Hiibru teeb 11:10 - Yennu Gbounpaauŋ Mɔɔr

¹⁰ Kimaan Abraham din guu a wun tan kɔɔ Yennu nba din bɔɔn doo nba ki maa na, ki li doo tee linba sii yɔɔ ki be.

Yennu Gbouŋ Mɔɔr

¹⁰ Kimaan Abraham din guu a wun tan kɔɔ doo nba ki Yennu bɔɔn ki maa na nie, ki li dooe tee linba sii yɔɔ be.

Hiibru teeb 11:10 ပူးပေါင်းရင်းမြစ်များ

Jɔɔnn 14:2

Diit bonchiann be n Baa Yennu ŋaak ni, ki n kun ma n sa teen i diit siir. Li-i bo-i kii tee barmɔnii, n bo kan betiini.

2 Korint teeb 5:1

Kimaan ti mi nan gbanant nba ki ti mɔk mɔtana na-i taŋŋi kpo, ti mɔk ŋei nba ki Yennu sa turit sanpaapo, ki li ki tee nifosaarik kaa maa ŋei maŋi, ki li bia tan sii be nan yoo nba kaa gbennu.

Filipi teeb 3:20

Ŋaan timm ŋanin tee Yendɔuŋ ni waase, ki jekir ki guu ti Tinntɔɔ, wunba tee ti Yomdaanɔ Yisa Masia, a wun nyi Yendɔuŋ ni baar.

Hiibru teeb 11:16

Ŋaan bi baka din be Yendɔuŋ ni digbann nba chee na poe. Ki li paak Yennu mɔk yuugontir nan bin yiinɔ bi Yennu, kimaan u poŋ din ŋamm dosaue ki guumm.

Hiibru teeb 12:22

Ŋaan yimm ŋanin baar jɔɔr nba yaa sann yi Sion, linba tee manfodaanɔ Yennu doo nba tee Yendɔuŋ ni Jerusalem, siaminba ki malakanba tusa tusa lakin nan parpeenn.

Hiibru teeb 12:28

Li paak, ta gaar naan nba kan mi ki nik na paak, yi ŋaan ki tii teen Yennu niipoouk man, ki jiantɔ nan nibaakir nan jaŋmaanii ki u numm-n gboo,

Hiibru teeb 13:14

Kimaan doo nba sa biar kaa tingbouŋ na ni; dosau nba baat nee ki ti guur.

Hiibru teeb 3:4

Ŋaak-i taŋŋi see, sɔɔe sennir; li paak Yennue sent bonsiar kura.

Fiitu 21:2

Ki n la Yennu doo nba tee Jerusalem paann na, ki li nyii Yennu boor Yendɔuŋ ni, ki siik, ki tee kaman nan pooyookir nba tuu teen siir ki faŋŋit u mɔŋ ki tookit u jɔɔ nba yaa wun kɔɔnɔ na.