Hiibru teeb 1:3 - Yennu Gbounpaauŋ Mɔɔr

³ Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

Yennu Gbouŋ Mɔɔr

³ Ŋɔɔe tee Yennu mɔŋ mɔŋ ninnauŋ, ki yentir Yennu maŋ yentu na, ki dia durinya yaka kur nan u mɔmaan nba mɔk paŋ. Waa din tun linba saa te ki niib n la nyikinchab bi biit paak yoo nba na, ki u ji kar Yabint Yennu niidiitu po, Yendɔuŋ ni.

Hiibru teeb 1:3 ပူးပေါင်းရင်းမြစ်များ

Matiu 22:24

Ki bi din bet Yisa a “Wanntɔɔ, Moses din wann nan a li-i tee ki jɔɔ kɔɔn u poo ŋaan kpo ki ki mar biki, a u ninja-n faar u pakɔɔk maŋ ki mar waas tur kpeemɔ na.

Barŋanii nba ki MAK din sɔb nae na 16:19

Tɔn, ti Yomdaanɔ Yisa nba pak barii na ki gbenn yoonba, ki Yennu te ki u doo sanpaapo ki saa kar ŋɔɔ Yennu nuudiitu po.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 1:29

La yent sanyiɔk, ki Jɔɔnn maŋ la Yisa ki u baat, ki u bet niib na a “Gotir man! Yennu marouŋ pebikii na. Ŋɔɔe sa nyinn tingbouŋ na ŋaateeb biit.

Jɔɔnn 1:4

ki u nie biak ki manfoor be, ki u jikit ki teen niib, ki li manfoor maŋe tee niib yentu,

Toona 2:33

Ki Yennu bia donnɔ a wun kar u niidiitu po. Wa kar yoonba ki u gaar Yennu Seyeeŋ nba ki Yennu din senn mɔsonn ki yaa a u tan sa turit na, ki sikin ti ni bonchiann. Tɔn, mɔtana, li Seyeeŋe ki i laat ki bia gbia ti ni na.

Toona 7:56

ki u yet a “Gotir, n la ki sanpaapo loot ki nisaarik Bik see Yendɔuŋ ni, Yennu niidiitu po.”

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

Rom Teeb 8:34

Ŋmee be ki sa bu bi buut ki biiribi? Sɔɔ kaa. Yisa Masia wunba din kpo ki fiir kuun ni na amii? Yisa Masia wunba be Yennu niidiitu po ki tee ti sindantinnɔ na amii?

2 Korint teeb 4:4

Bi ki teen Masia yada, kimaan Sintaanii nba ki tingbouŋ na niib jiantirɔ na dɔkint bi dudukite. Ŋɔɔe dɔkint bi nunii po a bi daa laat yentu nba dɔkit bi paak na. Li yentu nyi barŋanii nba want Masia paŋ na boor nie; ŋɔɔe tee Yennu naauŋ.

Kolosa teeb 3:1

I din fiir nan Masia kuun ni, li paak yi jii i para gaan nan sanpaapo bona, siaminba ki Masia kar Yennu niidiitu po na.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 1:13

Tɔn, Yennu daa ki mi bet malakasɔɔ a “Karin n nuudiitu po nna na mɔkmɔk ki man tan jii a datai na ki teemm a taakpakta.”

Hiibru teeb 10:12

Ŋaan Masia ŋanin din mann marouŋ yomkɔɔe, linba mɔk yikoo yoo kur biit paak, ŋaan ŋmat doo Yendɔuŋ ni ki kar Yennu nuudiitu po.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 4:14

Li paak, ŋaant man ki tii dia ti yada nba ki ti fiit wann na kenken, kimaan ti mɔk mantɔyudaanjaann, ŋɔɔe tee Yennu Bija Yisa wunba poŋ gar saan Yennu tiauŋ boor ni na.

Hiibru teeb 7:27

Manteyudaanleeb na din tuu mann marouŋ daar-n tuu daar bi tiauŋ biit paak sinsinn, ki bia mann marouŋ ki tur niib; ŋɔɔ Yisa ki tee nna kaa; u din jii u mɔŋ ki mann marouŋ yomkɔɔe, ŋaan ki li marouŋ gbenn ki tur sɔɔ kura.

Hiibru teeb 8:1

Barii na barnɔɔk want nan ti mɔk mantɔyudaanɔ nba tee nna mun, ki kar Yennu nba mɔk paŋ kur na naangbouŋ nuudiitu po Yendɔuŋ ni,

Hiibru teeb 9:16

Tɔn, nirɔ-i sɔb u fadinu gbouŋ, see ki bi tan wann nan wunba sɔb fadinu gbouŋ na kpowa.

Hiibru teeb 9:26

Li-i diŋŋi bo-i tee nnaie, ŋann la din nyii dunia namu pinpiik niwa u din bo sa di fara taar bonchiann. Ŋaan mɔtana, yoo nba ji tan per joontu na ki u din dɔkit a wun jii u mɔŋ ki mann marouŋ ki kpeen biit.

1 Piita 1:21

U paake ki i teen Yennu yada; ŋɔɔe din fiinɔ kuun ni ki turɔ paŋ; li paak, ki i mɔk yada nan dindann Yennu boor.

1 Piita 3:22

U saan Yendɔuŋ nie ki be Yennu nuudiitu po, ki malakanba nan yentdamm kur saak u mɔb.

2 Piita 1:16

Ta poŋ din beti nan ti Yomdaanɔ Yisa Masia tee paŋ daanɔe, ki bia tan sa jena, labaar maŋ ki tee faak kaa, li tee barmɔniie. Ti ninbinae din la wa mɔk paŋ biaŋinba.

2 Piita 1:17

Ki ti din be nanɔ yoo nba ki ti Baa Yennu turɔ paku yentsaakar ni. Li yoo maŋe ki kunkɔr nyii ti yabint Yennu nba tee yentsaakar daanɔ boor ni ki yet a, “N Bilonkakii na, wunba ki n numm gboou nee na.”

1 Jɔɔnn 1:7

Ŋaan li-i tee ki ti waa yentu sɔnu yoo kur, kaman nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yisa sɔme yentir ti para ni biit kur.

1 Jɔɔnn 3:5

I mi nan Yisa Masia din sik baar tingbouŋ na ni a wun nyinn niib biite; ki biit kaa u ni.

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan yoo nba kaa gbennu. Mɔmɔmm.

Fiitu 3:21

Wunba nyann nyannu na, n sa turɔ yaak ki wun tan lakin kar nanin n naangbouŋ na paak, kaman nan ma nyann nyannu kur ki lakin kar nan n Baa Yennu u naangbouŋ na paak biaŋinba na.

Fiitu 4:11

“Ti Yomdaanɔ Yennu, li jaŋ nan tin jianta, ki tura nibaakir nan pakuwa, kimaan fine din nan bont kura. A loomm paake ki a naauŋ maŋ kur be, ki mɔk manfoor.”