Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filipi teeb 4:8 - Yennu Gbounpaauŋ Mɔɔr

8 N naa waas, linba joont tee nnee, yi ŋaan ki i dudukit-n gbee nan linba tee barmɔnii, nan linba ŋan nan baakir, nan linba ŋan, nan linba mɔk burchint, nan linba took, nan linba yeen, nan linba mɔk fant, nan linba ŋan nan paku.

အခန်းကိုကြည့်ပါ။ ကော်ပီ

Yennu Gbouŋ Mɔɔr

8 N naa waas, linba joont tee nnae, ii ŋaan ki i dudukit n gbee nan barii nba tee mɔnii, nan linba jaŋ nan baakir, nan linba ŋan, nan linba mɔk burchint, nan linba took, nan linba yeen, nan linba mɔk fant, nan linba ŋan nan paku.

အခန်းကိုကြည့်ပါ။ ကော်ပီ




Filipi teeb 4:8
67 ပူးပေါင်းရင်းမြစ်များ  

Ŋanne ki bi din tun bi poorpoweiteeb nan Bat Herod poorpojɔɔmu Yisa boor ni, ki bi din boiɔ a “Wanntɔɔ, ti mi nan a tee barmɔnpakirɔɔe, ki want niib Yennu sɔnu nan barmɔnii, ŋaan ki ki fiin niib po, kimaan a baka kaa nan nisaarik nba tee wunba po.


Herod mun din tiin Jɔɔnn, kimaan u mi nan Jɔɔnn tee popeendaanɔ wunba tiin Yennu. Li paak ki u din tinn Jɔɔnn. Ŋaan Jɔɔnn nba mɔɔntir Yennu maan na, ki li ŋmat Herod yan ni bonchiann, ŋaan ki u lek gubint ki gbiintir u maan maŋ.


Ki Yisa yetib a “Yimm nba na want i mɔŋ nan i tee niburchimme, ŋaan Yennu mi i para ni. Linba ki nirɔ dukii nan li tee bonjaanne ŋaan li nubire Yennu boor.


Li yoo na ki jasɔɔ nna din be Jerusalem, ki u sann din tee Simeon. U din tee niburchimɔ nan yentinɔe, ki Yennu Seyeeŋ din be u ni, ki u din guu yoo nba ki Yennu sa tinn Israel teeb.


Ki jasɔɔ din be ki u sann yi Josef ki din nyii Juu teeb doo nba ki bi yir Arimatea, ki din tee niŋanɔ nba tee burchimɔ, ki din guu Yennu naan baaru na. U din tee Juu teeb yudaanyenɔe, ŋaan u din ki sak nan Juu teeb yudaanleeb nba din lorin lor, nan bi toona nba ki bi tuun tee Yisa maŋi.


Daanɔ nba piak u mɔŋ mɔŋ wannu, ŋɔɔ loon nibaakir ki teen u mɔŋe. Ŋaan wunba loon a niib-ii baakit wunba tumɔ na, ŋɔɔe tee popeendaanɔ, ki ki mɔk biiti.


Ki bi jiin a “Chanbaa Kɔneliuse tumit. U tee lanjimanba yudaanɔe, ki tee niburchimɔe biak, ki jiantir Yennu, ki Juu teeb kur teenɔ nibaakir. Tɔn, Yennu malaka won baar betɔ a wun yiina ki a baar u ŋaak ni, ki wun tan gbat linba ki a sa pak ki turɔ.”


“Ki jasɔɔ nna mun din be Damaskus, ki u sann yi Ananias, ki u din tee yentinɔ, ki bia din dia Moses sennu fanu, ki Juu teeb kura nba be Damaskus na din teenɔ nibaakir bonchiann.


Li paak, gotir ki gann jab bannlore i sinsuuk ni, binba ki i mi nan bi binbeŋ ŋan, ki bi bia mantik gbee nan Yennu Seyeeŋ nan yanfantir, ki tin teemm toona na yudamm;


Ŋaant ki ti toona-ii yeen kaman nan niib nba tuu be yentu ni na, ki daa nyu daan ki yibi, ki daa tuun yuukpeensimi. Ti daa baa joona, ki daa tuun toonbiit booru booru, ki daa kɔn kunkɔna, ki daa mɔk funfuna nan leebi.


Binba tuun toonbiit nee tiin yent damm jaŋmaanii, ŋaan binba ki tuun toonbiiti, bi ki tiin yent damm jaŋmaanii. I-i kii loon yii tiin yent daanɔ, li ŋan yii tuun linba ŋan, ki wun paki;


Wunba waa Masia nna, Yennu sii mɔk parpeenn nan li daanɔ, ki niib bia sii teeu nibaakir.


Juu nirɔ nan barmɔnii tee wunba tee Juu nirɔ u par nie. Potu nan mɔnii mun tee par nie, ki li potu tee Yennu Seyeeŋ tumu; li ki tee gbanant paanu ni kaa. Li daanɔ laat paku Yennu boore, li ki tee nisaarik boori.


Li paak, i daa bu sɔɔ buut mɔtana, kii guu yoo nba ki ti Yomdaanɔ tan sa baar na, wunba tan sa jii linba be bunbɔnn ni ki fiit wannir paanu ni, ki tan sa fiit para ni maan ki wann paanu ni; ki li yoo na ki sɔɔ kur tan sa la u nyɔɔt nba tee biaŋinba Yennu boor.


Ti mei Yennu teeni a i daa tuun toonbiiti. Li ki tee a ti want ti mɔŋ a ti tee barmɔnii damm kaa; li-i lekii tee ki i dukii a timm ki tee Masiaweira, ŋaan ti loon ki yii tuun toonŋanae,


Nisiab teent nibaakir, ki nisiab mun sukiit, nisiab biir ti sana, ki nisiab mun piakit; nisiab yeen a ti lin kpann niibe, ŋaan ki ti piak barmɔniie.


Ti tan sa te ki ti naa bisɔɔ-n weiɔ ki saan i boor ni. Ti naa bik maŋ nba mɔɔntir Masia barŋanii biaŋinba na paak te ki Masiaweira kur piakɔ bonchiann.


Ti Yomdaanɔ mi nan ti tuun nnee nan li sɔnu, ki ti loon ki niib-n mun bann nan ti set tuun nan li sɔnue.


Ŋaan Yennu Seyeeŋe te ki nirɔ mɔk loomm, nan parpeenn, nan parmaasir, nan sukuru, nan burchint, nan ŋamm, nan yada,


Li paak, ŋaant ki ti nyik faak, ŋaan sɔɔ kur-ii piak barmɔnii kii teen u lɔɔ, kimaan ti tee niyenɔkɔɔe Masia ni.


kimaan linba tee barmɔnii nan yentinu nan toonŋana kura tee yentu yare.


I set man, ki jii barmɔnii ki bobin i sai ni, kii mɔk yentinu nba tee kaman nan naagbankɔŋŋir na,


Li gbennu nira, n naa waas, yii mɔk parpeenn yimm nan ti Yomdaanɔ benu ni. Min yaa baka kaa nan ma ŋamm sɔb linba ki n poŋ daan sɔb turi sinsinn na; mi-i tuun nna, li sii tee i yumanne.


I mi man i binbeŋ nba tee biaŋinba ki tur binba ki tee Masia niib na, kii jii i yoo kii tuun fanu.


Ŋanne sa te ki binba ki tee Masiaweira na-n turi nibaakir, ki li ji kii kpaa talas ki yin jɔɔb i mɔŋ ki denn sɔɔ i bonlonkara paaki.


Yii mei Yennu batnba nan binba kur tee yikoo damm na paak, a tii be nan laafia nan parmaasir, kii tee yentina, kii be soonna.


Li kpaa talas ki bi poob-ii munii mɔk binbenŋaŋ, ŋaan daa tee sanjanjanna. Li kpaa talas ki bii tee subindamm kii tuun bi toona kur fanu.


Li kpaa talase ki u fit kii dia u mɔŋ ŋaak niib fanu, ki te ki u waas-n sak u mɔb kii mɔk nibaakir.


Daa te ki sɔɔ-n sianna kimaan fa pɔ na paaki. A te ki a pinpauk nan a binbenŋaŋ, nan a loomm, nan a yada, nan a binbenyeeŋ-n wann Masiaweira nba bo sii be biaŋinba.


ki poŋ tuu mɔk sanŋann u toona paak, ki tee wunba poŋ tuu mi waas wubiru fanu, ki gaan saamm u ŋaak ni, ki tuun sikininmɔŋ toona ki teen u leeb nba waa Masia na, ki sommit niib fara ni, ki poŋ jii u mɔŋ kura teen toonŋana tumu ni.


ki jii pookpera na ki bii tee kaman nan a naanba na, ki poopaannii na-ii naan nan a mɔŋ mɔŋ niipoob na nan binbenyeeŋ kura ni.


Li kpaa talas ki wuu mi saamm gaaru, kii loon toonŋana tumu, kii sub, kii be fanu, kii tee popeendaanɔ, kii mi mɔŋdianu.


ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.


A kpaan jasaakab ki bii be soonna, kii sub, kii dia bi mɔŋ, kii dia Masia labaar fanu, kii loon niib, kii mɔk gbankur.


A mɔŋ-ii be fanu bonsiar kur ni, kii want leeb ba sii be fanu biaŋinba. A wann niib Masia labaar nan barmɔnii, kii sub.


Li kpaa talas ki Masiaweira-ii tuun toonŋana kii sommit niib bi fara ni, ki daa be binbeŋ nba kaa nyɔɔti.


Yennu din pak yaayoo ni niib na bi yada paake.


I mei Yennu man ti paak. Ti ki mɔk dudukbisiat ti toona ni, kimaan ti loon tin tun linba tooke yoo kur.


Wunba sommit kpeebii nan pakɔi bi fara ni, ki bia nyinn u mɔŋ tingbouŋ na biit ni, ŋɔɔe set tee Yisaweirɔ nan barmɔnii, ki ki mɔk biit ti Baa Yennu boori.


Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.


Ya sak ki gaar Masia labaar nee te ki i nyii biit ni, ki ji loon i naa waas nan barmɔnii; li paak, yii loon i leeb man nan i para kura.


ŋaan kii be fanu tingbouŋ na niib sinsuuk ni, ki li-i tee ki bi sukii-i a i tee biitdamm, bi sa la i toonŋana ki dont Yennu, daar nba ki u tan sa baar na.


Linba gar bont kur tee a yii loon i leeb man fanu, kimaan loomm dɔkint biit bonchiann.


N naa walonkai, ma sɔbin gbouŋ nba ki teeni na ji pukii gbant ŋannlee na. Li gbant ŋannlee na kur ni, n poŋ tiari bont na po, ma n fiin i dudukŋant.


N waas, ti loomm maŋ daa be ti mɔi ni kuukɔɔ kaa; see ki lii tee barmɔnii loomm nba sommit niibe.


Ki bia jenna, binba kur daan u jenu po maŋ, ŋamme dia bi mɔŋ fanu, kaman nan wa be fanu biaŋinba na.


N walonkai, i daa tee nisiab kur nba yaa a bi mɔk Yennu Seyeeŋ na maan yada, ŋaan bikintib man, ki got laan bi sei maŋ nyii Yennu boor ni amii lee, kimaan faak sɔkiniinba bonchiann nba kpann niib na poŋ baar na ki yat lin niib ni.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ