Filipi teeb 4:9 - Yennu Gbounpaauŋ Mɔɔr

⁹ Jiin linba ki i tumii ki gaar n boor ni nan n mɔbona nan n toona na kii tuun nann toona. Ki ti Yennu nba teent parmaasir na sii be nani.

Yennu Gbouŋ Mɔɔr

⁹ Jiin linba ki i tumii nan linba ki i gaar n boor, nan n mɔbona nan n toona na, kii tuun nann. Ki Yennu nba teent parmaasir na sii be nani.

Filipi teeb 4:9 ပူးပေါင်းရင်းမြစ်များ

Matiu 1:23

“Sapaamunn tan sa soor poor ki mar bonjabik, ki bi tan sa pur u sann Emmanuel.” (Li paak tee a “Yennu be nant.”)

Matiu 28:20

ki wannib ki bin sak linba ki n wanni na kura. Ŋaan yii tian man nan n sii be i boor ni yoo kura mɔkmɔk nan dunia gbennu.”

Matiu 7:21

“Li ki tee binba yin ‘N Yomdaanɔ, n Yomdaanɔ’ na kur kaa tan sa kɔɔ Yennu naan ni, see binba sak n Baa Yennu nba be sanpaapo na mɔb.

Barŋanii nba ki LUK din sɔb nae na 6:46

“Bee ki i yin i Yomdaanɔ ŋaan ki tuun ma loon biaŋinba?

Barŋanii nba ki LUK din sɔb nae na 8:21

Ŋanne ki u yetib a “Binba gbia Yennu maan ki saak ki bia tuun li biaŋ, ŋamme tee n naa nan n waarii.”

Jɔɔnn 13:17

Mɔtana i ji mi linba na, ki li-i tee ki i tuun nna, parpeenn tee i yare.

Jɔɔnn 15:14

“Li-i tee ki i tuun ma beti biaŋinba na, i tee n yɔɔsinbae.

Jɔɔnn 2:5

Ŋanne ki u naa maŋ bet toontunna na a “Linba ki u beti a yin tun, yin tun nna.”

Toona 9:6

Ŋaan fiit ki saan doo na ni, ki bi sa saa beta fa ji sa teen biaŋinba.”

Rom Teeb 15:33

Yennu nba teent parmaasir na sii be nani. Mɔmɔmm.

Rom Teeb 16:20

Li kan yukir ki Yennu nba teent parmaasir na sa te ki yin fiir ŋmaa Sintaanii yur paak. Ti Yomdaanɔ Yisa Masia-n sommi.

1 Korint teeb 10:31

Tɔn, li-i tee ki i di, amii ki i nyu bonnyunyuut, amii ki i tuun linba kur, yii tee man linba sa tur Yennu baakir.

1 Korint teeb 14:33

kimaan Yennu ki yiinit a tii tee kpir kpir; ŋaan kii tee soonna.

1 Korint teeb 4:16

N barimiie, yii waa n binbeŋ man.

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

Filipi teeb 3:17

N naa waas, yii biakii tokii min man. Yi jii i dudukit teen damm nba waa siarŋana nba ki ti din senn turi na ni.

Filipi teeb 4:7

Ki Yennu parmaasir nba gar nirɔ bannu terik na sa dia i para nan i dudukit Yisa Masia ni.

1 Tesalonika teeb 1:6

I din tokii biaŋinba ki ti din waa ti Yomdaanɔ, ki din gaar barŋanii maŋ i farchiauŋ ni nan parpeenn nba nyi Seyeeŋ boor ni na.

1 Tesalonika teeb 2:14

Ti naa waas, li muksubooru nba baari na, li muksubooru mun din baar binba tee Yennu niib Yisa Masia paak na Judea tiŋ ni; yimm nan ŋamm dii muksuboor-yeŋkɔɔe. I mɔŋ mɔŋ niib nba mukisi biaŋinba na, li muksuboorue ki bi niib, Juu teeb, mun din mukisib.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

2 Tesalonika teeb 3:4

Ti Yomdaanɔ paak ki ti teen yada nan i tuun ta din beti linba na, kii bia sii tuun nna yoo kura.

2 Timoti 4:22

Ti Yomdaanɔ-ii be nana. Yennu sommir-ii be i ni.

Jeems 1:22

Ŋaan yii tuun biaŋinba ki maan maŋ wanni na; li-i tee ki i gbat maan maŋ, ŋaan ki ki tuun biaŋinba ki li wann na, i kpann i mɔŋe.

2 Piita 1:10

N naa waas, Yennue yiini ki ganni, li paak, yi ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na i kan mi ki baa;

1 Jɔɔnn 3:22

Ki bia jenna, ti-i dia u sennii ki tuun linba pent u parie, ŋannii sa te ki u teent linba ki ti meiɔ na.