Hiibru teeb 1:2 - Yennu Gbounpaauŋ Mɔɔr

² ŋaan mɔtana u te ki u Bija nba ki u gannɔ a wun yent bonsiar kur na poŋ pak nan timm; ki u din te ki u Bija maŋ nan dunia kur.

Yennu Gbouŋ Mɔɔr

² ŋaan mɔtana u te ki u Bija nba ki u gannɔ a wun yent bonsiar kur nae pak nan timm. U din te ki u Bija maŋe nan durinya na kur.

Hiibru teeb 1:2 ပူးပေါင်းရင်းမြစ်များ

Matiu 13:39

Dataak nba bur dinatimii na mun tee Sintaanii; ki dijaan yoo na tee dunia na gbennu yoo; ki dijaanteeb na mun tee Yennu malakanba.

Matiu 17:5

Ki Piita mɔb daa ki baa tiŋi, ki sanpagbanpeeuŋ sik bakin bi paak; ki bi gbat kunkɔsiar nyii sanpagbann na ni, ki yet a “N Bilonkakii na, wunba ki n numm gboou na, gbiintir u mɔb man.”

Matiu 21:38

Ŋaan toontunna na nba din tun ninbinn ki la u bija na ki u baat na, ki bi bet leeb a ‘U fadiirɔe na; ŋaant tin kpiu man, ŋaan ki faar na-n kpant ti yar.’

Matiu 26:63

Ŋaan ki Yisa ki jiin siari. Ki Yennu jiantu yudaanɔ maŋ ŋamm boiɔ “Betirit manfodaanɔ Yennu paak, fine set tee u Niganntɔɔ Masia ki bia tee u Bija na-aa?”

Matiu 28:18

Ŋanne ki u chat ki nakimm, ŋaan yet a “Yennu turin sanpaapo nan tiŋ ni yent kurawa.

Matiu 3:17

Ki kunkɔr nyii sanpaapo ki yet a “N Bilonkakii na, ŋɔɔe ki n numm gboou.”

Barŋanii nba ki MAK din sɔb nae na 1:1

Ŋanne tee Yennu Bija Yisa Masia barŋanii na.

Barŋanii nba ki MAK din sɔb nae na 12:6

Kpadaanɔ maŋ tiauŋ bilonkak din tan biar, ki u tumɔ toontunna maŋ boor ni, ki yet a ‘Bi sa baak n tiauŋ bija nawa.’

Barŋanii nba ki MAK din sɔb nae na 12:7

Ŋaan ki toontunna maŋ yet bi leeb a ‘U fadiirɔe na, ŋaant tin kpiu man, ŋaan ki faar na-n kpant ti yar.’

Jɔɔnn 1:10

Wa din baar tingbouŋ na ni maŋ, ŋaan tingbouŋ na ŋaateeb lek taan ki bannɔ, ŋaan li din tee u nie setik ki Yennu din nan tingbouŋ na.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 1:3

ki u nie ki Yennu din nan bont kur, ki siar din kaa ki Yennu nan ki li ki nyii u ni,

Jɔɔnn 13:3

Ŋaan Yisa ŋarin din mi nan u Baa Yennu turɔ bont kur u nuu niwa, ki bia din mi nan u nyii u Baa Yennu peŋe, ki bia sa ŋmat u peŋa.

Jɔɔnn 13:32

Li-i tee ki Yennu la dontir n ni, li kan yukiri ki u mun sa te ki min nisaarik Bik-n la dontir u ni.

Jɔɔnn 15:15

N ji kan yiini daaba, kimaan daabir ki mi u yomdaanɔ dudukiti. Ma yi-i n yɔɔsinba na, kimaan labaar kur nba ki n gbat n Baa Yennu peŋ na, ŋanne ki n wanni.

Jɔɔnn 16:15

Linba kur ki n Baa Yennu mɔk, li tee n yare. Li paake teen ki n yaa ma Yennu Seyeeŋ sii jikit n labaar ki wanti.

Jɔɔnn 17:2

kimaan fine turin yikoo niib kur paak, a man fit lian tur niib kur nba ki a turin maŋ manfoor nba kaa gbennu.

Jɔɔnn 3:16

Kimaan Yennu mantik din loon timm tingbouŋ na niib bonchiann; li paak, ki u turit u Bijayemmir, ki wunba teen u Bija maŋ yada u tan kan kɔɔ muu ni, ŋaan u sii mɔk manfoor nba kaa gbennu,

Jɔɔnn 3:25

Ŋanne ki mɔniɔk tan fiir Jɔɔnn maŋ poorpoweiteeb nan Juu nirɔ nna sinsuuk ni ki jikit saa Yennu nyunwuru po.

Jɔɔnn 5:26

N Baa nba yen manfoor ki teen niib na, nnee mun ki u te ki min u Bija mun yen manfoor ki teen niib,

Jɔɔnn 5:27

ki u bia teenin yikoo a mii bu niib buut, kimaan n tee nisaarik Bike.

Jɔɔnn 9:29

Ti mi nan Yennu din piak nan Moses, ŋaan nirɔ na ŋarin, ti ki mi wa nyii siami.”

Toona 10:36

I mi nan Yennu din tur Israel teeb u maan nba want barŋanii na po, a Yisa Masia nie ki timm nan Yennu maŋ nan leeb; ŋɔɔ Yisa Masiae tee ti kur Yomdaanɔ.

Toona 2:17

‘Yennu yet a: Dunia joontu yoo n tan sa tun nnee: n tan sii sikint n Seek sɔɔ kur paak, ki i bonjabis nan i sapaanbis tan sii sɔkint n maan, ki i naasimm mun tan sii laat yerintu, ki i jakpera tan sii damii damiit.

Rom Teeb 1:4

ki Yennu Seyeeŋ din wann nan paŋ nan u set tee Yennu Bija u kuunfiiru paake.

Rom Teeb 8:17

Ta set tee u waas na paak, ti sa la u bonŋann nba ki u bir ki guun u niib nawa; ti bia sa lakin nan Masia ki gaarira. Kimaan ti-i di fara Masia paak, u tan sa donnit u peŋa.

1 Korint teeb 2:7

Yan nba ki ti piak na tee Yennu woonin ni yan nba woon ki nirɔ ki mi, linba ki Yennu poŋ dɔŋ gann a wun donnit, ki sɔɔ ki dunia daa din ki nan na.

1 Korint teeb 8:6

ŋaan timm yaa boor ni ŋanin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo; ki Yomdaan-yenɔkɔɔe be, wunba tee Yisa Masia. U paake ki bonsiar kur nan; u paake biak ki ti fo.

Galasia teeb 4:4

Ŋaan yoo nba din tan jaŋ na, ki Yennu tun u mɔŋ mɔŋ Bija, ki poo din marɔ, ki u din be Juu teeb sennu ni,

Efesus teeb 1:10

Yoo maŋ-i taŋŋi jaŋ chib, ki u ji sa tun gbenn u lora maŋ, ki lakin u naamii kur sanpaapo nan tiŋ ni ki Masia-ii tee yudaanɔ.

Efesus teeb 3:9

ki bia te ki niib kur nunii-n yent ki bin bann biaŋinba ki Yennu woonin ni lor maŋ tuun gbeent Masia ni. Yaayoo niewa ki Yennu, wunba din nan bonsiar kur, din diar woonin ni

Hiibru teeb 1:5

Kimaan Yennu daa ki mi yet malakasɔɔ a “Fine tee n Bija, dinna ki n wann nan n tee a Baa.” Yennu bia ki mi yet malakasɔɔ po a “N tan sii tee a Baa, ki a tee n Bija.”

Hiibru teeb 1:8

Ŋaan li yet u Bija na po ŋanin a “Yennu, a naan na sii be nan yoo nba kaa gbennu. Ki yentinu dammir na tee a naan dammir.

Hiibru teeb 11:3

Ti yada paake ki ti bann nan Yennu mɔmaame din nan dunia na, ki ta laat bona nba na u din ki jii bonsiar kaa ki nanni.

Hiibru teeb 2:3

Li paak, ti-i kii sak ki gbiint tinnjaann maŋ labaar fanu, ti sa teen nlee ki nyi tubdatu ni? Ti Yomdaanɔ tiauŋo din dɔŋ mɔn tinnu maŋ labaar na po, ki binba din gbat na din wannit a li set tee barmɔniie;

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Hiibru teeb 4:14

Li paak, ŋaant man ki tii dia ti yada nba ki ti fiit wann na kenken, kimaan ti mɔk mantɔyudaanjaann, ŋɔɔe tee Yennu Bija Yisa wunba poŋ gar saan Yennu tiauŋ boor ni na.

Hiibru teeb 5:8

U tee Yennu Bijae, ŋaan u mun din dii farae Yennu mɔbsaku ni,

Hiibru teeb 7:28

Moses sennu na din tuu gann nisaarii ki teemm manteeb yudamm; ŋaan ki bi din tuu ki be fanu ki gbenni. Ŋaan sennu maŋ poorpoe ki Yennu din senn mɔsonn nan u Bija Yisa wunba sii yɔɔ be fanu ki jikit saa yoo nba kaa gbennu na, ki teenɔ mantɔɔ.

Hiibru teeb 7:3

Labasiar ki be ki want Melkisedek baa po amii u naa po amii u yejamm po. Labasiar kaa ki want u maru po amii u kuun po. U naan nan Yennu Bija nee. U lek bia yɔɔ tee Yennu mantɔɔe nan yoo nba kaa gbennu.

Hiibru teeb 9:26

Li-i diŋŋi bo-i tee nnaie, ŋann la din nyii dunia namu pinpiik niwa u din bo sa di fara taar bonchiann. Ŋaan mɔtana, yoo nba ji tan per joontu na ki u din dɔkit a wun jii u mɔŋ ki mann marouŋ ki kpeen biit.

1 Piita 1:20

Yennu nba daa din ki nan dunia yoonba na, ŋaan ki u poŋ gann Masia a wuu tee mannu maŋ, ŋaan ki u tan nyii paanu dajoontii na ni ti paak.

2 Piita 3:3

Sinsinn, n loon ki yii tian nan nisiab nba waa bi para loonbiit tan sii be dajoontii ni, ki tan sii sarikiti,

Juud 1:18

Bi din yet a “Dajoontii daa maŋ ni, niib nba waa bi mɔŋ gbanant loonbiit na tan sa fiir ki sarikiti.”