Juu teeb nan Yennu niib tee tiŋ yeŋkɔɔ waase, ki ji tee Yennu ŋaateeb; i ji ki tee saamm kaa.

Hiibru teeb 11:14

Niib-i yeen linba na, li set fiit ki want nan bi lek daa gorii bi tiauŋ digbann siar poe.

Hiibru teeb 11:17

Yoo nba ki Yennu din bikin Abraham na, u yada paake biak ki u din jii u bija Aisak, a wun mann mannu ki tur Yennu. Gotir, ŋɔɔ Abraham nba din gaar Yennu mɔsona maŋ na, u tiauŋ bia din jii u bijayemmir a wun mann mannu tur Yennu.

Hiibru teeb 11:27

Ŋɔɔ Moses yada paake din te ki u nyii Ijipt ki ki jee bat na wutoor jaŋmaanii, ŋaan lek saa tɔɔnn kaman nan u la Yennu nba ki sɔɔ ki laatɔ nan ninbinn na.

Hiibru teeb 11:39

Binba na kur yada paake ki Yennu din pakib, ŋaan ki bi din ki gaar linba ki u din senn mɔsonn a u sa turib na,

1 Piita 1:1

Min Piita nba tee Yisa Masia toomii nee sɔbin gbouŋ na ki teen Masiaweira nba yat ki be Pontus nan Galasia nan Kapadosia nan Asia nan Bitinia tinii ni ki tee saamm na.

1 Piita 1:17

Li-i tee ki i mei Yennu, i yiu Baae; ŋɔɔe bu niib kur buut kaman nan ba tun biaŋinba na, ki ningannii kaa; li paak, yoo nba kur ki i be tingbouŋ na ni, yii tiinɔ man.

1 Piita 2:11

N naa walonkai, ya tee saamm tingbouŋ na ni na, n kpaaniie a yi nyik gbanant loonbiit nba kɔn nan i sei na,

1 Jɔɔnn 3:19

Li-i tee ki ti tuun nna, ŋanne ki ti sa bann nan ti waa barmɔnii wannu, ki bia sii mɔk parcheenn Yennu boor.