Hiibru teeb 10:25 - Yennu Gbounpaauŋ Mɔɔr

²⁵ ki daa nyikit lakina nan ti leeb kaman nan nisiab nba nyikit lakinu biaŋinba na, ŋaan i sommit leeb man, ki mantik tee ta ji laat ki ti Yomdaanɔ daar maŋ nyarii naki biaŋinba na paak.

Yennu Gbouŋ Mɔɔr

²⁵ ki daa nyikit lakinu nan leeb, nan siab nba nyikit biaŋinba na, ŋaan ii sommit leeb man, taa ji mantik laat ti Yomdaanɔ daar maŋ nba nyarii nakii biaŋinba na paak.

Hiibru teeb 10:25 ပူးပေါင်းရင်းမြစ်များ

Matiu 10:15

Barmɔniie ki n beeri na, daar nba ki Yennu tan sa bu niib buut na, doo maŋ niib tubdatu tan sa gar Sodom teeb nan Gomora teeb yara.

Matiu 18:20

Kimaan siaminba ki niib bannlee amii banntaa taan lakin n sann ni, leŋe ki n mun bia be bi sinsuuk ni.”

Jɔɔnn 12:48

Ki wunba yêenin ki ki saak n maan na, bonte be ki sa bu u buut; maan nba ki n pak ki u ki sak nee tan sa bu nanɔ dunia gbennu daar.

Toona 16:16

Dasiar ki ti tan ŋmat saa Yenmiarboor na, ki sapaandaabir nna din mɔk u yomdamm, ki tan chetit. Ki narinbiiuk din be u ni ki yentɔ, ki narinbiiuk maŋ din teenɔ ninnyɔɔntɔɔ. U ninnyɔɔnsin maŋ ni, u din laat likirii bonchiann ki teen u damm na.

Toona 2:1

Tɔn, jaamm nba ki bi yir Pentekost daare baar; daar maŋe ki Yisaweira kura lakin taan leeb boyennkɔɔ ni.

Toona 2:42

Ki bi ŋammit ki lek tumii ki bant toomiinba maŋ wannu, ki bi jii bi yoo ki taan dia leeb nan mɔtaauk, ki lakint ki di jeet, ki bia tikii mei Yennu.

Toona 20:7

Tɔn, ki foon daar dajouk ki ti tikir leeb, ki taan nan Yisaweira nba be leŋ na, a ti di ti Yomdaanɔ jeet. Ki Pɔɔl mɔɔnt Yennu maan dik dik dik nan tansuunii, kimaan la sa yent, ki wun gar na paak.

Rom Teeb 12:8

li-i tee ki a kpaan a leeb kpaanii, fan tun nna; fin nba mun pi piinii, i tuun nna kaman nan burchimɔ na; wunba mun mɔk yaak niib paak, li ŋan wun tun yaak toonn maŋ bonŋann; ki wunba mun mɔk ninbatinu nan niib, li ŋan wuu mɔk ninbatinu nan parpeenn.

1 Korint teeb 11:20

Li-i tee ki i lakin leeb ki di, li ki tee ti Yomdaanɔ jeet kaa ki i dii.

1 Korint teeb 14:23

Masiaweira kur-i lakin leeb, ki sɔɔ kur piin piak barganii, ki binba ki tee Masiaweira amii binba ki bann li po tan kɔɔ, bi kan yet a i waatee?

1 Korint teeb 14:3

ŋaan wunba sɔkint Yennu maan ki teen niib, u teemm paŋe, ki kɔɔntib para, ki bia teemm parpeenn.

1 Korint teeb 3:13

Masia baaru daar maŋ nie, ki sɔɔ kur toona nba tee biaŋinba tan sa nyi paanu. Muue tan sa fiit wannir, ki bikin sɔɔ kur toona ki wann la tan sii tee biaŋinba.

1 Korint teeb 5:4

Ti Yomdaanɔ Yisa sann paak, n seek nan yimm-i taŋŋi lakin, ti Yomdaanɔ Yisa paŋ ni,

Filipi teeb 4:5

Yi ŋaan ki sɔɔ kur-n bann i niŋantin po. Ti Yomdaanɔ baate mɔtana.

1 Tesalonika teeb 4:18

Li paak, yii dia mɔmaan na kii maant i leeb para man.

1 Tesalonika teeb 5:11

Li paak, yii kɔɔnt i leeb para ki somm i leeb kaman nan ya tuun biaŋinba mɔtana na.

Hiibru teeb 10:24

Yi ŋaan ki tin yabir ki fiin leeb loomm nan bi toonŋana,

Hiibru teeb 10:37

Li sɔb Yennu gbouŋ ni a “Li tenn yoo waaminnae ki wunba baat na sa baar, ki kan yukir nan baaru.

Hiibru teeb 13:22

N naa waas, n barimiie, yi di sukuru ki gbiint kpaanii na; kimaan ma sɔb gbouŋ nba turi na ki fɔki.

Hiibru teeb 3:13

Ŋaan i sommit leeb man daar-n tuu daar, ta daa be ti manfoor ni yoonba na, ki biit daa kpanni ki i tee tubkangbata damm.

Jeems 5:8

Li paak, i mun-ii mɔk gbankur, ki chee i para kimaan ti Yomdaanɔ baaru daar per na.

1 Piita 4:7

Bont kura gbennu ji ki fɔk; li paak, yi soor i mɔŋ kii sub kii mei Yennu.

2 Piita 3:11

Ki bont na kur nba tan sa di muu nna na, i dukin sɔɔ li ŋan ki yii tee niboor bee mani? Li ŋan ki yii mɔk binbenyeeŋ, kii tiin Yennu,

2 Piita 3:14

N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

2 Piita 3:9

Nisiab dukii a li tan sa yukir nan ti Yomdaanɔ-n tun mɔsonn nba ki u din senn na, ŋaan li ki tee nna; li tee a u mɔk sukuru nani; u ki loon ki sɔɔ-n tan mann kɔɔ muu ni, u loon ki sɔɔ kur-n nyik u biite ki la tinnu.

Juud 1:19

Li niboorue baat nan bɔkitu i sinsuuk ni; bi gbanant loomm kuukɔɔe diab, Yennu Seyeeŋ kaa bi ni.